Connect with us

Uncategorized

පලමු වටයේ කොරෝවා මර්ධනය කලේ නෑ.. යට ගහලා ඡන්දය දිනුවා.. රට ඇතුලේ වෛරසය දැන් මතුවෙලා..

කොරෝනා මර්දනය කිරීමෙන් දේශපාලඥයින්ට ලකුණු දා ගැනීමට අවශ්‍ය නිසා පළමු වටයේ කොරෝනා රැල්ල මර්දනය කළ නිලධාරීන් වෙනත් ස්ථානවලට යවා ඇති බවත්, ආණ්ඩුව කොරෝනා මර්දනය හුදු දේශපාලන සටන් පාඨයක් බවට පත් කරගත්තා මිස රටින් කොරෝනා තුරන් කිරීමට අවධානය යොමු නොකළ බවත්, සමගි ජන බලවේගයේ ගාල්ල දිස්ත්‍රික් පාර්ලිමේන්තු මන්ත්‍රී මනුෂ නානායක්කාර මහතා පැවසුවේය.

විපක්ෂ නායක කාර්යාලයේදී පැවති ප්‍රවෘත්ති සාකච්ඡාවකදී ඔහු මේ බව පැවසුවේය.

වැඩිදුරටත් අදහස් දක්වමින් ඔහු මෙසේද කීවේය.

බ්‍රැන්ඩික්ස් ආයතනයෙන් කොරෝනා රෝගීන් වාර්තා වුනේ ඉන්දියාවේ සිට පැමිණි‌ අයෙගෙන් විය යුතුයි. එහෙම නැතිනම් වෛරසය ලංකාවේ තිබිලා තියෙනවා. කොරෝනා පළමු රැල්ල ආණ්ඩුව යට ගැහුවේ ඡන්දයක් තියලා තුනෙන් දෙකක බලයක් ලබාගැනීමට අවශ්‍යයි නිසයි. කොරෝනා මර්දනය කරපු බව මැතිරවණ සටන් පාඨයක් බවට ආණ්ඩුව පත් කරගත්තා මිස රට ඇතුලේ කොරෝනා වෛරසය තුරන් කිරීමට හැකියාවක් ලැබිලා නෑ.

බ්‍රැන්ඩික්ස් ආයතනයේ සේවකයින් නිරෝධායනය කිරීමට මහජන සෞඛ්‍ය පරීක්ෂකවරුන් සම්බන්ධ කර නොගත් බව පැහැදිළිව කියා තිබෙනවා. ගුවන් තොටුපලින් පසුගිය කාලයේදී ආපු චීන ජාතිකයින් නිරෝධායනය කළේ නෑ. මේ විදියට අපි නොදන්න කී දෙනෙක් නිරෝධායනය නොවී ලංකාවට එන්න ඇතිද? විදේශ ගත ශ්‍රමිකයින් ලංකාවට එන්න බැරිව ලක්ෂ ගණනක් දුක් විදිනවා. ඒ අතරම ඔ්නෑ තරම් පිරිසක් නිරෝධායනය කිරීමට ආණ්ඩුවට හැකියාව තිබෙන බව හමුදාපතිවරයා කියනවා. එහෙනම් දුක් විදින විදේහ ගත ශ්‍රමිකයින් නිරෝධායනය කර ලංකාවට ගෙන්වා ගැනීමට කටයුතු නොකරන්නේ ඇයි? ඒ අය ගෙන්වාගන්නේ නැතිව බ්‍රැන්ඩික්ස් එකේ අවශ්‍යතාවය අනුව ඉන්දියාවේ සිට පිරිස් ගෙන්වා ගැනීමට ආණ්ඩුව අවසර දී තිබෙනවා.

මේ තමයි ජාතික ආරක්ෂාව සම්බන්ධයෙන් ආණ්ඩුව කටයුතු නොකරන බවට හොදම උදාහරණය. තමන්ගේ හිතවතුන්ට සලකන්න ගිහින් කොරෝනා ව්‍යාප්තවීමට ඉඩ ලබාදීම සම්බන්ධයෙන් ආණ්ඩුව වග කිවය ුතුයි.

