Connect with us

ප‍්‍රධාන පුවත්

අදත් මට පලමුවත්, දෙවනුවත්, තෙවනුවත් මව්බිම .. යුද්ධය දිනලා අවුරුදු 12කට පස්සේ අගමැති මහින්ද හඩ අවදි කරයි.

මානුෂීය මෙහෙයුමේ ජයග්‍රහණය සැමරුම් දිනය වෙනුවෙන් අද දින (18-05-2021) අග්‍රාමාත්‍යවරයා පාර්ලිමේන්තුවේදී සිදුකළ ප්‍රකාශය.

“අද සුවිශේෂී දවසක්. අපි තිස් වසරක ත්‍රස්තවාදය මේ පොළොවෙන් අතුගාලා දාලා අදට වසර දොළහක් සම්පූර්ණ වෙනවා.

2009 මැයි 18 වෙනිදා මට හොඳට මතකයි, මේ මුළු රටේම ජනතාව ජාතික ධජය අරන් පාරට බැහැලා තමන්ගෙ සතුට එදා ප්‍රකාශ කළ හැටි. ඒ ජයග්‍රහණය රටේ එක කොටසක් විතරක් ලබාගත් ජයග්‍රහණයක් නොවේ. එදා ත්‍රස්තවාදීන් මිනිස් පළිහක් විදියට යොදා ගත්ත ලක්ෂ හතරකටත් වඩා වැඩි ප්‍රාණ ඇපකරුවන් පිරිසක් අපි නිදහස් කර ගත්තා.

අවුරුද්දකට වතාවක් දෙකක් ජීවත්වන ගේදොර, හරකාබාන අතහැරලා බඩු මුට්ටු පොදි බැඳගෙන ජීවිතය විතරක් අතින් අරගෙන පාරට වැටිලා උතුරු නැගෙනහිර අපේ ජනතාව සරණාගතයින් ලෙස තැනින් තැනට ගිය යුගය අපි නිමා කරලා දුන්නා.

අවුරුදු විස්සක් විතර අනාථ නිවාසවල ජීවත් වුණ නැගෙනහිර ජනතාවට යළි තමන්ගේ ගෙදරට ගිහින්  ගෞරවය ඇතිව ජීවත් වෙන්න අවස්ථාව අපි හදා දුන්නා.

කොයි මොහොතක හෝ කැති ගහලා වෙඩි තියලා දරුවෝ උස්සලා පොළොවේ ගහලා මරා දායි ද කියලා හිත හිතා හැංගිලා ජීවත් වුණු ගම්මාන උතුරු නැගෙනහිර ප්‍රදේශවල තිබුණා. මර බයේ මිනිස්සු ජීවත් වුණු ගම්මානවලට කිව්වේ මායිම් ගම්මාන කියලා.

සමහර ප්‍රදේශවල පය ගහන්න බැරි තරමට බිම් බෝම්බ වළලා තිබුණා. මාර්ග බාධක, අධි ආරක්ෂක කලාප හැම තැනම තිබුණා. ඒ සියල්ල මේ රටෙන් තුරන් කරලා මරණ බිය නැති නිදහස් දේශයක් බිහි කළ උදාර දවස අදයි.

තමන්ගෙ දුවා දරුවන් යුද්දෙට ඇදගෙන යන්නේ නැතිව රටක් හැදූ නිසා මේ ජයග්‍රහණය උතුරේ ජනතාවටත්, නැගෙනහිර ජනතාවටත් අයිතියි. ශ්‍රී මහා බෝධිය ළඟ, දළදා මාළිගාවේ, කාත්තන්කුඩි පල්ලියේ වාගේම මඩු දේවස්ථානයේ බෝම්බ පුපුරන්නේ නැති නිසා මේ ජයග්‍රහණය සියලු ආගමිකයන්ට අයිතියි. තමන්ගෙ දරුවා වෙනුවෙන් ඉස්කෝල ගේට්ටු මුර කරන යුගය නිමා කළ නිසා සියළු ජනතාවටත් මේ ජයග්‍රහණය අයිතියි.

