Connect with us

ප‍්‍රධාන පුවත්

හමුදා ප්‍රධානීන් 57 දෙනෙකු ජාත්‍යන්තර අධිකරණබලයට ගොදුරු කිරීමේ කුමන්ත‍්‍රණයක් හෙලිවෙයි….

ජාතික සංවිධාන එකමුතුව විසින් ජනාධිපති ගෝටාභය රාජපක්‍ෂ මහතා වෙත යොමු කරන ලද ලිපියක් මෙහි දැක්වෙයි.

අතිගරු ජනාධිපතිතුමා,
ජනාධිපති ලේකම් කාර්යාලය,
කොළඹ.

ගරු ජනාධිපතිතුමනි,

හිටපු හමුදා ප්‍රධානීන් 57 දෙනෙකු ජාත්‍යන්තර අධිකරණ බලයට ගොදුරු කිරීම පිළිබඳව

රටේ ඉරණමට පමණක් නොව ඔබතුමාගේ චරිතයට අදාළවද ඉතා තීරණාත්මක දිනයක් ලෙස සැලකෙන අද දිනයේදී මෙම ලිපිය ලිවීමට සිදු වීම පිළිබඳව අප තුළ ඇත්තේ මිශ්‍ර හැඟීමකි. පළමුව අපේ රට බෙදා වෙන්කොට අප දේශසීමාව දෙපස සිට මරා ගන්නා කාලකන්නි ජාතියක් බවට පත් කිරීම සඳහා බටහිර සහ ඉන්දියානු අධිරාජ්‍යවාදී බලවේග විසින් අපගේ නළලේ කොටා තිබූ ඉරණම වෙනස් කළ දිනයකදී අපට දැනෙන සතුට අප්‍රමාණය. අප ඒ පිළිබඳව ඔබ තුමාට මෙන්ම එම ජාතික නිදහස් සටනට දිවි දුන් මහා විරුවන්ට පමණක් නොව ඊට අබමල් රේණුවකින් හෝ දායක වූ සියළු දෙනාට අපගේ ගෞරවනීය කෘතවේදීත්වය පළ කරමු.

එහෙත් ඒ නිදහස් සටනට නායකත්වය ලබා දුන් උසස් හමුදා නිලධාරීන් 57 දෙනෙකුට එරෙහිව ජාත්‍යන්තර අධිකරණ බලය ක්‍රියාත්මක කිරීම සඳහා දියත්කොට ඇති ජාත්‍යන්තර මානව හිමිකම් කුමන්ත්‍රණය පිළිබඳ අපට තිබෙන ගැඹුරු අවබෝධය නිසා අප හදවත් තුළ ඒ සතුට ඉක්මවා යන වේදනාවක් ඇති වේ. පසුගිය රජය විසින් 2015 සැප්තැම්බර් 30 වෙනිදා රණවිරුවන් පවා දෙමින් මානව හිමිකම් සමුළුවේදී එකඟතාවය පළ කරනු ලැබූ 30/1 යෝජනාව මත පදනම් වූ ක්‍රියාවලිය පසුගිය මාර්තු මාසය වන විට උච්චතම අවස්ථාවට පත් වූ බව පිළිගැනීමට සිදු වේ. ඔබතුමා ඉතා නිවැරදි ලෙස 30/1 යෝජනාවේ සම අනුග්‍රාහකත්වයෙන් ඉවත් වුවද 46/1 යෝජනාව මඟින් රණවිරුවන්ට එරෙහිව යුධ අපරාධ චෝදනා සහ ඊට අදාළ සාක්ෂි ගොනු කිරීම සඳහා පිහිටවනු ලැබූ ජාත්‍යන්තර යාන්ත්‍රණය මේ වන විට වැඩ ආරම්භ කොට ඇත.

