Uncategorized

අලුත් APP එකක් හදලා සංචාරකයන් ගෙන්වන්න සූදානම්….

කොවිඩ් 19 පාලනය කිරීමෙන් පසු මෙරටට පැමිණෙන සංචාරකයන් වෙනුවෙන් නව පරිගණක යෙදවුමක් (app) හදුන්වා දීමට යයි. සංචාරක ඇමති ප්‍රසන්න රණතුංග මහතාගේ උපදෙස් පරිදි එම පරිගණක යෙදවුම නිර්මාණය කර තිබේ.

මෙම පරිගණක යෙදවුම නිර්මානය කිරීම සදහා සංචාරක සංවර්ධන අධිකාරියට ප්‍රතිපාදන ලබා දී ඇත්තේ එක්සත් ජාතීන්ගේ සංවර්ධන වැඩ සටහනයි. එය නිර්මානය කර ඇත්තේ තොරතුරු හා සන්නිවේදන තාක්ෂණ ආයතනය (ICTA) විසිනි.

කොවිඩ් වසංගතය තත්ත්වය යටතේ ශ්‍රී ලංකාව සංචාරකයන් සදහා විවෘත කිරීමේදී ඔවුන් මෙරටට ගොඩ බැසීමට පෙර සිටම ඔවුන් පිළිබද සියළු තොරතුරු ලබා ගැනීම මෙම නව පරිගණක යෙදවුම හදුන්වා දීමේ අරමුණ බව සංචාරක අමාත්‍ය ප්‍රසන්න රණතුංග මහතා පවසයි. දිවයිනට පැමිණෙන සංචාරකයන් සම්බන්ධ පී.සී.ආර් පරීක්ෂණ වාර්තා මෙන්ම ඔවුන් සංචාරය කරනු ලබන ප්‍රදේශ, ලැගුම්ගන්නා ස්ථාන හා අදාල කාල වකවානු පිළිබද දත්ත ලබා ගැනීම මෙමගින් කටයුතු කෙරේ.

මෙරටට පැමිණෙන සංචාරකයෙකුට වීසා අනුමැතිය ලබා දෙන අවස්ථාවේදී මෙම පරිගණක යෙදවුමට ඔහු හෝ ඇය සම්බන්ධ කර ගැනෙනු ඇත. එම සංචාරකයන්ට මෙරටට පැමිණීමට අනුමැතිය ලබා දෙන විටම ඔවුන් පිළිබදව සියළු තොරතුරු මෙරට සියලුම දිස්ත්‍රික්කවල මහජන සෞඛ්‍ය බළධාරීන් ඇතුළු අදාල අංශ වෙත ලබා දීමටද නියමිතයි.

මෙම පරිගණක යෙදවුමට මෙරට සංචාරක ස්ථාන පිළිබද තොරතුරු ද ඇතුලත් කිරීමට අපේක්ෂිතයි. දැනටමත් මෙරට සංචාරක ස්ථාන 4600ක් පුරාවිද්‍යා වටිනාකම් සහිත සිද්ධස්ථාන 175ක් පුරා තිබේ. එම තොරතුරු මෙම යෙදවුමට ඇතුලත් කිරීමට නියමිතය. මීට අමතරව මෙරටට පැමිණෙන සංචාරකයන්ට හදිසි අවස්ථාවකදී ඔවුන් නතර වී සිටින ප්‍රදේශයේ සංචාරක පොලීසිය සෘජුවම සම්බන්ධ කර ගැනීමටද මෙමගින් හැකියාව ලැබේ.

ඇමති ප්‍රසන්න රණතුංග මහතා සදහන් කලේ මෙම නව පරිගණක යෙදවුම ආගමන විගමන දෙපාර්තමේන්තුවත් සමග හවුලේ ක්‍රියාත්මක කරන බවයි. ඒ නිසා එය භාවිතය සදහා අවශ්‍ය අනුමැතිය සදහා ඇමති මණ්ඩලයට කැබිනට් පත්‍රිකාවක් ඉදිරිපත් කිරීමට අපේක්ෂා කරන බවද ඔහු සදහන් කලේය.

Uncategorized

ඉන්ධන අවසන්! ලෙබනනයේ විදුලි සැපයුම බිඳ වැටේ..

