Connect with us

උණුසුම් පුවත්

ශ්‍රී ලංකාව ජාත්‍යන්තර යුදාධිකරණයට ගෙනයන්නයි උතුරේ පක්ෂ ඉල්ලති.

(ලක්ෂ්මී ජයකොඩි)

ශී‍්‍ර ලංකාවේ සිදුවු බව කියන යුද අපරාධ හා මානව හිමිකම් කඩවීම් පිළිබඳ ජාත්‍යන්තර විමර්ශනයක් පැවැත්වීමටත් ඒ සම්බන්ධයෙන් ශී‍්‍ර ලංකාව ජාත්‍යන්තර යුද අධිකරණය වෙත ඉදිරිපත් කිරීමටත් අවශ්‍ය බලපෑම් සිදු කරන්නැයි ඉල්ලමින් දෙමළ ජාතික සන්ධානය ඇතුළු උතුරේ ප‍්‍රධාන දේශපාලන පක්ෂ හා සිවිල් සමාජ සංවිධාන සකස් කළ යෝජනාවලියක් එක්සත් ජාතීන්ගේ මානව හිමිකම් කවුන්සලයේ සාමාජික රටවල් වෙත යවා තිබේ.

එම යෝජනාවලිය සඳහා දෙමළ ජාතික සන්ධානයේ නායක ආර්. සම්බන්ධන්, දෙමළ ජාතික මහජන කොංග‍්‍රසයේ නායක ගජේනද්‍රකුමාර් පොන්නම්බලම්, තමිල් මක්කල් තේසීය කුට්ටනි නායක සී. වී. විග්නේෂ්වරන් යන මහත්වරු හා සිවිල් සංවිධාන වල නියෝජීතයින් අත්සනින් යුතුව ඉදිරිපත් කර ඇත.

මේ පිළිබදව  මාධ්‍ය වෙත නිකුත් කර ඇති නිවේදනයේ සඳහන් කර තිබෙන්නේ එම යෝජනාවලියේ පිටපත් එක්සත් ජාතීන්ගේ මානව හිමිකම් කවුන්සලයේ සාමාජික රටවල් තනාපතිවරුන් වෙතද යවා ඇති බවයි.

එළැඹෙන මාර්තු මාසයේදි එක්සත් ජාතීන්ගේ මානව හිමිකම් කවුන්සලයේ 46 වන සැසිවාරය ආරම්භවීමට නියමිත අතර එහිදි ශී‍්‍ර ලංකාව සම්බන්ධයෙන් ඉදිරිපත් කිරීමට නියමිත බව කියන නව යෝජනාව සකස් කිරීමේදි තමන් විසින් ඉදිරිපත් කර ඇති යෝජනාද සැලකිල්ලට ගන්නා ලෙස එමගින් ඉල්ලා ඇත.

ඒ අනුව එම යෝජනාවලියේ  වැඩිදුරටත් මෙසේද සඳහන් වේ.

යුද්ධය අවසන්ව වසර 10 කාලයක් ගත වුවද ශී‍්‍ර ලංකා රජය ජාත්‍යන්තරය වෙත ලබා දුන් පොරොන්දු කිසිවක් මෙතෙක් ඉටු කර නොමැත. මෙරට යුද්ධයේ අවසන් මෙහෙයුම් වලදි සිදුවු බව කියන මානව හිමිකම් ඉඩවීම් සම්බන්ධයෙන් සොයා බැලීමට එක්සත් ජාතීන්ගේ සංවිධානයේ හිටපු මහලේකම්වරයා විසින් සාමාජිකයින් තිදෙනෙකුගෙන යුත් කමිටුවක් පත් කරන ලදී. එම කමිටුවේ වාර්තාව 2011 වසරේ සැප්තැම්බර් මාසයේදි එක්සත් ජාතීන්ගේ මානව හිමිකම් කවුන්සලය හා එක්සත් ජාතීන්ගේ මානව හිමිකම් කවුන්සලයේ එවක කොමසාරිස්වරයා වෙත ඉදිරපත් කරනු ලැබිණි. ඉන් පසුව ශී‍්‍ර ලංකාවේ මානව හිමිකම් සුරැකීම හා වගවීම සඳහා වන යෝජනාවක් සම්මත කරනු ලැබිණ.