ඒ අනුව දරුස්මාන් කමිටුවේ සාමාජික යස්මින් සුකා විසින් මීට පෙර අප රටේ ආරක්ෂක ප්‍රධානීන් 57 දෙනෙකුට එරෙහිව ගොනුකළ චෝදනා සහ සාක්ෂි වලට මෙම ජාත්‍යන්තර යාන්ත්‍රණය මඟින් සුජාතභාවය සහ නීත්‍යානුකූල භාවය ලබාදෙනු ඇත. ඉන් පසුව එම සාක්ෂි පදනම් කර ගනිමින් ලෝකය පුරා විවිධ රටවලදී දෙමළ ඩයස්පෝරාවේ මෙහෙයවීම මත එම ආරක්ෂක ප්‍රධානීන්ට එරෙහිව ජාත්‍යන්තර අධිකරණ බලය යටතේ නඩු පැවරීමේ හැකියාව ලැබේ. එම ක්‍රියාවලිය තුළ ඊට ගොදුරු වන නිලධාරීන්ට එරෙහිව බහු විධ ක්‍රියාමාර්ග ගැනීමේ හැකියාව ලැබේ.

එම ක්‍රියාමාර්ග, වීසා ලබා නොදීම සඳහා කළු ලැයිස්තුගත කිරීම, දේපළ ඇත්නම් අත්හිටුවීම, පවුලේ සාමාජිකයින්ගේ වීසා අත්හිටුවීම, පිට රටකට ගිය විටකදී අත්අඩංගුවට ගැනීම, එම රටේදී නඩු ඇසීම හෝ එම රට රෝම ප්‍රඥාප්තිය අත්සන් කොට ඇත්නම් ජාත්‍යන්තර අපරාධ අධිකරණයට බාරදීම, පිටුවහල් කරන ලෙස ශ්‍රී ලංකාවෙන් හෝ වෙනත් රටකින් ඉල්ලා සිටීම, නඩු අසා වැරදිකරු කොට දඬුවම් කිරීම, දඬුවම් ලබා දී එම දඬුවම් ශ්‍රී ලංකාවේදී ක්‍රියාත්මක කරන ලෙස ඉල්ලීම ආදී පුළුල් පරාසයක විහිදී ඇත. යස්මින් සුකා විසින් සිතියම් ගත කොට ඇති මාර්ග සිතියම අනුව (www.iptj.org) එම ක්‍රියාවලියට පහසුකම් සැපයීම සඳහා බරපතල යානත්‍රණයක් ක්‍රියාත්මක වන අතර එය පසුගිය මාර්තු මාසයේ සිටම ආරම්භ විය. ඒ අනුව ඉහත සඳහන් ක්‍රියාවලිය ලබන මාර්තු මාසයට පෙර ආරම්භ වනු ඇත.

මෙම මහා කුමන්ත්‍රණය පරාජය කිරීම සඳහා ජාතියක් ලෙස අපට ඇත්තේ එකම විකල්පයක් යැයි අපි සිතමු. ඒ දැනට අනුගමනය කරන ආරක්ෂාකාරී ප්‍රවේශයෙන් ප්‍රහාරාත්මක ප්‍රවේශයට මාරු වෙමින් අපගේ රණවිරුවන්ට ස්වාභාවික යුක්තිය ලබා දෙන ලෙස ඉල්ලා සිටීමය. ඔවුන්ගේ මානව හිමිකම් වලට අදාළ එම ඉල්ලීමට පිටුපෑමට මානව හිමිකම් කවුන්සිලයට හැකියාවක් නැත. ඉන් පසුව ස්වාභාවික යුක්තිය යටතේ අපගේ රණවිරුවන් යුධ අපරාධ නොකළ බවට නීතිමය සහ කරුණුමය සාක්ෂි මානව හිමිකම් කවුන්සිලයට නිල වශයෙන් ඉදිරිපත් කළ යුතුය. ඒ සඳහා අප රට සතුව ඇති තරම් සාක්ෂි තිබෙන අතර ජාතික සංවිධාන එකමුතුව සහ ගෝලීය ශ්‍රී ලාංකික සංසදය එක්ව ඒවා විධිමත්ව ගොනු කොට මේ වන විට පාර්ලිමේන්තුවේ සභාගත කොට ඇත.

