පාර්ලිමේන්තු මන්ත්‍රී පූජ්‍ය අතුරලියේ රතන හිමියන් ජූලි 05 දින පාර්ලිමේන්තු මන්ත්‍රී ධුරයෙන් ඉවත් වූ එය පක්ෂයට නැවත ලබා දිය යුතු බව බොදුබල සේනා සංවිධානයේ මහලේකම් පූජ්‍ය ගලගොඩඅත්තේ ඥානසාර හිමියෝ සඳහන් කරති. ඒ සඳහා රතන හිමියන් පොරොන්දු වු බවත් එය පක්ෂය සමග ඇතිකරගත් එකඟතාවයක් බවත්් ඥානසාර හිමියෝ පවසති. උන්වහන්සේ මෙම අදහස් පල කරන්නේ අන්තර්ජාල නාළිකාවක් සමඟ සාකච්ඡාවකට එක් වෙමිනි.

තමන්ට ජීප් රථයක් මිලට ගැනීමට මුදල් දුන්නේ ඇමෙරිකාවේ සිටින ව්‍යාපාරිකයෙක් බවද පැවසූ ඥානසාර යනු ඒ සඳහා සාක්ෂි ලෙස හඬ පට ද ඉදිරිපත් කරන ලදී. රතන හිමියන් විසින් එම වාහනය ලබා දුන් බවට එල්ල වන චෝදනා ප්‍රතික්ෂේප කරන උන්වහන්සේ රතන හිමියන් විසින් තමන් වහන්සේට ප්ලේන්ටියක් වත් ලබා දී නැතැයිද කියා සිටිති.

තම පෙම්වතා තමා සමඟ පැවැති ආදර සම්බන්ධතාව හිටි හැටියේ නතර කිරීමත් නිසා දැඩි ශෝකයෙන් සිටි 14 හැවිරිදි දැරිවියක් නිවසේ උඩුමහෙලෙන් බිමට පැන තිබෙනවා. බොරැල්ලේ ප්‍රදේශයේ පදිංචි 9 වසරෙහි ඉගෙනුම ලබන දැරිවියක් මෙලෙස සියදිවි හානි කරගැනීමේ අරමුණින් උඩුමහලෙන් පැන ඇති ඇය ඉන් බරපතළ තුවාල ලබා තිබෙනවා.

ඊයේ උදෑසන මෙම සිද්ධිය වාර්තා වී ඇති අතර නිවැසියන් වහාම ඇයව කොළඹ ජාතික රෝහලේ හදිසි අනතුරු අංශය වෙත ඇතුළත් කර තිබෙනවා.

මුස්ලිම් දැරිවියක වන ඇය මෙම ක්‍රියාව කොට් ඇත්තේ සියදිවි හානි කර ගැනීමේ අරමුණින් බවද් වාර්තා වෙනවා. ඇය ඇයගේම වයසේ සිසුවෙකු සමඟ ප්‍රේම සම්බන්ධතාවක් ගොඩ නගා ගෙන තිබෙනවා.ඒ ස්මාර්ට් ජංගම දුරකථනය ඔස්සේය.

කොරෝනා කාලයේම ඇය සිය පෙම්වතා සමඟ ජංගම දුරකථනය හරහා ප්‍රේම සම්බන්ධතාව පවත්වා ඇති අතර ඉකුත් සතියේ එම පෙම්වතා හිටි හැටියේ ප්‍රේම සම්බන්ධතාවය අත්හිටුවා තිබෙනවා. මේ නිසා දුකෙන් සිටි දැරිය මෙලෙස උඩු මහළෙන් බිමට පැන සියදිවි හානි කර ගැනීමට උත්සහ ගෙන තිබෙනවා.

වාතය හරහා බෝවීම සිදු වන බවට ලෝක සෞඛ්‍ය සංවිධානය විසින් තහවුරු කර ඇති කොරෝනා වෛරසයේ නව ප්‍රභේදයක් මෙරටට ඇතුළු වී තිබෙන බව ශ්‍රී ජයවර්ධනපුර විශ්වවිද්‍යාලයේ මහාචාර්ය නීලිකා මලවිගේ මහත්මිය සඳහන් කරයි.

එනිසා මෙම වෛරසයෙන් ආරක්ෂා වීම සඳහා සෑම විටම මුව ආවරණ පැළඳ සිටින ලෙසත්, නව ප‍්‍රභේදය ආසාදිත වූවන් ආසාදිතයන්ට රෝග ලක්‍ෂණ පෙන්නුම් කිරීම වැඩි බවත්, තරුණ ප්‍රජාවටද රෝග ලක්ෂණ වැඩි වශයෙන් පෙන්නුම් කරන බවත් ඇය සඳහන් කළාය.

රජයේ ප‍්‍රවෘත්ති දෙපාර්තමේන්තුවේදී පැවති මාධ්‍ය හමුවේදී අදහස් දක්වමින් ඇය මේ බව පැවසුවාය.