ඒ විතරක් නෙවෙයි, මේ ජයග්‍රහණය මේ උත්තරීතර සභාව ලබපු විශාල ජයග්‍රහණයක්. එල්ටීටීඊ ත්‍රස්තවාදීන් මුලින්ම ඝාතනය කරන්න පටන් ගත්තේ මහජන නියෝජිතයන්ව. දොරේ අප්පාගේ ඉඳන් අමිර්තලිංගම්ගේ ඉඳන් සෑම් තම්බිමුත්තුගේ ඉඳන් මහජන නියෝජිතයෝ විශාල පිරිසකගේ ජීවිත අහිමි වුණා. මේ සභාව නියෝජනය කළ ආර්. ප්‍රේමදාස, ලක්ෂ්මන් කදිරගාමර්, ගාමිණී දිසානායක, ලලිත් ඇතුලත්මුදලි, ජෙයරාජ් ප්‍රනාන්දුපුල්ලේ, ද.මු. දසානයක, සී.වී. ගුණරත්න ඇතුළු විශාල මහජන නියෝජිතයින් පිරිසකගේ ජීවිත ත්‍රස්තවාදීන් උදුරා ගත්තා. දරුණුම මරණ බිය තිබුණේ මේ සභාවට එන මහජන නියෝජිතයන්ටයි.

 තමන්ගේ  උපන් ගෙදරත් බංකරයක් කරගෙන ජීවත් වෙන්නයි මහජන නියෝජිතයින්ට සිද්ධ වුණේ. මේ සභාවේ මන්ත්‍රීවරු කවුරු පිටුපසත් ත්‍රස්තවාදීන්ගේ තුවක්කු කටක්, බෝම්බයක්  එල්ල වෙලා තිබුණා. මේ උත්තරීතර සභාවේ ඉන්න සියලු දෙනාගේ ගෙලට ඉහළින් මරණයේ අසිපත ලෙළදෙමින් තිබුණේ.

එල්ටීටීඊය විනාශ කරලා අපි මේ ප්‍රජාතන්ත්‍රවාදයේ දෙවොලේ තිබුණ මරණ බිය තුරන් කළා කියලා මම කියන්න ඕනෑ. ඒ නිසා ඒ ජයග්‍රහණයේ ප්‍රතිඵල ඉහළින්ම  වැඩියෙන්ම භුක්ති විඳින්නේ ඔබයි. ඒ නිසා මේ ජයග්‍රහණය මේ සභාවේ ඉන්න කවුරුත් අවතක්සේරු නොකළ යුතුයි.

අද උතුරේ පළාත් පාළන ජන්ද, පළාත් සභා සහ පාර්ලිමේන්තු ජන්ද  නිදහසේ තියන්න පුළුවන් වෙන්නේ  මේ ජයග්‍රහණය නිසයි. උතුරු නැගෙනහිර මහජන නියෝජිතයින්ට තමන්ගේ ගම්වල ඇවිදලා තමන් කැමති දෙයක් කියලා නිදහස් අදහස් පලකරලා දේශපාලනය කරලා මේ සභාවට එන්න එදා පුළුවන්කම තිබුණේ නැහැ. ඒක ඔබගේ හෘද සාක්ෂිය හොඳින්ම දන්නවා.ඒ ජයග්‍රහණය අපට ලබා දෙන්න දහස් ගණනක් ජීවිත දන් දුන්නා. ඇස්, මස්, ලේ, දන් දුන්නා. අත් පා අහිමි කර ගත්තා.

එදා යුද්දෙට ගිය කිසිකෙනෙක් ඒ සඳහා ගියේ ජන සංහාරයක් කරන්න නෙවෙයි.  එදා හිටපු ආරක්ෂක ලේකම් ගෝඨාභය රාජපක්ෂ, හිටපු හමුදාපති සරත් ෆොන්සේකා, හිටපු නාවික හමුදාපති වසන්ත කරන්නාගොඩ, හිටපු ගුවන් හමුදාපති රොෂාන් ගුණතිලක ජන සංහාරයක් කරන්න තමන්ගේ සේනා මෙහෙයවපු අය නොවෙයි.