ඉන් අනතුරුව 2015, 2017 හා 2019 වර්ෂයන්හිදි එම කවුන්සලය ශී‍්‍ර ලංකාව සම්බන්ධයෙන් ඉදිරිපත් කෙරුණු යෝජනා වෙනුවෙන් ශී‍්‍ර ලංකාවේ සමඅනුග‍්‍රහකත්වයද හිමිවිණි.

කෙසේ වෙතත් ශී‍්‍ර ලංකාවේ වර්තමාන තත්ත්වය  අනුව අභ්‍යන්තර හෝ මිශ‍්‍ර යාන්ත‍්‍රණයක් මගින් වගවීමේ කි‍්‍රයාවලිය ඉටු කර ගැනීමේ හැකියාවක් නොමැති බව එක්සත් ජාතීන්ගේ මානව හිමිකම් කවුන්සලයේ සමාජික රටවල් පිළිගත යුතුව ඇත.

රට හමුදාකරණය කිරීම, දේශපාලන සිරකරුවන් දිර්ඝ කාලයක් සිරගතකොට ගෙන සිටිම, පුරාවිද්‍යා කැනීම් යැයි පවසමින් දෙමළ ජනතාවගේ ඉඩම් අත්පත් කර ගැනීම, අවම වශයෙන් කිරි ගෝවීන් ප‍්‍රයෝජනයට ගන්නා තෘණ බිම් පවා ආක‍්‍රමණය කිරීම යන වැනි කටයුතු වැඩි  වී ඇත. තවද  සමාජ හා දේශපාලඥයින්ගේ හැසිරීම් නිරීක්ෂණය  කිරිම තිීව‍්‍ර කර තිබීම වැනි මර්දනයන් වැඩිවී තිබේ.

කොරෝනා වෛරසය හේතුවෙන් මිය යන මුස්ලීම් ජාතිකයන්ගේ මෘතදේහ භූමිදානයට ඉඩ නොදි ආදාහනය කිරීම, යුද්ධයෙන් මිය ගියවුන් සිහිපත් කිරීමට ඇති අයිතිය අහිමි කිරීම වැනි සුළු ජනකොටස් වල මර්දනය කිීරීමේ කි‍්‍රයාමාර්ගද මේවනවිට ශී‍්‍ර ලංකාවේ වැඩිවෙමින් පවතී.

එබැවින් එක්සත් ජාතීන්ගේ මානව හිමිකම් කවුන්සලයේ මීළඟ සැසිවාරයේදි ශී‍්‍ර ලංකාවේ වගවීමේ කි‍්‍රයාවලිය තහවුරු කළ යුතුව ඇත. එහෙත් අභ්‍යන්තර යාන්ත‍්‍රණයක් මගින් හෝ මිශ‍්‍ර යාන්ත‍්‍රණයක් මගින් එය ශී‍්‍ර ලංකා රජය කි‍්‍රයාත්මක නොකරනු ඇත.නමුත් එය තහවුරු කිරීමට අවශ්‍ය කි‍්‍රයාමාර්ග ගත යුතුය.

ශී‍්‍ර ලංකාවේ සිදුවු බව  කියන මානව හිමිකම් කඩවීම් හා යුධ අපරාධ සම්බන්ධයෙන් විමර්ශනය කිරීම සඳහා ජාත්‍යන්තර යුද අපරාධ අධිකරණය හා ජාත්‍යන්තර මානව හිමිකම් සම්බන්ධයෙන් කටයුතු කරනු ලබන ඉහළපෙළ පිළිගත්  ජාත්‍යන්තර මානව හිමිකම් සංවිධාන හා ආයතන වෙත මේ පිළිබඳ දැඩි අවධානය යොමු කිරීමට කටයුතු කළ යුතුය. මෙම කාරණය එක්සත් ජාතීන්ගේ මානව හිමිකම් කවුන්සලයේ කොමසාරිස්වරයා මගින් එක්සත් ජාතීන්ගේ සංවිධානයේ මහලේකම්වරයා වෙත, ආරක්ෂක මණ්ඩලය වෙත යොමු කළ යුතුය.ඒ සදහා සාමාජික රටවල් බලපෑම් කළ යුතුය.

