බංග්ලාදේශ ක්‍රිකට් සංචාරයක යෙදී සිටින ශ්‍රී ලංකා කණ්ඩායමේ පුහුණුකරුවකු සහ තවත් ක්‍රීඩකයන් දෙදෙනකුට කොරෝනා වෛරසය අසාදන වී තිබේ. ශ්‍රී ලංකා කණ්ඩායමේ වේගපන්දු පුහුණුකරු චමින්ද වාස් සහ ක‍්‍රීඩකයන් වන ඉසුරු උදාන, ශිරාන් ප්‍රනාන්දු මෙසේ ආසාදිත වී ඇත. ඒ අනුව අද දහවල් සිදුකල PCR ටෙස්ට් ප්‍රථිඵලයේදී ඉසුරු උදානට හා වේග පන්දු පුහුණුකරු චමින්ද වාස්ට කොරෝනා ආඩාදනය වී නොමැති අතර ශිරාන් ප්‍රනාන්දුට පමණක් කොවිඩ් ආසාදනය වී ඇති බව තහවුරු විය. ඒ අනුව තරගාවලිය කලින් සැලසුම් කර තිබූ ආකාරයට පැවැත්වෙන බව දැනුම් දී තිබේ.. ශ‍්‍රී ලංකා කණ්ඩායමට එක්දින තරග තුනක් සඳහා මෙහිදී සහභාගි වීමට නියමිත අතර මෙරට වේලාවෙන් අද දහවල් 12.30 ට පලමු තරගය ඩකා හිදී ආරම්භ වෙයි.

සංචාරක ශ්‍රී ලංකා කණ්ඩායම සහ බංග්ලාදේශය අතර තරඟ 03කින් සමන්විත එක්දින තරඟාවලිය එළැඹෙන මැයි මස 23 වැනිදා ඩකාහී සරේ බංග්ලා ක්‍රීඩංගණයේ දී ආරම්භ වීමට නියමිතයි. බංගල්දේශ එක්දින කණ්ඩායම මුහුණ දීමට නියමිත දැවැන්තම අභියෝගය වනිඳු හසරංග වනු ඇති බවට එරට ක්‍රිකට් ආරංචි මාර්ග සඳහන් කරයි. වනිඳුගේ පන්දු යැවීමට මුහුණ දීම සඳහා බංග්ලාදේශය විශේෂ අධ්‍යයනය නිරත වීමට නියමිත බවත් සඳහන්.

බංග්ලාදේශ කණ්ඩායමේ වීඩියෝ විශ්ලේෂකවරයා ලෙස කටයුතු කරනු ලබන ශ‍්‍රිනිවාස් චන්ද්‍රසේකරන් විසින් ප්‍රකාශ කර තිබුණේ හසරංගට ඔහුගේ පන්දු යැවීමෙන් ක්‍රීඩාව වෙනස් කිරීමේ හැකියාව ඇති බැවින් ඔවුන් ගැන සැලකිලිමත් විය යුතු බවයි.

වනිඳු හසරංග නිසැකවම බංග්ලාදේශ කණ්ඩායමට තර්ජනයක් වනු ඇති බව ශ්‍රිනිවාස් පවසා සිටියේ ඕස්ට්‍රේලියානු සුපිරි දඟ පන්දු යවන ක්‍රීඩක ඇඩම් සම්පා සහ ඇෆ්ගනිස්ථාන සුපිරි දඟපන්දු යවන ක්‍රීඩක රෂීඩ් ඛාන්ගේ පන්දු යැවීමට වනිදුගේ පන්දු යැවීම බොහෝ සමාන බවටද සඳහන් කරමිනි. වනිදුගේ පන්දු යැවීම පිළිබඳව අවබෝධයක් ලබා නොගතහොත් ඔහු දකුණත් පිතිකරුවන් ගුග්ලි පන්දුවලින් දැඩි අභියෝගයක් එල්ල කරනු ඇති බවත් වනිඳු හට කඩුළු ලබා නොදී සිටියහොත් බංග්ලාදේශයට තරඟාවලිය තුළ යමක් කළ හැකි බවත් ශ්‍රීනිවාස් සඳහන් කර තිබුණි.

ශ්‍ ලංකාව සහ බංග්ලාදේශය අතර පැවති දෙවැනි සහ අවසාන ටෙස්ට් තරඟයෙන් ලකුණු 209ක ජයක් ලැබීමට සත්කාරක ශ්‍රී ලංකා කණ්ඩායම සමත් විය. ජයග්‍රහණය සඳහා ලකුණු ලකුණු 437ක ඉලක්කයක් හඹාගිය සංචාරක කණ්ඩායම ලකුණු 227කට සිය දෙවැනි ඉනිම සඳහා දැවී ගියේය. විශිෂ්ඨ පන්දු යැවීම​ක ප්‍රවීන් ජයවික්‍රම ලකුණු 86ට කඩුලු 5යි. ඒ අනුව ඔහු සිය මංගල ටෙස්ට් තරඟයේදී කඩුලු 11ක් දවා ගැනීමට සමත් විය.

ලෝකයේ වැඩිම ටෙස්ට් හා එක්දින කඩුලු ප්‍රමාණයක් දවාගත් පන්දු යවන්නා වන මුරලිදරන්ට සිය මංගල ටෙස්ට් තරගයේදී දවාගැනීමට හැකි වූ කඩුලු සංඛ්‍යාව තුනකි. මුරලි සිය මංගල තරගය ඔස්ට්‍රේලියාවට එරෙහිව ක්‍රීඩා කර තිබුණි. ශ්‍රී ලංකාව වෙනුවෙන් මංගල ටෙස්ට් තරගයකදී වැඩිම කඩුලු ප්‍රමාණයක් දවාගත් ක්‍රීඩකයා ලෙසින් මීට පෙර වාර්තා පිහිටුවා තිබුණේ අකිල ධනංජයයි. අකිල බංග්ලාදේශයට එරෙහිව සිය මංගල ටෙස්ට් තරගයේදී කඩුලු 8ක් දවා ගැනීමට සමත්ව තිබුණි.