Connect with us

Sport

පීටර්සන් මට කිව්වෙ “උබ මේකට හොද වැඩී.. උබ ඉන්න ඕන නැෂනල් ටීම් එකේ කියල”

ලෙජන්ඩ්ස් යනු අමතක නොවන වීරයන්ය. ඔවුහු කුමක් හෝ ක්‍ෂේත‍්‍රයකින් නොමැකෙන සේවයක් කළා වූවෝ වෙති. ඔවුන් අමරණීය වූවන් යැයි ද කිව හැක. ඒ අමරණීය වූවන් අතරේ කි‍්‍රකට්වලින් අමරණීය වූවන් අතර ලෝක කි‍්‍රකට් තරගාවලියක් දැන් පැවැත්වේ. ඒ ඉන්දියාවේදීය. එහි අවසන් තරගය අද පැවැත්වේ. ඒ තරගාවලියේදී ලෙජන්ඩ්ස්ලා අතර ද ලෙජන්ඞ් කෙනෙක් වූ අයෙක් වේ. ඒ 44 හැවිරිදි වියේ පසු වන ටී. එම්. ඩිල්ෂාන්ය. ලෙජන්ඩ්ස්ලා ගැන ගායනා වුණු අතිශය ජනපි‍්‍රය ගීතයක් ද වේ. එහි පළමු පද කිහිපයෙන් කියැවෙන අර්ථය මෙසේය. ලෙජන්ඩ්ස්ලා කවදාවත් නොමියෙනු ඇත. ලෝකය ඔබේ නම කියමින් කෑගසනවා ඔබට ඇහෙනවා දැයි ඉන් කියැවෙයි.

ඒ වගේම තිලකරත්න ඩිල්ෂාන් නාමයත් යළිත් අපේ රට තුළ මෙන්ම, ලෝකයේ ද කතාබහ වෙන්නට පටන්ගෙන තිබෙනවා. එය ඔබට දැනෙන්නේ කොහොමද?

එය ලොකු සතුටක්, ආයෙත් රට වෙනුවෙන් කී‍්‍රඩා කරනවා වගේ දැනෙනවා. මිනිසුන් අපට කොයි තරම් ආදරේද, අපට කොයි තරම් ගරු කරනවද කියලා අපට මේ තරගාවලිය නිසා දැනෙන්න ගත්තා. ඒ උණුසුම් ප‍්‍රතිචාරය තමයි අපව දිරිමත් කරවන්නේ. ඒ වගේමයි රට වෙනුවෙන් කී‍්‍රඩා කරනවා කියන හැඟීම.

තරගාවලියට සහභාගි වන විට මොනවගේ බලාපොරොත්තුවක්ද තිබුණේ?

මෙතරම් දුරක් එන්න පුළුවන් වෙයි කියලා හිතුවේ නැහැ. ඒත් තරගයෙන් තරගය ජය ගැනීම අපේ උපක‍්‍රමය වුණා. ඒ සැලැස්ම සාර්ථක වුණා. දැන් අපි ඕනෑම කණ්ඩායමක් පරාද කිරීමට තරම් ශක්තිමත්ව සිටිනවා.

එංගලන්තය සමග මූලික වටයේ පැවැති අවසන් තරගය මේ තරගාවලියේ තවත් විශේෂ තරගයක් බවට පත් වුණා. ඒ පිළිබඳව කතා කළොත්?

එංගලන්තය ලකුණු 76 කට සීමා කිරීමට අපට හැකි වුණා. ඒත් මූලික වටයේ අංක එක බවට පත්වීමට නම් ඒ තරගය පන්දුවාර 7.4 ක් තුළ ජයගැනීමේ ඉලක්කය අපට එල්ල වුණා. ඒ අභියෝගය අපි භාරගත්තා. ඔවුන් දැවී යෑමෙන් පසු අපි කී‍්‍රඩාගාරයේදී සාකච්ඡුා කර තීරණය කරා අදාළ ඉලක්කය එම පන්දු වාර සංඛ්‍යාව තුළ පසුකරන බවට. සනත් අයියා, රංගන අයියා, තරංග, කුලසේකර ඇතුළු ජ්‍යෙෂ්ඨ කී‍්‍රඩකයන් හැම දෙනාම කිව්වේ අපි ඕවර් 8 ක් යන්නට පෙර ඒ ලකුණු ප‍්‍රමාණය ලබාගත යුතු බවයි. ඒ අධිෂ්ඨානයෙන් තමයි අපි පන්දුවට පහර දුන්නේ.