ඒ අය සටන් කළේ උතුරේ අහිංසක දරුවෝ අම්මලා තාත්තලා බියපත් ජනතාව මිනිස් පළිහක් කරගෙන ඔවුන් පිටු පසට වෙලා සටන් කළ ම්ලේචයින් පිරිසක් එක්ක. ඒ මිනිස් පළිහ බේරගෙන ත්‍රස්තවාදීන්ට එරෙහිව සටන් කරන්නයි අපේ අරමුණ වුණේ. ඒක හමුදා ප්‍රධානීන්ට ලැබෙන දුෂ්කර අභියෝගයක්. ඒක ඔවුන් කළා.

අපි ලෝකයේ උසස්ම රණවිරුවන් බවට පත් කළේ එදා හිටිය සාමාන්‍ය ජනතාවගේ දරුවෝ. ග්‍රාම ආරක්ෂකයෝ හැටියට හිටිය අයව සිවිල් ආරක්ෂකයෝ බවට පත් කළා.  රජයේ ආරක්ෂක  සෙබලු කියලා සළකපු අය විරෝධාර රණ විරුවෝ බවට පත් කළා. ඒ අය වෙනුවෙන් වෙනම රෝහල් හැදුවා. වෙනම  පාසැල් හැදුවා. ලෝකේ රාජ්‍ය තාන්ත්‍රික සේවාවන් වල යෙදෙව්වා. රාජ්‍ය සේවයේ උසස් තනතුරුවලට පත් කළා. වැටුප්, දීමනා, වන්දි හැම දේකින්ම ඔවුන්ගේ තත්වය උසස් කළා.

ඒ වගේම මානුෂීය මෙහෙයුමේ දී තුවාලලත් රණවිරුවන්  රජයෙන් ලබා ගත් දේපල ණයවල පොළිය ඉවත් කරන්නත් අපි තීරණයක් අරන් තියෙන්නෙ.

රණ විරුවන් අද සුව විරුවන් බවට පත් වෙලා අද රටක් වසංගතයකින් බේර ගන්න සටන් වදිනවා. රටට ජාතියට ද්‍රෝහී බලවේග එදා යුද්දෙදි අපට එරෙහි වුණා වගේම අදත් වසංගතයට එරෙහිව ත්‍රිවිධ හමුදාව යොදවනවට එරෙහි වෙනවා.

නමුත් මතක තියා ගන්න ලෝකෙ දරුණු ත්‍රස්තවාදීන්ට විරුද්ධව සටන් කරලා ‍ලෝකෙට ආදර්ශයක් දුන්නා වගේම ලෝකේ දරුණුම වසංගතයට මුහුණ දීලා මේ රණවිරුවන් ලෝකෙට ආදර්ශයක් දෙන බව. ඕනෑම තත්වයකට මුහුණ දෙන්න පුලුවන් පිරිසක් බවට ත්‍රිවිධ හමුදා පොලිස් සිවිල් ආරක්ෂක සෙබලුන් අපි පත් කොට තිබෙනවා. අද වගේ දවසක මට ඒ ගැන ආඩම්බරයි.

ඒ උදාර විරුවන් ආරක්ෂා  කර ගැනීම ශ්‍රී ලාංකික ජාතියේ තිබෙන විශිෂ්ට මානුෂික ගුණාංගයක් බව මේ සභාවට මම අවධාරණය කරනවා.

ඒ නිසා අපි රණවිරුවන්ට එරෙහිව ජිනීවා මානව හිමිකම් සමුළුවට ඉදිරිපත් කළ යෝජනාවේ සම අනුග්‍රාහකයෙක් වීමේ දේශද්‍රෝහී යෝජනාවෙන් ඉවත් වුණා.

ඔබට නිදහස ලබා දෙන්න, රටට සාමය උදා කරන්න රණවිරුවන් ජීවිත පූජා කළා. ඒ නිසා කිසිදු මොහොතක කවර අභියෝගයක් ආවත් දහස් ගණනක් ජිවිත පරිත්‍යාග කොට ලබාගත් විජයග්‍රහණය අපි පාවා දෙන්නේ නැහැ. අපිට වටින්නේ  මේ රටයි.