එදා 2009-05-18 දින ඔබතුමාගේ නායකත්වය සහිතව ප්‍රති නිර්මාණය කළ ඉතිහාසයට සාධාරණය ඉටු කිරීම සඳහා ඔබ විසින් මෙම ක්‍රියාන්විතය වහා දියත්කළ යුතු බව අපගේ අවංක හැඟීමයි. ඒ සඳහා ඔබට ධෛර්යය පතමු.

තෙරුවන් සරණයි..!

මේ වගට,

ආචාර්ය ගුණදාස අමරසේකර,
කැඳවම්කරු,
ජාතික සංවිධාන එකමුතුව.

Click to comment

උණුසුම් පුවත්

දිල්ලි අගනුවර අඳුරු වේවිද? ඉන්දියාවේ තාප බලාගාර වල ගල් අඟුරු තොග ඇත්තේ තව දින 2කට!

ඉන්දියාවේ අගනුවර වන දිල්ලි හි තාප බලාගාරයේ ගල් අඟුරු ඉතිරිව ඇත්තේ එක් දිනක් සඳහා පමණක් වන අතර එමගින් දිල්ලියට විදුලිය ලබා ගත හැක්කේ දිනක් හෝ දෙකක් පමණක් බව විදුලිබල ඇමති සත්යෙන්ද්රා ජයින් පසුගියදා පැවසුවා.. “රට පුරා ගල් අඟුරු බලාගාර වල දැඩි ගල් අඟුරු හිඟයක් පවතී. දිල්ලියට විදුලිය ලබා දෙන බලාගාර වල ඉතිරිව ඇත්තේ එක් දිනකට සෑහෙන තොගයක් පමණි, ඉදිරිය සඳහා ප්‍රමාණවත් ගල් අඟුරු නැත” යනුවෙන් විදුලිබල ඇමතිවරයා පවසා ඇති බව හින්දුස්ථාන් ටයිම්ස් වෙබ් අඩවිය වාර්තා කර තිබෙනවා..

තවද ද ඉන්දියා එක්ස්ප්‍රස් වෙබ් අඩවිය වාර්තා කර ඇත්තේ පන්ජාබ් ප්‍රාන්ත බලශක්ති සංස්ථාව එහි තාප බලාගාර වල දැඩි ගල් අඟුරු හිඟයකට මුහුණ පාමින් සිටින බවයි. එහි බලශක්ති උත්පාදනය අඩු කර ඇති බවයි ඔවුන් වාර්තා කර ඇත්තේ. පන්ජාබයේද බලාගාර වල ගල්අඟුරු ඉතිරිව ඇත්තේ එක් දිනකට හෝ දෙකකට සෑහෙන තොග බවයි ඉන්දියා එක්ස්ප්‍රස් වැඩි දුරටත් වාර්තා කර තිබෙන්නේ.

ඉන්දියාව වැඩිපුරම ගල් අඟුරු ආනයනය කරන්නේ කැනඩාව, මොසැම්බික්, ඉන්දුනීසියාව සහ රුසියාව යන රටවල් වලිනි. ඉන්දියාව අගෝස්තු මාසයේ දී ගල් අඟුරු ටොන් මිලියන 9.5ක් පමණ ආනයනය කර තිබේ. ගෝලීය කොවිඩ් වසංගත තත්වය හේතුවෙන් ලෝකයේ බොහෝ රටවල් දැඩි ආර්ථික මෙන්ම සම්පත් හිඟයකටද මුහුණපා තිබේ. ලෝකයේ බලවත් රාජ්‍යක් මෙන්ම වැඩිම ජනගහනයක් සිටින දෙවන රට වන ඉන්දියාවටද මෙම සම්පත් හිඟය දැඩි ලෙස බලපෑම් කර තිබෙන බව මෙම විදුලි අර්බුදය තුළින් මනාව පෙනෙන්නට තිබේ.

Continue Reading

උණුසුම් පුවත්

මම හිටියා නම් ඔය ක්‍රීඩකයින්ගෙ කනට ගහන්නෙ – අර්ජුන

මම හිටියා නම් ඔය ක්‍රීඩකයින්ගෙ කනට ගහන්නෙ – අර්ජුන

දැං ක්‍රීඩකයො සංචාර යන්නෙ ටී ෂර්ට් ඇඳන්.. ලැජ්ජයි..