ඒත් ඉක්මනින් කඩුලූ දෙකක් බිඳවැටුණා. එතකොට හිතුනේ නැද්ද ඉලක්කයට යන්න බැරිවෙයි කියලා?

නැහැ. රට වෙනුවෙන්, ජාතික කොඩිය වෙනුවෙන් තමයි අපි කී‍්‍රඩා කරන්නේ. කිසිම වෙලාවක අපි අපි ගැන හිතුවේ නැහැ. ඒ කාලයේදීත් එහෙමයි. දැනුත් එහෙමයි. ඒ හැඟීම අපව දිනෙව්වා කියලා තමයි මට හිතෙන්නේ.

එහිදී පන්දු යැවීමේදී ලකුණු 6 කට කඩුලූ 4 ක් දවාගත් ඔබ පිතිහරඹයේදීත් පන්දු 23 ක් තුළ ලකුණු 61 ක් ලබාගත්තා. 76 ඉලක්කයෙන් 61 ක් වගේම කඩුලූ 10 න් 4 ක් ම ඔබට. උඩ පන්දු වගේම, තවත් විශිෂ්ට පන්දු රැකීම් අවස්ථා. කොහොමද මෙතරම් දක්‍ෂතා පෙන්වන්නේ?

මගේ ඇගේ තවම ක‍්‍රිකට් තියෙන නිසා වෙන්න ඇති. ඒ වගේම මූලික වටයේදී එකට එන්න තමයි අපිට ඕනෑ වුණේ. පන්දුවට පහර දීමේදී මං මගේ ලකුණු ගාණ ගැන හිතුවේ නැහැ. ලකුණු 49 දීත් මොන්ටි පනේසාර්ගේ කෙලින් ආ පන්දුවකට මං අනෙක් පසට හැරී ස්විප් පහරක් එල්ල කරනවා. පනේසාර්ගේ හැට්ටි‍්‍රක් එකකට අවශ්‍ය පන්දුවට. අර්ධ ශතකය ගැන හිතුවා නම් කවදාවත් එහෙම පහරක් ගහන්න බැහැ. දැවී යයි කියලා බය හිතෙනවා. ඒත් මම මගේ 50 ගැන නොවේ හිතුවේ. අපේ රට ගැන. කොහොම හරි ඒ ඕවරයේදී මං හතරේ පහර 3 ක් සහ 6 පහරක් පනේසාර්ට ගැහැව්වා.

ඔබගේ මේ සුවිශේෂී දක්‍ෂතා ගැන ප‍්‍රතිවාදී කණ්ඩායම්වල කී‍්‍රඩකයෝ මොකද කියන්නේ?

ගොඩක් දෙනා සුබ පතනවා. කොහොමද ඔහොම හොඳට කී‍්‍රඩා කරන්නේ කියලා අහනවා. එංගලන්ත තරගයෙන් පසුව එම කණ්ඩායමේ නායක පීටර්සන් මාව වැළඳගෙන සුබපැතුවා. ඒ වෙලාවෙදි ඔහු කිව්වා ”උඹ මේ තරගයට හොඳ වැඩියි. උඹ මෙතන නොවෙයි ඉන්න ඕන ජාතික කණ්ඩායමේ. උඹට තවම හොඳට ගහන්න පුළුවන් කියලා කිව්වා.

ජාත්‍යන්තර කි‍්‍රකට් කී‍්‍රඩාවට සමුදුන්නා ඉක්මන් වැඩියි කියලා ඔබට හිතෙන්නේ නැද්ද?

ඒ කාලයේදී මං හිතුවා මං සමුගන්නේ හරිම වෙලාවෙදි කියලා. ඒත් ඊට වසර දෙකකට පමණ පසුව මට හිතුණා සමුගත්තා ඉක්මන් වැඩියි කියලා. ඒ බව මං මාධ්‍ය හමුවක් තියලා ප‍්‍රකාශ කළා.

නැවත ජාතික කණ්ඩායමට එන්න කියලා ආරාධනා කළොත්?

දැන් එහෙම අදහසක් නැහැ. ගොඩක් දෙනෙක් කියනවා ආපසු ජාතික කණ්ඩායමට ගියොත් හොඳයි නේද කියලා. ඒත් දැන් ඒ සඳහා සුදුසු කාලය නොවෙයි.

ලංකා ලෙජන්ඩ්ස් කණ්ඩායමේ නායකයා හැටියට කණ්ඩායම ඇතුළෙ සාමූහිකත්වය, කණ්ඩායම් හැඟීම පවත්වාගෙන යන්නේ කොහොමද?