ශී‍්‍ර ලංකාවේ සිදුවන මානව හිමිකම් කඩවීම් හා ඊට අදාළ මර්දනය කිරීම් පිළිබදව සොයා බැලීමට එක්සත් ජාතීන්ගේ මානව හිමිකම් කවුන්සලයේ ශාඛාවක් ශී‍්‍ර ලංකාවේ ස්ථාපිත කළ යුතුය. ජීනීවා මානව හිමිකම් කවුන්සලයේ  ශාඛාවක් ස්ථාපිත කර සිරියාවේ සාක්ෂි එකතු කළ ආකාරයෙන් අවුරුද්දක කාලයක් ඇතුළත දැඩි කොන්දේසි මත ශී‍්‍ර ලංකාවේ සිදුවු බව කියන මානව හිමිකම් කඩවීම් පිළිබද සාක්ෂි එකතු කිරීමේ යාන්ත‍්‍රණයක් ස්ථාපිත කළ යුතුය.

ශී‍්‍ර ලංකාවේ වගවීමේ කි‍්‍රයාවලිය ඉටු කර ගැනීම වෙනුවෙන් මෙම කාරණය ජාත්‍යන්තරයේ ඉහළ පෙළ අවධානය වෙත යොමු කරන්නැයි නැවත් වරක් අවධාරණය කර සිටින්නෙමු.

මෙතෙක් යුක්තිය ඉටු නොවුණු අපගේ ජනතාව වෙනුවෙන් යුක්තිය  ඉටු කරදීමත් සහන ලබාදීමත් වෙනුවෙන් නිශ්චිතව හා අප‍්‍රමාදව කටයුතු කරන්නැයි එක්සත් ජාතීන්ගේ මානව හිමිකම් කවුන්සලයේ සාමාජික රටවල් වලින් ඉල්ලා සිටින්නෙමු.

Click to comment

උණුසුම් පුවත්

ලංකාවේ ක‍්‍රිකට් විනාශ කලේ මහේල-සංගක්කාර.. ඔවුන් ක‍්‍රීඩා කලේ වාර්තා වෙනුවෙන් – අර්ජුන

ශ්‍රී ලංකාවේ ක්‍රිකට් කඩාවැටීම ඇරඹුණේ දෙවෙනි කුමාර සංගක්කාර හා මහේල ජයවර්ධන හේතුවෙන් බව ශ්‍රී ලංකා කණ්ඩායමේ හිටපු නායක අර්ජුන රණතුංග මහතා සඳහන් කරයි.

මහේල සංගක්කාර ක‍්‍රීඩා කරන කාලයේදී දෙවැනි පෙළක් නොහැදීම හේතුවෙන් අද තත්ත්වයට ක්‍රිකට් කඩා වැටී ඇතැයි ද ඔහු කියා සිටී.

ඔවුන් රට වෙනුවෙන් ක්‍රීඩා කළේ නැති බවත් තමන්ගේ වාර්තාවන්ට පමණක් ක‍්‍රීඩා කළ බවත් රණතුංග මහතා පෙන්වා දෙයි.

වත්මන් ක්‍රීඩා අමාත්‍ය නාමල් රාජපක්ෂ මහතාද ෆේල් වී ඇතැයිද පවසන ඔහු බාප්පා ජනාධිපති තාත්තා අග්‍රාමාත්‍යවරයා වන නාමල් රාජපක්ෂ මහතාට ක්‍රිකට් හදන්න නොහැකි නම් වෙනත් කිසිවකුට නො හැකි බවත් කියා සිටී.

අන්තර්ජාල නාලිකාවක සාකච්ඡාවක දී ඒ මහතා මෙම අදහස් පළ කර ලදී.

2024 දී පොදු අපේක්ෂකයා තමන් විය හැකි බවද පවසන ඔහු තමන් ඊළඟ ඉම්රාන් ඛාන් වේවි යයි සියලු දෙනා තමන්ට බිය වී සිටින බවද එහිදී කියා සිටියේය.

Continue Reading

උණුසුම් පුවත්

මුරුත්තෙට්ටු හිමිගේ ඉල්ලීම් හතෙන් පහකට ජනපතිගෙන් එසැණ විසඳුම්..

රාජ්‍ය සේවා එක්සත් හෙද සංගමය ඉදිරිපත් කළ ඉල්ලීම් හතෙන් පහකට එසැණ විසඳුම් ලබාදීමට ජනාධිපති ගෝඨාභය රාජපක්ෂ මැතිතුමා පියවර ගනී. ඉතිරි ඉල්ලීම් දෙකට අදාළ විසඳුම් මීළඟ අය වැයෙන් ලබාදීමට ද ජනාධිපතිතුමා එකඟතාව පළ කළේය.

රාජ්‍ය සේවා එක්සත් හෙද සංගමය සමඟ අද (02) පස්වරුවේ ජනාධිපති කාර්යාලයේ පැවති විශේෂ සාකච්ඡාවේදී ජනාධිපතිතුමා මෙම තීරණවලට එළැඹිණ.