එදා ත්‍රස්තවාදය මේ පොළොවෙන් අතුගා දැමු දවසේ මේ උත්තරීතර සභාව ඇමතුවා. එදා මා කිව්වා වගේම අදටත් මට

පළමුවත් මව් බිම
දෙවනුවත් මව්බිම
තෙවනුවත් මව්බිම
ස්තූතියි.

Click to comment

උණුසුම් පුවත්

දිල්ලි අගනුවර අඳුරු වේවිද? ඉන්දියාවේ තාප බලාගාර වල ගල් අඟුරු තොග ඇත්තේ තව දින 2කට!

ඉන්දියාවේ අගනුවර වන දිල්ලි හි තාප බලාගාරයේ ගල් අඟුරු ඉතිරිව ඇත්තේ එක් දිනක් සඳහා පමණක් වන අතර එමගින් දිල්ලියට විදුලිය ලබා ගත හැක්කේ දිනක් හෝ දෙකක් පමණක් බව විදුලිබල ඇමති සත්යෙන්ද්රා ජයින් පසුගියදා පැවසුවා.. “රට පුරා ගල් අඟුරු බලාගාර වල දැඩි ගල් අඟුරු හිඟයක් පවතී. දිල්ලියට විදුලිය ලබා දෙන බලාගාර වල ඉතිරිව ඇත්තේ එක් දිනකට සෑහෙන තොගයක් පමණි, ඉදිරිය සඳහා ප්‍රමාණවත් ගල් අඟුරු නැත” යනුවෙන් විදුලිබල ඇමතිවරයා පවසා ඇති බව හින්දුස්ථාන් ටයිම්ස් වෙබ් අඩවිය වාර්තා කර තිබෙනවා..

තවද ද ඉන්දියා එක්ස්ප්‍රස් වෙබ් අඩවිය වාර්තා කර ඇත්තේ පන්ජාබ් ප්‍රාන්ත බලශක්ති සංස්ථාව එහි තාප බලාගාර වල දැඩි ගල් අඟුරු හිඟයකට මුහුණ පාමින් සිටින බවයි. එහි බලශක්ති උත්පාදනය අඩු කර ඇති බවයි ඔවුන් වාර්තා කර ඇත්තේ. පන්ජාබයේද බලාගාර වල ගල්අඟුරු ඉතිරිව ඇත්තේ එක් දිනකට හෝ දෙකකට සෑහෙන තොග බවයි ඉන්දියා එක්ස්ප්‍රස් වැඩි දුරටත් වාර්තා කර තිබෙන්නේ.

ඉන්දියාව වැඩිපුරම ගල් අඟුරු ආනයනය කරන්නේ කැනඩාව, මොසැම්බික්, ඉන්දුනීසියාව සහ රුසියාව යන රටවල් වලිනි. ඉන්දියාව අගෝස්තු මාසයේ දී ගල් අඟුරු ටොන් මිලියන 9.5ක් පමණ ආනයනය කර තිබේ. ගෝලීය කොවිඩ් වසංගත තත්වය හේතුවෙන් ලෝකයේ බොහෝ රටවල් දැඩි ආර්ථික මෙන්ම සම්පත් හිඟයකටද මුහුණපා තිබේ. ලෝකයේ බලවත් රාජ්‍යක් මෙන්ම වැඩිම ජනගහනයක් සිටින දෙවන රට වන ඉන්දියාවටද මෙම සම්පත් හිඟය දැඩි ලෙස බලපෑම් කර තිබෙන බව මෙම විදුලි අර්බුදය තුළින් මනාව පෙනෙන්නට තිබේ.

Continue Reading

උණුසුම් පුවත්

මම හිටියා නම් ඔය ක්‍රීඩකයින්ගෙ කනට ගහන්නෙ – අර්ජුන

මම හිටියා නම් ඔය ක්‍රීඩකයින්ගෙ කනට ගහන්නෙ – අර්ජුන

දැං ක්‍රීඩකයො සංචාර යන්නෙ ටී ෂර්ට් ඇඳන්.. ලැජ්ජයි..