කොරෝනා වෛරසය ව්‍යාප්තවූ අවස්ථාවේදී එය මර්දනය කිරීමට සෞඛ්‍ය අංශයේ නායකත්වය ලබාදුන් වෛද්‍ය අනිල් ජාසිංහ දැන් ඉන්නේ කොහේද? වෛද්‍ය පර්යේෂණ ආයතනයේ අධ්‍යක්ෂ ජයරුවන් බණ්ඩාර දැන් එක එක තැන්වලට දාලා තියෙනවා. ඔහුගේ කට වැසීමට අවශ්‍ය නිසා ඔහු මාධ්‍ය ප්‍රකාශක බවට පත් කරලා තියෙනවා. කොරෝනා මර්දනය සම්බන්ධයෙන් නිලධාරීන්ට ප්‍රසංශා එන විට ඔවුන් පැත්තකට දාලා දේශපාලඥයින්ට ලකුණු දා ගැනීමට අවශ්‍ය නිසා මේ ආකාරයට ඔවුන් එක එක තැන්වලට මාරු කර යවා තිබෙනවාද කියන සැකය අපිට තිබෙනවා.

ගැසට් ගහන, ගැසට් රිවස් කරන ආණ්ඩුව යළිත් පරිප්පු සැමන් මිල අඩු කරලා. කල් ඉකුත්වූ සැමන් තොගයක් වෙළදපොළට නිකුත්වී තිබෙන බවට මාධ්‍ය වාර්තා නිකුත්වී පැය විසි හතරක් යන්නට පෙර සැමන් මිල ආණ්ඩුව අඩු කර තිබෙනවා. ඡන්ද කාලේ ආණ්ඩුව රුපියල් පන්දාහක් දුන්නත් මේ වන විට කොරෝනා නිසා පීඩාවට පත්වී සිටින ජනතාවට කිසිම සහනයක් ලබාදී නෑ.

රිෂාඩ් බදියුදීන් මන්ත්‍රීවරයා මේ ආණ්ඩුවත් එක්ක හිටියා නම් ඔහු අත්අඩංගුවට ගන්න කියන්නේ නෑ. ඔහු විපක්ෂයත් එක්ක ඉන්න නිසා තමයි ඔහුට විරුද්ධව පියවර ගනිමින් අත්අඩංගුව ගන්න හදන්නේ. අවතැන්වූ පුද්ගලයින්ට ඡන්දය ප්‍රකාශ කිරීම සදහා බස් රථ ලබාදීමේදී, එයට මුදල් ගෙවීමට අමාත්‍යාංශ ලේකම්වරයාගේ විරෝධය පැමිණීම නිසා රාජ්‍ය නොවන සංවිධානයක් විසින් එම මුදල් ගෙවා තිබෙනවා. ඡන්දය ප්‍රකාශ කිරීම මූලික මිනිස් අයිතිවාසිකමක් නිසා එහෙම පියවර අරගෙන තිබෙනවා. දැන් මේක මෙහෙම නම් අම්මාගෙයි, තාත්තාගෙයි සොහොන් හදන්න ආණ්ඩුවේ සල්ලි වියදම් කරපු අය මොකද කලේ? ඉඩම් ගොඩ කිරීමේ සංස්ථාවෙන් තමන්ගේ අම්මාගෙයි, තාත්තාගෙයි සොහාන් හදලා, රාජ්‍ය මුදල් ඒ සදහා යෙදවූවා කියලා උසාවියේදී අනාවරණය වන විට ඒ මුදල් නැවත ආණ්ඩුවට ගෙවනවා.

මේ වන විට විසි වැනි ආණ්ඩුක්‍රම ව්‍යවස්ථා සංශෝධනය ගැන විරෝධතා මතුවෙමින් තිබෙනවා. මහින්ද රාජපක්ෂ මහත්තයා එක්කම හිටපු හාමුදුරුවරු මේකට විරෝධය දක්වනවා. මහින්ද සුළග හරහා මහින්ද රාජපක්ෂ නැවත බලයට ගෙන ඒමට කටයුතු කරපු විමල් වීරවංශ, උදය ගම්මන්පිල, වාසුදේව නානායක්කාර වගේ අය මේකට එළිපිටම විරෝධය දක්වනවා. විජයදාස රාජපක්ෂ, විදුර වික්‍රමනායක වගේ ආණ්ඩුව ඇතුලේ ඉන්න අයම මේකට විරෝධය පළ කරනවා. පාර්ලිමේන්තු මන්ත්‍රී කණ්ඩායම් රැස්වීමේදී මේ ගැන තා කරන්නවත් ඉඩ ලබාදී නැහැ. මේ විරෝධතා මැද ජනාධිපතිවරයා ඒකාධිපති ගමනක් යනවා. මහින්ද රාජපක්ෂ සමග සිටි අය ජනාධිපතිවරයාගේ විසි වැනි සංශෝධනයට විරුද්ධ වන්නේ, මහින්ද රාජපක්ෂත් විසි වැනි සංශෝධනයට විරුද්ධ නිසාද කියන සැකයත් අපිට මතුවෙනවා.