01. හෙද සරසවිය ආරම්භ කිරීම.
02. යහපාලන රජය සමයේ 2017.12.07 හා 32/2017 මගින් අත්හිටුවා ඇති මාණ්ඩලික තත්ත්වය නැවත ලබාදීම.
03. අත්හිටුවා ඇති iii ශ්‍රේණියෙන් ii ශ්‍රේණියට උසස් වීම වසර පහක් ලෙස හා ii ශ්‍රේණියෙන් i ශ්‍රේණියට වසර හතෙන් උසස් කිරීම.
04. රුපියල් විසිදහසක වාර්ෂික නිල ඇඳුම් දීමනාව ලබාදීම.
05. දැනට පැය 36ක්ව පවතින රාජකාරී කාලය සතියකට දින පහක (පැය 30ක) කාලයක් ලෙස සැලකීම විශේෂ කමිටුවක අධ්‍යයනයට යොමු කිරීම.

යන කරුණු 5 වහාම ක්‍රියාත්මක කිරීමට ජනාධිපතිතුමා තීරණය කළේය.

රුපියල් දස දහසේ දීමනාව සහ 2014.12.24 දින මුදල් අමාත්‍යාංශය චක්‍රලේඛයක් මඟින් සඳහන් කර ඇති මූලික වැටුපෙන් 1/100 අමතර සේවා දීමනාව ලබන අය වැයෙන් ලබාදීමටත් ජනාධිපතිතුමා විසින් එකඟතාව පළ කෙරිණ.

ඒ අනුව රාජ්‍ය සේවා එක්සත් හෙද සංගමය ඉදිරිපත් කළ යෝජනා සියල්ලට ජනාධිපතිතුමාගේ විසඳුම් ලැබිණ.

රජය සෞඛ්‍ය අංශය කෙරෙහි දැඩි විශ්වාසයෙන් පසුවන අතර හෙද සේවාවට ඉහළ පිළිගැනීමක් ලබාදෙන බවත් හෙද වෘත්තිකයන්ට නිසි තැන ලබා දෙන බව ද ජනාධිපතිතුමා අවධාරණය කළේය.

රාජ්‍ය සේවා එක්සත් හෙද සංගමයේ සභාපති පූජ්‍ය මුරුත්තෙට්ටුවේ ආනන්ද හිමි, සෞඛ්‍ය අමාත්‍ය පවිත්‍රා වන්නිආරච්චි, ජනාධිපති ප්‍රධාන උපදේශක ලලිත් වීරතුංග, සෞඛ්‍ය ලේකම් (විශ්‍රාමික) මේජර් ජෙනරාල් විශේෂඥ වෛද්‍ය සංජීව මුණසිංහ, සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන යන මහත්ම මහත්මීහු සහ රාජ්‍ය සේවා එක්සත් හෙද සංගමයේ නියෝජිතයෝ මේ අවස්ථාවට එක්ව සිටියහ.

– ජනාධිපති මාධ්‍ය අංශය

Continue Reading

උණුසුම් පුවත්

මම හිටියා නම් ඔය ක්‍රීඩකයින්ගෙ කනට ගහන්නෙ – අර්ජුන

මම හිටියා නම් ඔය ක්‍රීඩකයින්ගෙ කනට ගහන්නෙ – අර්ජුන

දැං ක්‍රීඩකයො සංචාර යන්නෙ ටී ෂර්ට් ඇඳන්.. ලැජ්ජයි..

Continue Reading

Facebook

Advertisement

Updates

Uncategorized2 months ago

ජ‘පුර සරසවියෙන් Voice Sri Lanka වේදිකාවට ආ මිදොරි..

මේ දවස්වල The Voice Sri Lanka වැඩසටහනේ කාගෙත් කතාබහට ලක්වෙන ඇය මිදොරි තාරුකා කරුණාරත්න. තමන්ටම අනන්‍ය වූ කට හඬකින් ගීත...

Uncategorized2 months ago

බැසිල් රාජපක්‍ෂ සමග ක්‍රමවත්ව පිළිවෙලකට ගමනක් යා හැකි නම් ඊට සූදානම්..- විමල්

ඕනෑම පුද්ගලයෙක් සමඟ ක්‍රමවත්ව පිළිවෙලකට ගමනක් යා හැකි නම් එම ගමන යාමට සූදානම් බව කර්මාන්ත අමාත්‍ය විමල් වීරවංශ මහතා සඳහන්...