Continue Reading

ප‍්‍රධාන පුවත්

තෙල් මිල වැඩිකිරීම වැරදියි.. බැසිල් ඇවිත් තෙල් මිල අඩු කරන තෙක් රටම බලාගෙන ඉන්නවා….- මන්ත‍්‍රී රංජිත් බණ්ඩාර

බැසිල් රාජපක්ෂ මහතා පොදුජන පෙරමුණ නිර්මාණය කළා පමණක් නොව රටේ දැවැන්ත සංවර්ධන කටයුතු වල පිටුපස සිටි දැවන්ත චරිතයක් බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී මහාචාර්ය රංජිත් බණ්ඩාර මහතා පවසයි.

එහෙයින් ඉන්ධන මිළ වැඩි වීම සම්බන්ධව බැසිල් රාජපක්ෂ මහතා රට තුළ සිටියා නම් ඒ සම්බන්දව දෙවරක් සිතා බැලීමට අවස්ථාව දෙනු ඇතැයි ජනතාව තුළ විශ්වාසයක් ඇති බවද ඔහු පැවැසීය.

උඩුනුවර ආසනයේ කෝවිඩ් කමිටු රැස්වීම සදහා පැමිණි අවස්ථාවේ මාධ්‍ය වෙත අදහස් දක්වමින් ඔහු මේ බව පැවැසීය.

බැසිල් රාජපක්ෂ මහතා මෙරටට පැමිණෙන තුරු ජනතාව බොහෝ අපේක්ෂාවෙන් සිටින බවත් ඉන්ධන මිල අඩු කිරීමත් එම අපේක්ෂාවලින් එකක් බවද මහාචාර්‍යවරයා පැවැසිය.

“මේ අවස්ථාවේ තෙල් මිල වැඩි කිරිම සුදුසුයි කියා විස්වාස කරන්නේ නෑ. අපේ පක්ෂයේ මහත මහලේකම් විසින් ප්‍රකාශඹ කර තිබෙනවා. පක්ෂයක් ලෙස තෙල් මිල වැඩි කිරීම සම්බන්ධව අපේ කනස්සල්ල ඉදිරිපත් කරනවා.

විපක්ෂය මිට ඉහතදි දෝෂාභියෝග කිහිපයක්ම ගෙන ආවා. ඒ අය උත්සහ ගන්නේ ශ්‍රී ලංකා පොදුජන පෙරමුණ සමග කටයුතු කරන මිත්‍ර පක්ෂ හා නායකයින් අතර ගැටුමක් ඇති කිරිමටයි. නමුත් අප පක්ෂයක් ලෙස ගන්නා තීන්දු තිරණ සමග ඉන්නවා. දෝෂාභියෝගය සම්බන්ධව පක්ෂය අපිව දැනුවත් කළ පසු කුමන තීන්දුවක් ගන්නවාද නැද්ද යන්න ඉන් පසු තිරණය කරනවා” (ADA)

Continue Reading

Facebook

Advertisement

Updates

උණුසුම් පුවත්7 months ago

දිල්ලි අගනුවර අඳුරු වේවිද? ඉන්දියාවේ තාප බලාගාර වල ගල් අඟුරු තොග ඇත්තේ තව දින 2කට!

ඉන්දියාවේ අගනුවර වන දිල්ලි හි තාප බලාගාරයේ ගල් අඟුරු ඉතිරිව ඇත්තේ එක් දිනක් සඳහා පමණක් වන අතර එමගින් දිල්ලියට විදුලිය...

Uncategorized7 months ago

ඉන්ධන අවසන්! ලෙබනනයේ විදුලි සැපයුම බිඳ වැටේ..

ඉන්ධන හිඟයක් හේතුවෙන් ලෙබනනයේ ප්‍රධාන විදුලි බලාගාර දෙකක් පසුගිය සෙනසුරාදා දිනයේ වසා දමන ලද අතර ඒ හේතුවෙන් මේ වන විට...

Uncategorized10 months ago

ජ‘පුර සරසවියෙන් Voice Sri Lanka වේදිකාවට ආ මිදොරි..