මේ වන විට අපොස උසස් පෙළ විභාගය පවත්වනවා. මේ විභාගය පසුගිය ආණ්ඩුව යටතේ තිබුණා නම් දරුවන් ගැන හැගීමක් නැති අය විභාග තියනවා කියලා දැන් ආණ්ඩුවේ ඉන්න අයම කියාවි. දරුවන් වෙනුවෙන් විභාගය තියන එක හොදයි. ඒ්ත් කලින් අවුරුද්දේ උසස් පෙළ විභාගය අනුව විශ්ව විද්‍යාලවලට ඇතුළුවීම සදහා වන කඩයිම් ලකුණු නිකුත් කිරිමෙන් පසුව තමයි අනෙක් වසරේ විභාගය පැවැත්විය යුතු වන්නේ. අද වන විට පසුගිය වසරේ උසස් පෙළ විභාගයේ කඩයිම් ලකුණු නිකුත් කර නැහැ. මේ නිසා දරුවන්ට පසුගිය වසරේ විභාග ප්‍රතිඵල අනුව විශ්ව විද්‍යාලයට ඇතුළුවීමට හැකියාව ලැබෙනවාද, නැද්ද යන්න කිසිම අදහසක් ලබාගැනීමට නොහැකිව අපහසුතාවට පත්ව තිබෙනවා.

දැන් සැහැල්ලු දුම්රිය මාර්ග ව්‍යාපෘතිය ආණ්ඩුව නතර කරලා. කන්ටේනර පෙට්ටි පටවන්න බැරි නිසා මේක අවලංගු කරන්න කියලා වියත්මගට උපදෙස් දෙන මහාචාර් ලලිතසිරි ගුණරුවන් කියලා තියෙනවා. ලෝකේ මොන රටේද සැහැල්ලු දුම්රියවල කන්ටේනර පෙට්ටි පටවාගෙන ගියේ. මේක නතර කරලා තියෙන්නේ චීන ව්‍යාපෘතියක් නොවෙන නිසා විය යුතුයි. සැහැල්ලු දුම්රිය ව්‍යාපෘතියෙන් කොමිස් ගන්න බැරි නිසා තමයි මේ විදියට සහන ණයක් යටතේ ලැබුණ සැහැල්ලු දුම්රිය මාර්ග ව්‍යාපෘතිය නතර කරලා තියෙන්නේ.

– media unit

Click to comment

Uncategorized

ඉදිරියේදී දිනකට ආසාදිතයන් 8,000-10,000ක් හමුවෙයි .. ?හැකිතාක් ගෙදරටම වී සිටින්න..

කොරෝනා පාලනය සඳහා නිකුත් කර ඇති සෞඛ්‍ය මාර්ගෝපදේශ නොතකමින් ජනතාව විනයකින් තොරව තවදුරටත් කටයුතු කරන්නේ නම් ඉදිරි දින කිහිපය තුළ දිනකට ආසාදිතයන් 8,000-10,000ක් වාර්තා වීමේ අවදානමක් ඇතැයි කොරෝනා රෝග පාලන රාජ්‍ය ඇමතිනී වෛද්‍ය සුදර්ශනී ප්‍රනාන්දුපුල්ලේ මහත්මිය සඳහන් කරයි.

මේ වන විට දිනකදී වාර්තා වන ආසාදිත පුද්ගලයෙකු තවත් හතර දෙනෙකුට වෛරසය ව්‍යාප්ත කළහොත් හා ජනතාව වෛරසය ව්‍යාප්තිය ගැන නොසැලකිලිමත් වුවහොත් මෙම ඉලක්කම් වාර්තා වනු ඇතැයිද ඇමැතිවරිය කියා සිටියාය.

අත්‍යවශ්‍යම කරුණකට හැර නිවසෙන් බැහැරව නොයන්නැයි ද ඉල්ලා සිටි ඇය නිවසින් බැහැරට යන්නේ නම් අනිවාර්යෙන්ම මුව ආවරණ නිසි ලෙස පළදින ලෙසද ඉල්ලා සිටියාය.