Uncategorized2 months ago

සියයට සියයක් රජයේ විශ්වවිද්‍යාල පවත්වාගෙන යාමට හැකියාවක් නෑ..- ජනපති

“සෞභාග්‍යයේ දැක්ම” ප්‍රතිපත්ති ප්‍රකාශයේ තවත් පොරොන්දුවක් ඉටුකරමින් පුරවර විශ්වවිද්‍යාල වැඩසටහන ඇරඹේ. එහි පළමු සරසවිය කෑගල්ල දිස්ත්‍රික්කයේ, පින්නවල ප්‍රදේශය කේන්ද්‍ර කරගනිමින්...

Uncategorized2 months ago

ප්‍රබල තානාතිපතිවරු රැසක් අද බැසිල් හමුවෙයි!

පසුගිය මහින්ද ආණ්ඩුවේ ද ජාත්‍යන්තරය කළමනාකරණය කළ බැසිල් රාජපක්ෂ මුදල් ඇමති බවට පත්වීමෙන් පසු ලෝකයේ ප්‍රභල රටවල තානාපතිවරුන් ඔහු හමුවීම...

Uncategorized2 months ago

දකුණු ආසියාවේ කොරෝනා පාලනය සාර්ථකම රට ශ්‍රී ලංකාවයි..

ලංකා ඉතිහාසයේ දැවැන්තම එන්නත්කරන වැඩසටහන ක්‍රියාත්මක කිරීමේ සුවිශේෂී කාලසීමාවකට අප එළැඹ ඇතැයි ක්‍රීඩා අමාත්‍ය නාමල් රාජපක්ෂ මහතා පවසයි. සංචාරක ක්ශ්‍රේෂ්ත්‍රයේ...

Uncategorized2 months ago

අධි තාක්ෂණික කේබල් මත පිහිටි නව කැලණි පාලම යා කෙරේ..

ශ්‍රී ලංකාවේ පළමු අධි තාක්ෂණික කේබල් මත පිහිටි පාලම වන පෑලියගොඩ නව කැලණි පාලමේ, කැලණි ගඟ හරහා ඉදිකර ඇති කොන්ක්‍රීට්...

Uncategorized2 months ago

කොරෝනා මඩින්න සයිනොෆාම් මහ තොගයක්.. ලක්‍ෂ 20ක් කටුනායකට..

කොරෝනා මර්දනය සදහා චීනයේ නිෂ්පාදිත සයිනොෆාම් එන්නත් මාත්‍රා තවත් ලක්ෂ 20 ක තොගයක් අද පෙරවරුවේ කටුනායක ගුවන් තොටුපලට ගෙනැවිත් තිබේ....

Uncategorized3 months ago

සැප්තැම්බරයට පෙර ජනගහණයෙන් වැඩි ප්‍රතිශයකට එන්නත් දෙන සැලැස්ම ජනපති හෙලි කරයි..

සැප්තැම්බර් මාසයට පෙර සමස්ත ජනගහණයෙන් වැඩි ප්‍රතිශයකට කොවිඩ් එන්නත ලබාදීම සඳහා ජනාධිපති ගෝඨාභය රාජපක්ෂ මැතිතුමා පුළුල් වැඩපිළිවෙළක් ඉදිරිපත් කරයි. කොවිඩ්...

Uncategorized3 months ago

සජිත් නිවාස ඇමති කාලයේ ගෙවල් දුන්න හැටි කෝප්වලදී හෙළිවෙයි..

015 සිට 2019 දක්වා කාලයේ යහපාලන ආණ්ඩුවේ නිවාස ඇමතිවරයා ලෙස කටයුතු කළ සජිත් ප්‍රේමදාස මහතා නියමිත පටිපාටියෙන් බැහැරව නිවාස ලබාදීම්...

Uncategorized3 months ago

මං අරලියගහ මන්දිරයට යාම නවතා දැම්මා..- ලොකුගේ…

තමන් අරලියගහ මන්දිරයට යාම නවතා දැමූ බව අමාත්‍ය ගාමිණී ලොකුගේ මහතා සඳහන් කරයි. අරලියගම මන්දිරයට ගිය අවස්ථාවේ තමන් කොරෝනා පරීක්ෂණයට...

Advertisement
Advertisement

Trending

Copyright © 2020 Lanka C News

en_USEnglish