ප්‍රසිද්ධ ධර්ම කථික පූජ්‍ය උඩුවේ ධම්මාලෝක හිමියන්ගේ මෑණියන්ට කොරෝනා වෛරසය ආසාදනය වී තිබේ. තම සමාජ ජාල ගිණුමේ සටහනක් තබමින් උන්වහන්සේ සඳහන් කරන්නේ තම මවට නිතර සිහිසුන් වීම හේතුවෙන් නවලෝක රෝහලේ දැඩි සත්කාර ඒකකයට ප්‍රතිකාර සඳහා ඇතුළත් කර ඇති බවත් පරීක්‍ෂණ අනුව ඇය කොරෝනා ආසාදිත බවත්ය.

මේ මොහොතේ ඇති කාර්යබහුල තත්ත්වය මත නිතර දුරකතන ගලා එන බවත් ඒ සඳහා කාලය වෙන් කිරීමට තමන් වහන්සේ කිසිදු කැමැත්තක් නැති බවත් එම සටහනේ දැක්වේ.

එකී සම්පූර්ණ සටහන මෙසේය.

තෙරුවන් සරණයි !
මේ වන විට අම්මා නිතර සිහිසුන් වීම හේතුකොටගෙන නවලෝක රෝහලට කතා කර ගිලන් රථයක් මගින් රෝහලට රැගෙන එන ලද අතර අම්මාගේ PCR පරීක්ෂණය පොසිටිව් වී තිබේ. ඒ අනුව අම්මා ICU හි ප්‍රතිකාර සඳහා යොදවා තිබේ. ඇය වෙනුවෙන් සිදු කිරීමට හැකි සියලු උපස්ථාන සහ වෛද්‍ය ප්‍රතිකාර ලබා දෙන්නට උත්සාහ කරමි.

අම්මා රෝහලට රැගෙන ඒම පිළිබඳ අම්මාගේ කිසිදු කැමැත්තක් නොතිබුණ ද අන්තිම මොහොතේ අම්මා පැවසූයේ ශරීරයට බොහෝ අපහසු බවත් යම් රෝගී තත්ත්වයක් පවතින බවත්ය.තව ද ඇය නිරතුරුව ප්‍රකාශ කර සිටියේ හාමුදුරුවන්ගේ වාහනයෙන් ඇවිදින්නට යාම එකම බලාපොරොත්තුව බවත්ය. එවැනි අහිංසක බලාපොරොත්තුවකින් සිටි ඇයව සුවපත් කිරිමට වෙහෙස වන මහාචාර්ය අර්ජුන සිල්වා දොස්තර මහතා ඇතුලු නවලෝක රෝහලේ කාර්ය මණ්ඩලයට මම හදවතින්ම ණය ගැති වෙමි.

මේ සියලු අවිවේකීතා මධ්‍යයේ ලබාගත් මනුෂ්‍යත්වය , මහණකම , ධර්මය පිළිබඳ මා හට ඇත්තේ අසීමිත ප්‍රීතියකි. මේ කාලය තුළ ඉහත කී සියල්ලටම වඩා අපහසුම කාර්‍ය වී තිබෙන්නේ දුරකථන ඇමතුම් ගලා ඒමයි. මාගේ වටිනා කාලය ඕපාදුප බෙදා දීමට මට කිසිදු කැමැත්තක් නොමැත. තොරතුරු විමසන්නටයි කියා ඕපාදූප ඇසීමෙන් කීමෙන් කිසිදු ඵලක් නොමැත. එකම දේ සිය දහස් වරක් පැවසීමට යාමෙන් මමත් මල්ලී සහ නෑනා ද හෙම්බත් වී ඇත.

යකඩ ගැහැණියක් ලෙස අම්මා ජීවත් කරවීමට මහත් ශක්තියක් මෙන්ම පොඩි දරුවන් දෙදෙනකුගේ මවක් ලෙසද, මල්ලීගේ ස්වාමිදියණිය ලෙසද ගෙදර ගෘහනිය ලෙසද නෑනා කරන්නා වූ කැප කිරීම සුලුපටු නොවන බව මට නිතර සිහිපත් වේ. ඔවුන්ගේ PCR පරීක්ෂණ කිරීම පිලිබදවද මා හට ඇත්තේ තවත් කුතුහලයකි. කෙසේ වුවද අම්මාව දැඩි සත්කාර ඒකකයෙන් එලියට ගන්නාවිට නෑනා හෝ මල්ලී අම්මා ලග සිටිය යුතුය… එවැනි පුංචි බලාපොරොත්තුවක් සමග ඉදිරියට පියමනිමි.

අවම වශයෙන් තවත් සති දෙකක කාලයක් දැඩි සංචාරණ සීමා කියාත්මක කරන ලෙස ශ්‍රී ලංකා වෛද්‍ය සංගමය රජයෙන් ඉල්ලා සිටියි. දැනට ක්‍රියාත්මක සංචාරක සීමා කාලසීමාව තුළ වුවත් ආසාධිතයන් ඉහළ මට්ටමකින් වාර්තා වුවද එය තරමක් ස්ථාවර වී ඇතැයි සංගමය පෙන්වා දෙයි.

ඒ නිසා තවත් සති දෙකක් පමණ කාලයක් මෙම සීමාවන් ක්‍රියාත්මක කලහොත් දෛනික ආසාදිතයන් පහළ බසිනු ඇතැයි එම සංගමය විසින් ජනාධිපති ගෝඨාභය රාජපක්ෂ මහතා වෙත ලිපියක් ලියමින් සඳහන් කරයි. එනිසා තවත් සති දෙකක් හෝ තුනක පමණ කාලයක් සංචරන සීමා ක්‍රියාත්මක වන්නේ නම් උපරිම ප්‍රතිඵල ලබාගත හැකි බව අදාළ ලිපියේ දැක්වෙයි.

ජන ජීවිතය ආර්ථික වශයෙන් අපහසුතාවයට පත්ව තිබෙන අවස්ථාවක ඉන්ධන මිල ඉහල දමා ඔවුන් තවත් පීඩාවට පත් කිරීම සම්න්ධයෙන් විෂයභාර අමාත්‍ය උදය ගම්මන්පිල මහතා වගකිව යුතු බව ශ්‍රී ලංකා පොදුජන පෙරමුණ පවසයි.

එම පෙරමුණේ ප්‍රධාන ලේකම් පාර්ලිමේන්තු මන්ත්‍රී සාගර කාරියවසම් මහතා සඳහන් කරන්නේ මෙම තත්ත්වය උද්ගත කිරීම සම්බන්ධයෙන් සම්පූර්ණ වගකීම භාරගෙන උදය ගම්මන්පිල මහතා ඇමති ධුරයෙන් ඉල්ලා අස්විය යුතු බවයි.

මේ වන විට ආණ්ඩු බලය දරන පක්ෂයේ ප්‍රධාන ලේකම්වරයා විසින් ඒ බව සඳහන් කරමින් නිකුත් කර ඇති නිවේදනය මෙසේය.