ප‍්‍රධාන පුවත්

කොරෝනා රෝගීන් හුස්ම ගන්න නොහැකිව ඉද්දී ඇමති ඔක්සිජන් ටැංකි එක්ක පෝටෝ ගහලා උත්සව තියයි…

කොවිඩ්-19 ආසාදිත රෝගීන් සඳහා අවශ්‍ය කරන වෛද්‍ය භාවිතයට ගන්නා ඔක්සිජන් සැපයීම සඳහා ඉන්දීයාව දැඩි වෙහෙසක් ගනිමින් සිටියි. මෙලෙස ඉන්දීයාවේ ගුජරාට් වෙතද ඔක්සිජන් ටොන් 30ක් යැවීමට තීරණය කර තිබුණි.

ප්‍රාන්ත මහ ඇමතිවරයා විසින් විශේෂ නියෝගයක් නිකුත් කරමින් පවසා තිබුණේ මෙම ඔක්සිජන් රැගත් රථවලට විශේෂ ආරක්ෂාවක් ලබාදිය යුතු බවත්, එයට ගිලන් රථයක ඇති හදිසි තත්ත්වය මෙන් ක්‍රියා කළ යුතු බවත් කිසිම පොලිස් බාධකය හෝ කිසිදු ආකාරයක නැවැත්වීම සිදු නොකර ප්‍රවාහනය කළ යුතු ලෙසයි.

ඒ අනුව ඔක්සිජන් රැගත් මෙම විශේෂ රථ ඉන්දීයාවේ ජම්නගර් සිට කිලෝමීටර් 700ක් දුරින් ඇති ගුජරාට් වෙත පැමිණ එම ඔක්සිජන් ගබඩා කරන ස්ථානයට යන අවස්ථාවේ එම ස්ථානයට පැමිණි ඉන්දීය පාලක පක්ෂය වන භාරතීය ජනතා පක්ෂයේ ලෝක් සභා මන්ත්‍රීවරයෙකු සහ තවත් ප්‍රාදේශීය මන්ත්‍රීවරුන් පිරිසක් මාධ්‍ය සමඟ පැමිණ එම ස්ථානයේ කුඩා උත්සවයක් සුදානම් කර තිබුණි. ඒ අනුව මහ ඇමතිවරයාගේ නියෝගයන්ද නොසලකා හරිමින් ඔවුන් පිරිස විසින් ඔක්සිජන් සහිත රථ බැලූන් සහ පීත්ත පටි යොදාගෙන සරසා තිබූ අතර පූජකවරයෙකු යොදාගෙන පුජෝත්සවයක්ද පවත්වා තිබේ.

ඉන්පසුව ඔවුන් විසින් කතා පවත්වමින් ඡායාරූප ගනිමින් සිටි බවත්, ඔක්සිජන් ගබඩා වෙත සැපයුම කිරීමට ඉඩ ලබා නොදුන් බවත් රථයේ රියදුරු විසින් චෝදනා කර පවසා තිබුණි. මෙම සිදුවීම සම්බන්ධයෙන් භාරතීය ජනතා පක්ෂය වෙත විපක්ෂය විසින් දැඩි චෝදනා එල්ල කර තිබුණු අතර ඔවුන් පවසා තිබුණේ එම දිනයේ දී පමණක් ඔක්සිජන් නොමැතිකම නිසා කොවිඩ්-19 ආසාදිත රෝගීන් 10 දෙනෙකුද මිය ගොස් ඇති බවත්, මෙය ලැජ්ජා සහගත සිදුවීමක් බවයි.

මෙම චෝදනා භාරතීය ජනතා පක්ෂය විසින් ප්‍රතික්ෂේප කර තිබූ අතර ඔවුන් පවසා තිබුණේ ඔක්සිජන් නියමිත වෙලාවට ප්‍රවාහනය කර තිබූ බවයි. මන්ත්‍රීවරුවන් පිරිස විසින් සංවිධානය කර තිබූ උත්සවයේ ඡායාරූප පහතින්,

උණුසුම් පුවත්

මම හිටියා නම් ඔය ක්‍රීඩකයින්ගෙ කනට ගහන්නෙ – අර්ජුන

මම හිටියා නම් ඔය ක්‍රීඩකයින්ගෙ කනට ගහන්නෙ – අර්ජුන

දැං ක්‍රීඩකයො සංචාර යන්නෙ ටී ෂර්ට් ඇඳන්.. ලැජ්ජයි..

