ඩයනා ගමගේ මන්ත්‍රීවරියගේ ගංජා කතා වලට උත්තර දීමට තමා බැඳී නැති බව නාමල් රාජපක්ෂ ක්‍රීඩා අමාත්‍යවරයා පාර්ලිමේන්තුවේදී ප්‍රකාශ කළේ විපක්ෂය නැගූ ප්‍රශ්නයකට පිළිතුරු දෙමිනි. නාමල් රාජපක්ෂ අමාත්‍යවරයා සිය ක්‍රීඩා විෂය ගැන කතා කරමින් ක්‍රීඩකයන්ගේ විනය නැතිවුන විට මත්ද්‍රව්‍යවලට යොමු වන බව ප්‍රකාශ කිරීමත් සමගි ජන බලවේගය මන්ත්‍රීවරයෙක් ස්ථාවර නියෝග යටතේ නාමල් රාජපක්ෂ අමාත්‍යවරයා වෙත ප්‍රශ්නයක් යොමු කරන ලදී. එම ප්‍රශ්නය තැකීමකට ලක් නොකොට නාමල් රාජපක්ෂ අමාත්‍යවරයා සදහන් කළේ තමන් ගංජා ප්‍රශ්න වලට උත්තර දීමට බැඳී නැති බව ය.

ජාතික ක්‍රිකට් කණ්ඩායමේ ක්‍රීඩකයකු සංචාරක නිකේතනයකදී බීමතින් අශෝභ’න ලෙස හැසිරී ගැටු මක් ඇතිකරගත් බව පවසන සිද්ධිය සම්බන්ධයෙන් විමර්ශන වාර්තාවක් ලබාදෙන මෙන් ශ්‍රී ලංකා ක්‍රිකට් කළමනාකරණ කමිටුව විසින් පොලිසියෙන් ඉල්ලා ඇතැයි වාර්තා වේ.

ඉකුත් 10 වැනිදා මිරිස්ස ප්‍රදේශයේදී සිදුව ඇතැයි පවසන මෙම සිදුවීමට අදාළව මේ දක්වා පොලිසියට පැමිණිල්ලක් ඉදිරිපත්ව නැතත්, මේ සම්බන්ධයෙන් ශ්‍රී ලංකා ක්‍රිකට් කළමනාකරණ කමිටුවේ මැදිහත්වීමෙන් සිදුකරනු ලබන විනය පරීක්ෂණයට සහය කරගැනීම පිණිස පොලිසිය වෙතින් මෙම වාර්තාව ඉල්ලා ඇත. මෙම සිද්ධිය සම්බන්ධයෙන් මාධ්‍ය වාර්තා පළවීමත් සමග ඒ පිළිබඳව විමර්ශනයක් ඇරඹීමට ශ්‍රී ලංකා ක්‍රිකට් කළමනාකරණ කමිටුව තීරණය කළ අතර ඒ අනුව නීතිඥ පණ්ඩුක කීර්තිනන්ද සහ ටනේෂ් ඩයස් මගින් කරුණු සොයාබැලීමේ වාර්තාවක් කැඳවා තිබේ.

මෙයට අදාළව ඊයේ (20 වැනිදා) ශ්‍රී ලංකා ක්‍රිකට් ආයතනයේදී එකී ක්‍රිකට් ක්‍රීඩකයාගෙන් කරුණු විමසීමට යෙදුණු අතර, තමන් එහිදී බීමතින් සිටි බව ඔහු මෙහිදී පිළිගෙන ඇතත්, එම ගැටුම හටගත්තේ තමන්ගේ හැසිරීමක් හේතුවෙන් නොවන බවත්, තමන් සමග එම ස්ථානයට ගිය තම මිතුරකු සමග පිරිසක් ඇතිකරගත් ගැටුමට තමා මැදිවූ බවත් ඔහු පවසා ඇතැයි වාර්තා වේ.

මේ අතර ගැටුම සිදුවූ බව පවසන සංචාරක නිකේතනයෙන් අදාළ ගැටුමේ සී.සී.ටී.වී දර්ශන විමසා සිටීමේදී, දවස් 7ක් ඇවෑමෙන් ඒවා ඉබේ මැකී යන බව දැනුම් දී ඇති අතර, එහි කළමනාකාරීත්වය විසින් දක්වා ඇති අදහස් අනුව, අදාළ ක්‍රීඩකයාට අවාසි විය හැකි සාක්ෂි වසන් කරමින් පවතින්නේද යන සැකයද මතුව තිබේ. මේ සම්බන්ධයෙන් වැඩිදුරටත් තොරතුරු විමසීමට අද (21 වැනිදා) අදාළ ක්‍රීඩකයාගේ මිතුරියව, ශ්‍රී ලංකා ක්‍රිකට් කළමනාකරණ කමිටුව විසින් පත්කළ කරුණු සොයාබැලීමේ කමිටුව හමුවට කැඳවා ඇත.

කොළඹ නගර සීමාවේ කොරෝනා ආසාදිතයින් හමුවීමේ ප්‍රතිශතය 8%ක් දක්වා අලුත් අවුරුද්දෙන් පසුව ඉහළ ගොස් තිබේ. කොළඹ නගර සභාවේ ප්‍රධාන වෛද්‍ය නිලධාරී රුවන් විජයමුණි මහතා සඳහන් කරන්නේ අලුත් අවුරුද්දට පෙර එම අගය වාර්තා වූයේ පරීක්ෂණ සීයක් කළ විට ඉන් පුද්ගලයන් දෙදෙනෙකු හෝ එක් අයකු පමණක් බවයි.

19 වැනිදා පුද්ගලයන් 225 දෙනෙකු අහඹු ලෙස පරික්ෂා කිරීමෙන් 18 දෙනකු ආසාදිත ලෙස හමුවූ බවත් එය 8%ක ප්‍රමාණයකට ඉහළ ගොස් ඇති බවත් ඔහු කියා සිටියේය. මෙය ඉතාම පරීක්ෂාකාරී විය යුතු තත්ත්වයක් එය ද ඒ මහතා සඳහන් කළේය. ලෝක සෞඛ්‍ය සංවිධානයයේ මතය වන්නෙ අහඹු ලෙස සිදු කරන පරීක්‍ෂණවලින් 5% ඉක්වමා රෝගීන් වාර්තා වන්නේ නම් එය සමාජ පැතිරීමක් බවයි.

මේ අතර වසංගත රෝග විද්‍යා අංශයේ ප්‍රධානී වෛද්‍ය සුදත් සමරවීර මහතා සඳහන් කරන්නේ කොරෝනා විශාල පොකුරක් ඇතිවීමේ අවදානමක් ඇති නිසා ජනතාව ඉතා ප්‍රවේශමෙන් කටයුතු කළ යුතු බවයි. මේ වන විට කොළඹ දිස්ත්‍රික්කයේ ප්‍රදේශ කිහිපයකින් ආසාදිතයන්ගේ වර්ධනයක් වාර්තා වෙමින් ඇතැයි ද ඒ මහතා කියා සිටියේය.

කොරෝනා රෝගය ක්‍රමයෙන් වැඩි වන විට අප නොදැනුවත්ම විශාල පොකුරු ඇතිවිය හැකි බවත් මෙය ඉතාමත් භයානක තත්ත්වයක් බවත් එසේ වුවහොත් නැවත වරක් රට තුළ සංචරණ සීමා ඇති කිරීමට සිදු වනු ඇති බවත් හෙතෙම පැවසීය.