Continue Reading

ප‍්‍රධාන පුවත්

තෙල් මිල වැඩිකිරීම වැරදියි.. බැසිල් ඇවිත් තෙල් මිල අඩු කරන තෙක් රටම බලාගෙන ඉන්නවා….- මන්ත‍්‍රී රංජිත් බණ්ඩාර

බැසිල් රාජපක්ෂ මහතා පොදුජන පෙරමුණ නිර්මාණය කළා පමණක් නොව රටේ දැවැන්ත සංවර්ධන කටයුතු වල පිටුපස සිටි දැවන්ත චරිතයක් බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී මහාචාර්ය රංජිත් බණ්ඩාර මහතා පවසයි.

එහෙයින් ඉන්ධන මිළ වැඩි වීම සම්බන්ධව බැසිල් රාජපක්ෂ මහතා රට තුළ සිටියා නම් ඒ සම්බන්දව දෙවරක් සිතා බැලීමට අවස්ථාව දෙනු ඇතැයි ජනතාව තුළ විශ්වාසයක් ඇති බවද ඔහු පැවැසීය.

උඩුනුවර ආසනයේ කෝවිඩ් කමිටු රැස්වීම සදහා පැමිණි අවස්ථාවේ මාධ්‍ය වෙත අදහස් දක්වමින් ඔහු මේ බව පැවැසීය.

බැසිල් රාජපක්ෂ මහතා මෙරටට පැමිණෙන තුරු ජනතාව බොහෝ අපේක්ෂාවෙන් සිටින බවත් ඉන්ධන මිල අඩු කිරීමත් එම අපේක්ෂාවලින් එකක් බවද මහාචාර්‍යවරයා පැවැසිය.

“මේ අවස්ථාවේ තෙල් මිල වැඩි කිරිම සුදුසුයි කියා විස්වාස කරන්නේ නෑ. අපේ පක්ෂයේ මහත මහලේකම් විසින් ප්‍රකාශඹ කර තිබෙනවා. පක්ෂයක් ලෙස තෙල් මිල වැඩි කිරීම සම්බන්ධව අපේ කනස්සල්ල ඉදිරිපත් කරනවා.

විපක්ෂය මිට ඉහතදි දෝෂාභියෝග කිහිපයක්ම ගෙන ආවා. ඒ අය උත්සහ ගන්නේ ශ්‍රී ලංකා පොදුජන පෙරමුණ සමග කටයුතු කරන මිත්‍ර පක්ෂ හා නායකයින් අතර ගැටුමක් ඇති කිරිමටයි. නමුත් අප පක්ෂයක් ලෙස ගන්නා තීන්දු තිරණ සමග ඉන්නවා. දෝෂාභියෝගය සම්බන්ධව පක්ෂය අපිව දැනුවත් කළ පසු කුමන තීන්දුවක් ගන්නවාද නැද්ද යන්න ඉන් පසු තිරණය කරනවා” (ADA)

Continue Reading

Facebook

Advertisement

Updates

උණුසුම් පුවත්7 days ago

දිල්ලි අගනුවර අඳුරු වේවිද? ඉන්දියාවේ තාප බලාගාර වල ගල් අඟුරු තොග ඇත්තේ තව දින 2කට!

ඉන්දියාවේ අගනුවර වන දිල්ලි හි තාප බලාගාරයේ ගල් අඟුරු ඉතිරිව ඇත්තේ එක් දිනක් සඳහා පමණක් වන අතර එමගින් දිල්ලියට විදුලිය...

Uncategorized7 days ago

ඉන්ධන අවසන්! ලෙබනනයේ විදුලි සැපයුම බිඳ වැටේ..

ඉන්ධන හිඟයක් හේතුවෙන් ලෙබනනයේ ප්‍රධාන විදුලි බලාගාර දෙකක් පසුගිය සෙනසුරාදා දිනයේ වසා දමන ලද අතර ඒ හේතුවෙන් මේ වන විට...

Uncategorized3 months ago

ජ‘පුර සරසවියෙන් Voice Sri Lanka වේදිකාවට ආ මිදොරි..