මේ දවස්වල The Voice Sri Lanka වැඩසටහනේ කාගෙත් කතාබහට ලක්වෙන ඇය මිදොරි තාරුකා කරුණාරත්න. තමන්ටම අනන්‍ය වූ කට හඬකින් ගීත...

Uncategorized10 months ago

බැසිල් රාජපක්‍ෂ සමග ක්‍රමවත්ව පිළිවෙලකට ගමනක් යා හැකි නම් ඊට සූදානම්..- විමල්

ඕනෑම පුද්ගලයෙක් සමඟ ක්‍රමවත්ව පිළිවෙලකට ගමනක් යා හැකි නම් එම ගමන යාමට සූදානම් බව කර්මාන්ත අමාත්‍ය විමල් වීරවංශ මහතා සඳහන්...

Uncategorized10 months ago

සියයට සියයක් රජයේ විශ්වවිද්‍යාල පවත්වාගෙන යාමට හැකියාවක් නෑ..- ජනපති

“සෞභාග්‍යයේ දැක්ම” ප්‍රතිපත්ති ප්‍රකාශයේ තවත් පොරොන්දුවක් ඉටුකරමින් පුරවර විශ්වවිද්‍යාල වැඩසටහන ඇරඹේ. එහි පළමු සරසවිය කෑගල්ල දිස්ත්‍රික්කයේ, පින්නවල ප්‍රදේශය කේන්ද්‍ර කරගනිමින්...

Uncategorized10 months ago

ප්‍රබල තානාතිපතිවරු රැසක් අද බැසිල් හමුවෙයි!

පසුගිය මහින්ද ආණ්ඩුවේ ද ජාත්‍යන්තරය කළමනාකරණය කළ බැසිල් රාජපක්ෂ මුදල් ඇමති බවට පත්වීමෙන් පසු ලෝකයේ ප්‍රභල රටවල තානාපතිවරුන් ඔහු හමුවීම...

Uncategorized10 months ago

දකුණු ආසියාවේ කොරෝනා පාලනය සාර්ථකම රට ශ්‍රී ලංකාවයි..

ලංකා ඉතිහාසයේ දැවැන්තම එන්නත්කරන වැඩසටහන ක්‍රියාත්මක කිරීමේ සුවිශේෂී කාලසීමාවකට අප එළැඹ ඇතැයි ක්‍රීඩා අමාත්‍ය නාමල් රාජපක්ෂ මහතා පවසයි. සංචාරක ක්ශ්‍රේෂ්ත්‍රයේ...

Uncategorized10 months ago

අධි තාක්ෂණික කේබල් මත පිහිටි නව කැලණි පාලම යා කෙරේ..

ශ්‍රී ලංකාවේ පළමු අධි තාක්ෂණික කේබල් මත පිහිටි පාලම වන පෑලියගොඩ නව කැලණි පාලමේ, කැලණි ගඟ හරහා ඉදිකර ඇති කොන්ක්‍රීට්...

Uncategorized10 months ago

කොරෝනා මඩින්න සයිනොෆාම් මහ තොගයක්.. ලක්‍ෂ 20ක් කටුනායකට..

කොරෝනා මර්දනය සදහා චීනයේ නිෂ්පාදිත සයිනොෆාම් එන්නත් මාත්‍රා තවත් ලක්ෂ 20 ක තොගයක් අද පෙරවරුවේ කටුනායක ගුවන් තොටුපලට ගෙනැවිත් තිබේ....

Uncategorized11 months ago

සැප්තැම්බරයට පෙර ජනගහණයෙන් වැඩි ප්‍රතිශයකට එන්නත් දෙන සැලැස්ම ජනපති හෙලි කරයි..

සැප්තැම්බර් මාසයට පෙර සමස්ත ජනගහණයෙන් වැඩි ප්‍රතිශයකට කොවිඩ් එන්නත ලබාදීම සඳහා ජනාධිපති ගෝඨාභය රාජපක්ෂ මැතිතුමා පුළුල් වැඩපිළිවෙළක් ඉදිරිපත් කරයි. කොවිඩ්...

Advertisement
Advertisement

Trending

Copyright © 2020 Lanka C News

en_USEnglish