අපි හැමෝම හොඳ සම්බන්ධතාවයකින් සිටිනවා. සනත් අයියා, නුවන්, තරංග, රංගන, කෞශල්‍ය, අජන්ත අපි හැම දෙනාම හොඳ බැඳියාවකින් සිටිනවා. ජිම් එකට යනවා. ස්විමින් ෆූල් යනවා. පුහුණුවීම් කරනවා. හරියට ජාතික කණ්ඩායමට කී‍්‍රඩා කරනවා වගේ තත්ත්වයක් අපි අතරේ ඇතිවෙලා තිබෙනවා.

ඒ කාලයේ කී‍්‍රඩා කළ පිත්තෙන් ද ඔබ තවමත් කී‍්‍රඩා කරන්නේ?

නැහැ. මේ පිත්ත මම ඉන්දියාවට ඇවිල්ලා මට ඕන විදිහට පදම් කරලා නිර්මාණය කර ගත්ත මගේ පිත්තක්. විටෝ ඩිඩී කියා. මේ පිත්ත ලබන මැයි මාසයේ සිට අපේ සියලූ කී‍්‍රඩකයන්ට ලබා දෙන්න මං බලාපොරොත්තු වෙනවා.

තරගාවලියට එකතුවෙලා සිටින අනෙක් කී‍්‍රඩකයන් ගැන ඔබට මොකද හිතෙන්නේ?

ලාරා, පීටර්සන්, ජොන්ටි රෝඩ්ස්, සනත් ජයසූරිය මේ අය තවමත් කොතරම් දක්‍ෂ ද කියලා හිතෙනවා. ලාරාට අවුරුදු 51 ක් විතර ඇති. ඒත් එයා බැට් කරන හැටි හිතාගන්නත් බැහැ. පීටර්සන් අපට කිව්වේ එයා අවුරුදු ගාණකින් බැට් එකක් ඇල්ලුවේවත් නැහැ කියල. ඒත් කලින් දවසේ පුහුණුවීම් කරලා ඇවිත් ඔහු ලකුණු හැත්තැ ගාණක් ගැහැව්වා. ජොන්ටි තවමත් එදා වගේම පන්දු රකිනවා. සනත් අයියාගේ ඩ‍්‍රයිව් පහරේ ජවයත් එලෙසමයි. ඔවුන් කී‍්‍රඩා කරන අයුරු බලාගෙන සිටීමත් සතුට ගෙන දෙන්නක්.

– කුෂාන් සුබසිංහ

Click to comment

Sport

තරගාවලිය කලින් සැලසුම් කල පරිදිම පැවැත්වෙයි.. වාස්ට හා ඉසුරු උදානට කොරෝනා නෑ..

බංග්ලාදේශ ක්‍රිකට් සංචාරයක යෙදී සිටින ශ්‍රී ලංකා කණ්ඩායමේ පුහුණුකරුවකු සහ තවත් ක්‍රීඩකයන් දෙදෙනකුට කොරෝනා වෛරසය අසාදන වී තිබේ. ශ්‍රී ලංකා කණ්ඩායමේ වේගපන්දු පුහුණුකරු චමින්ද වාස් සහ ක‍්‍රීඩකයන් වන ඉසුරු උදාන, ශිරාන් ප්‍රනාන්දු මෙසේ ආසාදිත වී ඇත. ඒ අනුව අද දහවල් සිදුකල PCR ටෙස්ට් ප්‍රථිඵලයේදී ඉසුරු උදානට හා වේග පන්දු පුහුණුකරු චමින්ද වාස්ට කොරෝනා ආඩාදනය වී නොමැති අතර ශිරාන් ප්‍රනාන්දුට පමණක් කොවිඩ් ආසාදනය වී ඇති බව තහවුරු විය. ඒ අනුව තරගාවලිය කලින් සැලසුම් කර තිබූ ආකාරයට පැවැත්වෙන බව දැනුම් දී තිබේ.. ශ‍්‍රී ලංකා කණ්ඩායමට එක්දින තරග තුනක් සඳහා මෙහිදී සහභාගි වීමට නියමිත අතර මෙරට වේලාවෙන් අද දහවල් 12.30 ට පලමු තරගය ඩකා හිදී ආරම්භ වෙයි.