Continue Reading

Uncategorized

දින දෙකෙන් කොරෝනා සුවයි.. කොරෝනා සුව වෙන බෙහෙත මෙන්න.. ?

බ‍්‍රැන්ඩික්ස් කර්මාන්තශාලාව මූලිකව ඇති වූ කොරෝනා පොකුර සම්පූර්ණයෙන්ම නැවැත්වූයේ තමන් විසින් බව අමිල සංජීව වෙද මහතා සඳහන් කරයි. තමන් විසින් නිෂ්පාදනය කරන ලද පැණි සහ කසාය මෙරට ලක්ෂ 20 ක ජනතාවට ලබාදී ඇති බවත් ඒ අතර කොරෝනා ආසාදිතයන් හැටදහසක් පමණ වන බවත් ඒ මහතා පවසයි. මෙම ඖෂධයෙන් කොරෝනා ආසාදිතයෙකු දින දෙකක් ඇතුළත සුව කළ හැකි බවද පැවසූ ඔහු සාමාන්‍ය පුද්ගලයෙකු පානය කල විට කොරෝනා වැලදෙන්නේ නැති බවත් සඳහන් කළේය. තමන් විසින් මෙම ඖෂධය ලබා දෙන්නේ සම්පූර්ණයෙන්ම නොමිලේ බවත් ඔහු කියා සිටී.

Continue Reading

Uncategorized

අධිඅවධානම් කලාප ලෙස නම් කල දිස්ත්‍රික්ක මෙන්න … ඉදිරිය අවධානම්..

මෙරට දිස්ත්‍රික්ක 8ක කොරෝනා ව්‍යාප්ති තත්ත්වය බෙහෙවින් බරපතළ වෙමින් ඇතැයි සෞඛ්‍ය අංශ විසින් රජයට පෙන්වාදී ඇත. කොළඹ, ගම්පහ, කළුතර, කුරුණෑගල, මහනුවර, මාතලේ, මොනරාගල, හම්බන්තොට යන දිස්ත්‍රික්කවල තත්ත්වය ඉදිරියේදී තවත් බොහෝ බරපතළ වීමට ඉඩ ඇතැයි රජයේ වෛද්‍ය නිලධාරීන්ගේ සංගමය සඳහන් කරයි.

මෙම දිස්ත‍්‍රික්කවල පවත්නා බරපතළ තත්ත්වය අනෙක් දිස්ත‍්‍රික්කවලද බරපතළ ලෙසින් ඇතිවණු ඇතැයි ද එම සංගමය රජය වෙත දැනුම් දී තිබේ. සංගමයේ සහකාර ලේකම් වෛද්‍ය නවීන් ද සොයිසා මහතා සඳහන් කරන්නේ මෙම දිස්ත්‍රික් තුල පරීක්ෂණ විධිමත්ව සිදු කිරීම, ආසාදිතයන් රෝහල් ගත කිරීම, ආශ්‍රිතයන් හඳුනා ගැනීමද ප්‍රමාද වී ඇති නිසා තත්ත්වය බරපතල බවයි. මෙම බරපතල තත්ත්වයෙන් ගැලවීමට නම් වහා සංචාර සීමා පැනවීමට කටයුතු කළ යුතු බවත් සෞඛ්‍ය උපදෙස් නිසි ලෙස ක්‍රියාත්මක කිරීම සම්බන්ධයෙන් විධිමත් වැඩපිළිවෙළක් ක්‍රියාත්මක කළ යුතු බවත් රජයට පෙන්වා දුන් බවද වෛද්‍ය නවීන් ද සොයිසා මහතා කියා සිටියේය.

Continue Reading

Facebook

Advertisement

Updates

ප‍්‍රධාන පුවත්16 hours ago

තවත් ප‍්‍රදේශ ගණනක් ලොක්ඩවුන්… ලැයිස්තුව මෙන්න

වහාම ක්‍රියාත්මක වන පරිදි තවත් ග්‍රාම නිලධාරි වසම් 11 ක් හුදකලා කර ඇත. දිස්ත්‍රික්ක 3 කට අයත් මෙම ග්‍රාම නිලධාරි...

ප‍්‍රධාන පුවත්1 day ago

නැගෙනහිර පලාතේ ලොක්කටත් කොවිඩ් හැදෙයි..