ප‍්‍රධාන පුවත්

තෙල් මිල වැඩිකිරීම වැරදියි.. බැසිල් ඇවිත් තෙල් මිල අඩු කරන තෙක් රටම බලාගෙන ඉන්නවා….- මන්ත‍්‍රී රංජිත් බණ්ඩාර

බැසිල් රාජපක්ෂ මහතා පොදුජන පෙරමුණ නිර්මාණය කළා පමණක් නොව රටේ දැවැන්ත සංවර්ධන කටයුතු වල පිටුපස සිටි දැවන්ත චරිතයක් බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී මහාචාර්ය රංජිත් බණ්ඩාර මහතා පවසයි.

එහෙයින් ඉන්ධන මිළ වැඩි වීම සම්බන්ධව බැසිල් රාජපක්ෂ මහතා රට තුළ සිටියා නම් ඒ සම්බන්දව දෙවරක් සිතා බැලීමට අවස්ථාව දෙනු ඇතැයි ජනතාව තුළ විශ්වාසයක් ඇති බවද ඔහු පැවැසීය.

උඩුනුවර ආසනයේ කෝවිඩ් කමිටු රැස්වීම සදහා පැමිණි අවස්ථාවේ මාධ්‍ය වෙත අදහස් දක්වමින් ඔහු මේ බව පැවැසීය.

බැසිල් රාජපක්ෂ මහතා මෙරටට පැමිණෙන තුරු ජනතාව බොහෝ අපේක්ෂාවෙන් සිටින බවත් ඉන්ධන මිල අඩු කිරීමත් එම අපේක්ෂාවලින් එකක් බවද මහාචාර්‍යවරයා පැවැසිය.

“මේ අවස්ථාවේ තෙල් මිල වැඩි කිරිම සුදුසුයි කියා විස්වාස කරන්නේ නෑ. අපේ පක්ෂයේ මහත මහලේකම් විසින් ප්‍රකාශඹ කර තිබෙනවා. පක්ෂයක් ලෙස තෙල් මිල වැඩි කිරීම සම්බන්ධව අපේ කනස්සල්ල ඉදිරිපත් කරනවා.

විපක්ෂය මිට ඉහතදි දෝෂාභියෝග කිහිපයක්ම ගෙන ආවා. ඒ අය උත්සහ ගන්නේ ශ්‍රී ලංකා පොදුජන පෙරමුණ සමග කටයුතු කරන මිත්‍ර පක්ෂ හා නායකයින් අතර ගැටුමක් ඇති කිරිමටයි. නමුත් අප පක්ෂයක් ලෙස ගන්නා තීන්දු තිරණ සමග ඉන්නවා. දෝෂාභියෝගය සම්බන්ධව පක්ෂය අපිව දැනුවත් කළ පසු කුමන තීන්දුවක් ගන්නවාද නැද්ද යන්න ඉන් පසු තිරණය කරනවා” (ADA)

ප‍්‍රධාන පුවත්

රටම අධි අවදානම් කලාපයක් වෙයි.. කොරෝනාවේ අලුත්ම සිතියම මෙන්න…

මෙරට කොරෝනා ආසාදිතයන් ව්‍යාප්තිය දැක්වෙන නවතම සිතියම වසංගත රෝග විද්‍යා අංශය විසින් ප්‍රසිද්ධ කර තිබේ. මෙරට සෞඛ්‍ය වෛද්‍ය නිලධාරී කොට්ඨාස වල ජූනි වස 06 වනා වන විට වාර්තා වූ ආසාදිතයන් පදනම් කරගෙන මෙම වාර්තාව නිකුත් කර ඇත.

අදාළ කාලයේ කොරෝනා ආසාදිතයන් වාර්තා වී නැත්තේ කොට්ඨාස දෙකකින් පමණක් වන අතර අඩු අවදානම් ලෙස හඳුනාගෙන ඇත්තේ කොට්ඨාස හයකි. සෙසු සියලු සෞඛ්‍ය වෛද්‍ය නිලධාරී කොට්ඨාශ අධි අවදානම් කලාප ලෙස හඳුන්වා තිබේ.