මේ දවස්වල The Voice Sri Lanka වැඩසටහනේ කාගෙත් කතාබහට ලක්වෙන ඇය මිදොරි තාරුකා කරුණාරත්න. තමන්ටම අනන්‍ය වූ කට හඬකින් ගීත...

Uncategorized3 months ago

බැසිල් රාජපක්‍ෂ සමග ක්‍රමවත්ව පිළිවෙලකට ගමනක් යා හැකි නම් ඊට සූදානම්..- විමල්

ඕනෑම පුද්ගලයෙක් සමඟ ක්‍රමවත්ව පිළිවෙලකට ගමනක් යා හැකි නම් එම ගමන යාමට සූදානම් බව කර්මාන්ත අමාත්‍ය විමල් වීරවංශ මහතා සඳහන්...

Uncategorized3 months ago

සියයට සියයක් රජයේ විශ්වවිද්‍යාල පවත්වාගෙන යාමට හැකියාවක් නෑ..- ජනපති

“සෞභාග්‍යයේ දැක්ම” ප්‍රතිපත්ති ප්‍රකාශයේ තවත් පොරොන්දුවක් ඉටුකරමින් පුරවර විශ්වවිද්‍යාල වැඩසටහන ඇරඹේ. එහි පළමු සරසවිය කෑගල්ල දිස්ත්‍රික්කයේ, පින්නවල ප්‍රදේශය කේන්ද්‍ර කරගනිමින්...

Uncategorized3 months ago

ප්‍රබල තානාතිපතිවරු රැසක් අද බැසිල් හමුවෙයි!

පසුගිය මහින්ද ආණ්ඩුවේ ද ජාත්‍යන්තරය කළමනාකරණය කළ බැසිල් රාජපක්ෂ මුදල් ඇමති බවට පත්වීමෙන් පසු ලෝකයේ ප්‍රභල රටවල තානාපතිවරුන් ඔහු හමුවීම...

Uncategorized3 months ago

දකුණු ආසියාවේ කොරෝනා පාලනය සාර්ථකම රට ශ්‍රී ලංකාවයි..

ලංකා ඉතිහාසයේ දැවැන්තම එන්නත්කරන වැඩසටහන ක්‍රියාත්මක කිරීමේ සුවිශේෂී කාලසීමාවකට අප එළැඹ ඇතැයි ක්‍රීඩා අමාත්‍ය නාමල් රාජපක්ෂ මහතා පවසයි. සංචාරක ක්ශ්‍රේෂ්ත්‍රයේ...

Uncategorized3 months ago

අධි තාක්ෂණික කේබල් මත පිහිටි නව කැලණි පාලම යා කෙරේ..

ශ්‍රී ලංකාවේ පළමු අධි තාක්ෂණික කේබල් මත පිහිටි පාලම වන පෑලියගොඩ නව කැලණි පාලමේ, කැලණි ගඟ හරහා ඉදිකර ඇති කොන්ක්‍රීට්...

Uncategorized3 months ago

කොරෝනා මඩින්න සයිනොෆාම් මහ තොගයක්.. ලක්‍ෂ 20ක් කටුනායකට..

කොරෝනා මර්දනය සදහා චීනයේ නිෂ්පාදිත සයිනොෆාම් එන්නත් මාත්‍රා තවත් ලක්ෂ 20 ක තොගයක් අද පෙරවරුවේ කටුනායක ගුවන් තොටුපලට ගෙනැවිත් තිබේ....

Uncategorized3 months ago

සැප්තැම්බරයට පෙර ජනගහණයෙන් වැඩි ප්‍රතිශයකට එන්නත් දෙන සැලැස්ම ජනපති හෙලි කරයි..

සැප්තැම්බර් මාසයට පෙර සමස්ත ජනගහණයෙන් වැඩි ප්‍රතිශයකට කොවිඩ් එන්නත ලබාදීම සඳහා ජනාධිපති ගෝඨාභය රාජපක්ෂ මැතිතුමා පුළුල් වැඩපිළිවෙළක් ඉදිරිපත් කරයි. කොවිඩ්...

Advertisement
Advertisement

Trending

Copyright © 2020 Lanka C News

en_USEnglish