මේ වන විට ඇය සිය පෞද්ගලික වෛද්‍යවරයාගේ අධීක්ෂණය යටතේ ප්‍රතිකාර ලබමින් පසුවන බව ඇයගේ මාධ්‍ය අංශය නිවේදනය කරයි. නැගෙනහිර පළාත් ආණ්ඩුකාර...

ප‍්‍රධාන පුවත්1 day ago

හැදුනුම්පතේ අවසාන අංකය මත පමණක් නිවසින් බැහැර වන්න.. අළුත්ම නීතිය මෙන්න

නව සෞඛ්‍ය මාර්ගෝපදේශ මාලාවක් නිකුත් කරමින් සෞඛ්‍ය සේවා අධ්‍යක්ෂ ජනරාල්වරයා සඳහන් කර තිබෙන්නේ හෙට දිනයේ සිට නිවසකින් පිටවීමට අවසර ඇත්තේ...

ප‍්‍රධාන පුවත්1 day ago

ඇගළුම් සේවිකාවන් හදිසියේ ලෙඩවෙති.. 9%කට කොරෝනා..

මස්කෙලිය සෞඛ්‍ය වෛද්‍ය නිලධාරි කාර්යාලය යටතේ පාලනය වන නොර්වුඩ් ප්‍රදේශයේ පෞද්ගලික ඇගළුම් කර්මාන්ත ශාලාවක ආශ්‍රිතයන් 100 දෙනෙකුගෙන් (09) දින සිදු...

ප‍්‍රධාන පුවත්1 day ago

හෙට සිට රටටම ගමන් තහනම්…

හෙට (13) දින රාත්‍රී 11.00 සිට 17 වන සඳුදා අලුයම 4.00 දක්වා රට පුරාම සංචාරණ සීමා පනවා ඇත. නමුත් එම...

උණුසුම් පුවත්2 days ago

රටෙන්ම වසංගතයේ බියකරු දත්ත සගවනවා.. චන්දිම ජීවන්දර, අනුරුද්ද පාදෙණිය කියයි..

සෞඛ්‍ය අමාත්‍යාංශයේ වසංගත රෝග විද්‍යා අංශය විසින් කොරෝනා වසංගත ව්‍යාප්තිය පිළිබඳව දත්ත සගවමින් සිටින බව ශ‍්‍රී ජයවර්ධනපුර විශ්වවිද්‍යාලයේ ආචාර්ය චන්දිම...

ප‍්‍රධාන පුවත්2 days ago

සියළු වෙළදසැල් රාත්‍රී 07ට වැහෙයි..

සබරගමු පළාතේ ෆාමසි හැර සියලුම වෙළඳසැල් රාත්‍රි 7න් පසු වසා දැමීමට කටයුතු කරන ලෙස සබරගමු පළාත් ආණ්ඩුකාර ටිකිරි කොබ්බෑකඩුව මහතා...

උණුසුම් පුවත්2 days ago

ලෝකයම මවිත කරමින් චීන-රුසියා එන්නත් මෙරට හදන්න සූදානම්…

කොරෝනා වෛරසය පාලනය සඳහා එන්නත් නිෂ්පාදනය කිරීමේ කටයුතු මෙරට දී ආරම්භ කිරීමට රජයේ අවධානය යොමු වී තිබේ. රාජ්‍ය ඖෂධ නීතිගත...

ප‍්‍රධාන පුවත්2 days ago

ප‍්‍රදේශ 13ක් ලොක්ඩවුන්.. ලයිස්තුව මෙන්න..

දිස්ත්‍රික්ක 6කට අයත් ග්‍රාම නිලධාරි වසම් 13ක් වහාම ක්‍රියාත්මක වන පරිදි හුදෙකලා කිරීමට කටයුතු කර තිබේ. කොරෝනා ආසාදිතයන් වැඩි වශයෙන්...

ප‍්‍රධාන පුවත්2 days ago

ඔක්සිජන් ටැංකි විශාල තොගයක් ලංකාවට..

ශ්‍රී ලංකාවට චීනය විසින් විශාල ප්‍රමාණයේ ඔක්සිජන් සිලින්ඩර දසදහසක් ඇතුළු වෛද්‍ය උපකරණ විශාල තොගයක් පරිත්‍යාග කර තිබේ. අග්‍රාමාත්‍ය මහින්ද රාජපක්ෂ...

Advertisement
Advertisement

Trending

Copyright © 2020 Lanka C News