ඉන්ධන හිඟයක් හේතුවෙන් ලෙබනනයේ ප්‍රධාන විදුලි බලාගාර දෙකක් පසුගිය සෙනසුරාදා දිනයේ වසා දමන ලද අතර ඒ හේතුවෙන් මේ වන විට ලෙබනනයේ විදුලි සැපයුම මුළුමනින්ම පාහෝ බිඳ වැටී තිබෙන බව CNN වෙබ් අඩවිය වාර්තා කරනවා.

එරට බලධාරීන් ලෙබනනයේ අත්‍යවශ්‍ය සේවා සඳහා ඇති සංචිත වලින් ඉන්ධන ලබා දී නිෂ්පාදන මධ්‍යස්ථාන වලට විදුලිය අර්ධ වශයෙන් ප්‍රතිස්ථාපනය කිරීමට කටයුතු කරමින් සිටින බව ලෙබනනයේ රාජ්‍ය එන්එන්ඒ NNA ප්‍රවෘත්ති සේවය වාර්තා කර තිබෙනවා.

Uncategorized

ජ‘පුර සරසවියෙන් Voice Sri Lanka වේදිකාවට ආ මිදොරි..

මේ දවස්වල The Voice Sri Lanka වැඩසටහනේ කාගෙත් කතාබහට ලක්වෙන ඇය මිදොරි තාරුකා කරුණාරත්න. තමන්ටම අනන්‍ය වූ කට හඬකින් ගීත ගායනා කරන ඇය වර්තමානයේ ශ්‍රී ජයවර්ධනපුර විශ්ව විද්‍යාලයේ, කළමනාකරණ පීථයේ, ව්‍යාපාර සංඛ්‍යානය පිළිබඳ විශේෂ උපාධියක් හදාරණ අවසන් වසරේ සිසුවියක්.

ඉගෙනීමට වගේම ගායනයටත් ක්‍රීඩාවටත් එක ලෙස දස්කම් පෙන්වන ඈ කුඩා කල අධ්‍යාපනය ලබා ඇත්තේ කොලොන්නාව බාලිකා ජාතික පාසලෙන් වන අතර එම පාසලේදී ක්‍රීඩාවෙන් දැක් වූ දක්ෂතාවය මත ඇයට කොළඹ, සිරිමාවෝ බණ්ඩාරනායක විද්‍යාලයේ දොරටු විවර වනවා.

ඇයගේ පාසල් දිවිය තුළ ශ්‍රී ලංකා පාසල් කනිෂ්ඨ දැල්පන්දු කණ්ඩායම නියෝජනය කරන තිබෙන අතරේ වසර තුනක් පුරාවට ත්‍රෝබෝල් ක්‍රීඩාවෙන් සමස්ත ලංකා පාසල් ශූරතාවය දිනාගත් සිරිමාවෝ කණ්ඩායමේ නායිකාව වශයෙන්ද කටයුතු කර තිබෙනවා. 2015 Milo කුසලාන පාසල් ක්‍රීඩා උළෙලේ දී දැල්පන්දු අංශයෙන්ද, 2015, 16 වසර වල ත්‍රෝබෝල් ක්‍රීඩාවෙන් ද Milo වර්ණ සහ ජාතික වර්ණ ලබාගැනීමට ද ඇය සමත්ව තිබෙනවා.

ඊට අමතරව ඇය 2015 වසරේ සමස්ත ලංකා පාසල් නාට්‍ය තරඟාවලියේ දී විදේශ නාට්‍ය අංශයෙන් හොඳම සංගීත අධ්‍යක්ෂක, හොඳම රංග රංගභූමි පරිපාලනය සහ රංගන කුසලතාව යන සම්මාන වලට ද ඇයට හිමිකම් කීමට හැකියාව ලැබී අතර ඇය ඇතුළු නාට්‍ය කණ්ඩායම ප්‍රථම ස්ථානය හිමිකර ගන්නට සමත් වී තිබෙනවා.

විශ්වවිද්‍යාල කටයුතුවලට අමතරව The Voice Sri Lanka වැඩසටහනට සහභාගී වන මිදොරිට එම වැඩසටහන ඔස්සේ ජාත්‍යන්තරය ජය ගැනීමට හැකියාව ලැබේවා යයි ප්‍රාර් ථනා කරනවා..