Continue Reading

Sport

බංග්ලාදේශය දැන්ම බය වෙයි.. මේ මස 23 ආරම්භ වන තරගාවලියේ භයානකම පන්දු යවන්නා වනිදු..!

සංචාරක ශ්‍රී ලංකා කණ්ඩායම සහ බංග්ලාදේශය අතර තරඟ 03කින් සමන්විත එක්දින තරඟාවලිය එළැඹෙන මැයි මස 23 වැනිදා ඩකාහී සරේ බංග්ලා ක්‍රීඩංගණයේ දී ආරම්භ වීමට නියමිතයි. බංගල්දේශ එක්දින කණ්ඩායම මුහුණ දීමට නියමිත දැවැන්තම අභියෝගය වනිඳු හසරංග වනු ඇති බවට එරට ක්‍රිකට් ආරංචි මාර්ග සඳහන් කරයි. වනිඳුගේ පන්දු යැවීමට මුහුණ දීම සඳහා බංග්ලාදේශය විශේෂ අධ්‍යයනය නිරත වීමට නියමිත බවත් සඳහන්.

බංග්ලාදේශ කණ්ඩායමේ වීඩියෝ විශ්ලේෂකවරයා ලෙස කටයුතු කරනු ලබන ශ‍්‍රිනිවාස් චන්ද්‍රසේකරන් විසින් ප්‍රකාශ කර තිබුණේ හසරංගට ඔහුගේ පන්දු යැවීමෙන් ක්‍රීඩාව වෙනස් කිරීමේ හැකියාව ඇති බැවින් ඔවුන් ගැන සැලකිලිමත් විය යුතු බවයි.

වනිඳු හසරංග නිසැකවම බංග්ලාදේශ කණ්ඩායමට තර්ජනයක් වනු ඇති බව ශ්‍රිනිවාස් පවසා සිටියේ ඕස්ට්‍රේලියානු සුපිරි දඟ පන්දු යවන ක්‍රීඩක ඇඩම් සම්පා සහ ඇෆ්ගනිස්ථාන සුපිරි දඟපන්දු යවන ක්‍රීඩක රෂීඩ් ඛාන්ගේ පන්දු යැවීමට වනිදුගේ පන්දු යැවීම බොහෝ සමාන බවටද සඳහන් කරමිනි. වනිදුගේ පන්දු යැවීම පිළිබඳව අවබෝධයක් ලබා නොගතහොත් ඔහු දකුණත් පිතිකරුවන් ගුග්ලි පන්දුවලින් දැඩි අභියෝගයක් එල්ල කරනු ඇති බවත් වනිඳු හට කඩුළු ලබා නොදී සිටියහොත් බංග්ලාදේශයට තරඟාවලිය තුළ යමක් කළ හැකි බවත් ශ්‍රීනිවාස් සඳහන් කර තිබුණි.

Continue Reading

Sport

උපුල්ටත් කොවිඩ් හැදෙයි ..

හිටපු ක්‍රිකට් ක්‍රීඩක උපුල් තරංගට කොරෝනා වෛරසය ආසාදනය වී තිබෙනවා. ඔහු අනිද්දා ටීම් ශ්‍රී ලංකා සමඟ පල්ලෙකැලේ ජාත්‍යන්තර ක්‍රීඩාංගණයේ පැවැත්වීමට නියමිත පන්දු වාර 20 තරඟයට ශ්‍රී ලංකා ග්‍රේට්ස් කණ්ඩායම නියෝජනය කරමින් ක්‍රීඩා කිරීමට නියමිතව තිබුණා. මේ අතර, පවතින කොරෝනා තත්ත්වය සලකා අදාළ තරඟය කල් දැමීමටයි ක්‍රිකට් ආයතනය තීරණය කර ඇත්තේ.

Continue Reading

Facebook

Advertisement

Updates

Uncategorized2 months ago

ජ‘පුර සරසවියෙන් Voice Sri Lanka වේදිකාවට ආ මිදොරි..

මේ දවස්වල The Voice Sri Lanka වැඩසටහනේ කාගෙත් කතාබහට ලක්වෙන ඇය මිදොරි තාරුකා කරුණාරත්න. තමන්ටම අනන්‍ය වූ කට හඬකින් ගීත...

Uncategorized2 months ago

බැසිල් රාජපක්‍ෂ සමග ක්‍රමවත්ව පිළිවෙලකට ගමනක් යා හැකි නම් ඊට සූදානම්..- විමල්

ඕනෑම පුද්ගලයෙක් සමඟ ක්‍රමවත්ව පිළිවෙලකට ගමනක් යා හැකි නම් එම ගමන යාමට සූදානම් බව කර්මාන්ත අමාත්‍ය විමල් වීරවංශ මහතා සඳහන්...

