ප‍්‍රධාන පුවත්

කොරෝනා 18% තෙක් ඉහලට.. දෙසතියකට රට වසා දමන්නැයි කියයි…

කොළඹ නගර සභා සීමාවේ රෝගීන් 4% සිට 18% දක්වා 14%කින් පසුගිය සතියේ වර්ධනය වී ඇති බවත් ඒ හේතුවෙන් එළඹෙන සතියේ සිට කොළඹ නගර සභා සීමාව තුළ නිවාස සංකීර්ණ, ආයතන වල ඇන්ටිජන් පරීක්ෂාව ආරම්භ කරන බවත් උපුල් රෝහණ මහතා පැවසීය. එළඹෙන සතිය වනවිට කෝවිඩ් රෝගීන් වාර්තාවීම විශාල ලෙස ඉහළ ගියහොත් සති දෙකක කාලයක් රට වසා දමන ලෙසට තම සංගමය සෞඛ්‍ය අමාත්‍යංශයට යෝජනා කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ මහතා පැවසීය.

රටපුරා කෝවිඩ් රෝගීන් වාර්තා වීම ශීඝ්‍ර ලෙස ඉහළ ගොස් ඇති බවත් එම රෝගීන් හමුවන්නේ අහඹු ලෙස සිදුකරන පී.සී.ආර්. සහ ඇන්ටිජන් පරීක්ෂණ හරහා බවත් ඒ මහතා සඳහන් කළේය. කෙසේ වෙතත් එළඹෙන සතිය වනවිට නගර සහ ජනතාව රුස්වෙන ප්‍රධාන ස්ථාන රුසක ඇන්ටිජන් පරීක්ෂාව ආරම්භ කරන බවද හෙතෙම කීය.කොළඹ, ගම්පහ, කුරුණෑගල යන දිස්ත්‍රික්කවල රෝගී වාර්තා වීම ඉහළ ගොස් ඇති බවද ඒ මහතා සඳහන් කළේය.

විශේෂ පුවතක් – වාතය හරහා කොරෝනා බෝවෙනවා.. නව ප‍්‍රභේදයක් ලංකාවේ..

ප‍්‍රධාන පුවත්

තවත් ප‍්‍රදේශ ගණනක් ලොක්ඩවුන්… ලැයිස්තුව මෙන්න

වහාම ක්‍රියාත්මක වන පරිදි තවත් ග්‍රාම නිලධාරි වසම් 11 ක් හුදකලා කර ඇත. දිස්ත්‍රික්ක 3 කට අයත් මෙම ග්‍රාම නිලධාරි වසම් වල කොරෝනා ආසාධිතයන් ඉහළ යාම හේතුවෙන් පැතිර යාම පාලනය සඳහා මෙම පියවර ගෙන ඇත. එම ග්‍රාම නිලධාරි වසම් මෙසේය.

ගම්පහ දිස්ත්‍රික්කය
පාළුගහවෙල

ගාල්ල දිස්ත්‍රික්කය
කරදුන්ගොඩ
ගෝවියපාන
කහවන්නගම
දොම්මන්ගොඩ
ලණුමෝදර
බොනවිස්ටා
කටුකුරැන්ද

රත්නපුර දිස්ත්‍රික්කය
දෙනවක පාතකඩ
දිප්පිටිගල
කුරුවිට
දෙල්ගමුව වසමේ නාගරික ප්‍රදේශය

හුදකලාව ඉවත් කළ ප්‍රදේශ

කොළඹ දිස්ත්‍රික්කය
උග්ගල්ල

අම්පාර දිස්ත්‍රික්කය
දෙහිඅත්තකණ්ඩිය

නුවර එළිය දිස්ත්‍රික්කය
ෆෝඩස් වත්ත වසමේ ගෝනගල්ල කොටස
ෆෝඩස් වත්ත වසමේ අක්කර 30 කොටස

ප‍්‍රධාන පුවත්

නැගෙනහිර පලාතේ ලොක්කටත් කොවිඩ් හැදෙයි..

මේ වන විට ඇය සිය පෞද්ගලික වෛද්‍යවරයාගේ අධීක්ෂණය යටතේ ප්‍රතිකාර ලබමින් පසුවන බව ඇයගේ මාධ්‍ය අංශය නිවේදනය කරයි.

නැගෙනහිර පළාත් ආණ්ඩුකාර අනුරාධා යහම්පත් මහත්මියට කෝවිඩ් 19 රෝගය ආසාදනය වී තිබේ. මේ වන විට ඇය සිය පෞද්ගලික වෛද්‍යවරයාගේ අධීක්ෂණය යටතේ ප්‍රතිකාර ලබමින් පසුවන බව ඇයගේ මාධ්‍ය අංශය නිවේදනය කරයි.

ප‍්‍රධාන පුවත්

හැදුනුම්පතේ අවසාන අංකය මත පමණක් නිවසින් බැහැර වන්න.. අළුත්ම නීතිය මෙන්න

නව සෞඛ්‍ය මාර්ගෝපදේශ මාලාවක් නිකුත් කරමින් සෞඛ්‍ය සේවා අධ්‍යක්ෂ ජනරාල්වරයා සඳහන් කර තිබෙන්නේ හෙට දිනයේ සිට නිවසකින් පිටවීමට අවසර ඇත්තේ එක් පුද්ගලයකුට පමණක් බවයි. අවසාන ඉලක්කම ඉරට්ටේ නම් ඉරට්ටේ දිනවලත් ඔත්තේ නම් ඔත්තේ දිනවල ද නිවසෙන් බැහැරව යා හැකිය.එම පුද්ගලයාගේ ජාතික හැඳුනුම්පත් අංකයේ අවසාන ඉලක්කම අනුව නිවස නිවසෙන් පිටතට අත්‍යවශ්‍ය කාරණාවකට පමණක් යාමට අවස්ථාව ලැබෙයි.