Uncategorized2 months ago

සියයට සියයක් රජයේ විශ්වවිද්‍යාල පවත්වාගෙන යාමට හැකියාවක් නෑ..- ජනපති

“සෞභාග්‍යයේ දැක්ම” ප්‍රතිපත්ති ප්‍රකාශයේ තවත් පොරොන්දුවක් ඉටුකරමින් පුරවර විශ්වවිද්‍යාල වැඩසටහන ඇරඹේ. එහි පළමු සරසවිය කෑගල්ල දිස්ත්‍රික්කයේ, පින්නවල ප්‍රදේශය කේන්ද්‍ර කරගනිමින්...

Uncategorized2 months ago

ප්‍රබල තානාතිපතිවරු රැසක් අද බැසිල් හමුවෙයි!

පසුගිය මහින්ද ආණ්ඩුවේ ද ජාත්‍යන්තරය කළමනාකරණය කළ බැසිල් රාජපක්ෂ මුදල් ඇමති බවට පත්වීමෙන් පසු ලෝකයේ ප්‍රභල රටවල තානාපතිවරුන් ඔහු හමුවීම...

Uncategorized2 months ago

දකුණු ආසියාවේ කොරෝනා පාලනය සාර්ථකම රට ශ්‍රී ලංකාවයි..

ලංකා ඉතිහාසයේ දැවැන්තම එන්නත්කරන වැඩසටහන ක්‍රියාත්මක කිරීමේ සුවිශේෂී කාලසීමාවකට අප එළැඹ ඇතැයි ක්‍රීඩා අමාත්‍ය නාමල් රාජපක්ෂ මහතා පවසයි. සංචාරක ක්ශ්‍රේෂ්ත්‍රයේ...

Uncategorized2 months ago

අධි තාක්ෂණික කේබල් මත පිහිටි නව කැලණි පාලම යා කෙරේ..

ශ්‍රී ලංකාවේ පළමු අධි තාක්ෂණික කේබල් මත පිහිටි පාලම වන පෑලියගොඩ නව කැලණි පාලමේ, කැලණි ගඟ හරහා ඉදිකර ඇති කොන්ක්‍රීට්...

Uncategorized2 months ago

කොරෝනා මඩින්න සයිනොෆාම් මහ තොගයක්.. ලක්‍ෂ 20ක් කටුනායකට..

කොරෝනා මර්දනය සදහා චීනයේ නිෂ්පාදිත සයිනොෆාම් එන්නත් මාත්‍රා තවත් ලක්ෂ 20 ක තොගයක් අද පෙරවරුවේ කටුනායක ගුවන් තොටුපලට ගෙනැවිත් තිබේ....

Uncategorized3 months ago

සැප්තැම්බරයට පෙර ජනගහණයෙන් වැඩි ප්‍රතිශයකට එන්නත් දෙන සැලැස්ම ජනපති හෙලි කරයි..

සැප්තැම්බර් මාසයට පෙර සමස්ත ජනගහණයෙන් වැඩි ප්‍රතිශයකට කොවිඩ් එන්නත ලබාදීම සඳහා ජනාධිපති ගෝඨාභය රාජපක්ෂ මැතිතුමා පුළුල් වැඩපිළිවෙළක් ඉදිරිපත් කරයි. කොවිඩ්...

Uncategorized3 months ago

සජිත් නිවාස ඇමති කාලයේ ගෙවල් දුන්න හැටි කෝප්වලදී හෙළිවෙයි..

015 සිට 2019 දක්වා කාලයේ යහපාලන ආණ්ඩුවේ නිවාස ඇමතිවරයා ලෙස කටයුතු කළ සජිත් ප්‍රේමදාස මහතා නියමිත පටිපාටියෙන් බැහැරව නිවාස ලබාදීම්...

Uncategorized3 months ago

මං අරලියගහ මන්දිරයට යාම නවතා දැම්මා..- ලොකුගේ…

තමන් අරලියගහ මන්දිරයට යාම නවතා දැමූ බව අමාත්‍ය ගාමිණී ලොකුගේ මහතා සඳහන් කරයි. අරලියගම මන්දිරයට ගිය අවස්ථාවේ තමන් කොරෝනා පරීක්ෂණයට...

Advertisement
Advertisement

Trending

Copyright © 2020 Lanka C News

en_USEnglish