Connect with us

ප‍්‍රධාන පුවත්

20 සම්මත කරන්න යන්නේ ලංකාව සිංහල බෞද්ද රටක් කරන්නයි.. ඒකට ඉඩ දෙන්න බෑ..

20 වන ආණ්ඩුක‍්‍රම ව්‍යවස්ථා සංශෝධන කෙටුම්පත සම්මත කර ගැනීමට උත්සහා කරනු ලබන්නේ මේ රට සිංහල බෞද්ධ රටක් බවට පත් කළ යුතුයැයි පවසන වියත්මගෙහි අරමුණ ඉටු කර ගැනීම වෙනුවෙන් යැයි සමගි ජනබලවේගයේ පාර්ලිමේන්තු මන්ති‍්‍ර මනෝ ගනේෂන් මහතා පවසයි.

20 වන ආණ්ඩුක‍්‍රම ව්‍යවස්ථා සංශෝධන කෙටුම්පත හා දෙමළ දේශපාලන පක්ෂ වල කි‍්‍රයාකාරිත්වය සම්බන්ධයෙන් මාධ්‍ය කළ විමසීමට පිළිතුරු දෙමින් ඔහු මේ බව සදහන් කරයි.

එහිදි මේ පිළිබදව වැඩිදුරටත් අදහස් දැක්වු මනෝ ගනේෂන් මහතා මෙසේද පැවසුවේය.

ජනාධිපති ගෝඨාභය රාජපක්ෂ මහතාට මේ රටේ ඕනෑවටත් වඩා බලය තිබෙනවා. ඔහුට පාර්ලිමේන්තුවේ පවා තුනෙන් දෙකක බලයක් තිබෙනවා. ඔහු වටා බලය ගොඩ ගසා තිබෙනවා. එසේ තිබියද ඔහුට වෙනත් බලතල අවශ්‍ය නැහැ. නමුත් මේ ආණ්ඩුවේ වියත් මග කියන කණ්ඩායමක් සිටිනවා. එම කණ්ඩායම ඉතා භායනකයි. රට වටේම ගොස් මේ රටේ ජනාධිපතිවරයා විය යුත්තේ ගෝඨාභමය රාජපක්ෂ මහතාම බවට ප‍්‍රචාරණයන් සිදු කරනු ලැබුවේ එම කණ්ඩායමයි. ඔවුන්ගේ අරමුණ මේ රට එක ජාතියක් එක ආගමක් එක් භාෂාවක් සහිත රටක් බවට පත් කිරීමට ඔවුන් උත්සහා දරනවා. ඔවුන්ගේ කණ්ඩායම ආණ්ඩුව ඇතුළේ ආණ්ඩුවක් ලෙස කටයුතු කරනු ලබනවා. ඒ නිසයි ඔවුන්ට මේ බලය අවශ්‍ය වී තිබෙන්නේ.

සැබැවින්ම මෙම 20 වන ආණ්ඩුක‍්‍රම ව්‍යස්ථා සංශෝධන කෙටුම්පත ඉදිරිපත් කර තිබෙන්නේ විපක්ෂය මර්දනය කිරිමට වඩා ආණ්ඩුව තුළම ගෝඨාභය රාජපක්ෂ මහතා වටා තවදුරටත් බලය ගොඩ ගැසීමේ අරමුණින්.

මෙහිදි ජනාධිපතිවරයා හා අගමැතිවරයා අතර තරඟයක් තිබෙන බවක් මෙයින් අදහස් කරන්නේ නැහැ. මෙම තත්තවය ඊට එහා ගිය තත්ත්වයක්. වියත්මග කියන කණ්ඩායමේ අරමුණ මේ රටෙ සිංහල බෞද්ධ රටක් බවට පත් කිරිමයි. එම කි‍්‍රයාවට බාධාවන කවරෙකු සිටියත් ඔවුන් එම කණ්ඩායම විසින් පලවා හැරීමට උත්සහා දරනු ඇති. එහි පළමු පියවර ලෙස එකාධිපති ජනාධිපතිවරයෙක් නිර්මාණය කර ගැනීමයි ඔවුන්ගේ අරමුණ. ඒ හැර වෙනත් හදිසියක් මොවුන්ට නැහැ. මන්ද ජනාධිපතිවරයාට වර්තමානයේ තිබෙන බලතල අනුව ඕනෑම දෙයක් කරන්න පුළුවන්.

19 වන ආණ්ඩුක‍්‍රම ව්‍යවස්ථාව යනු රටේ ප‍්‍රජාතන්ත‍්‍රවාදයේ ප‍්‍රගමනය වෙනුවෙන් සමම්ත වු සංශෝධයක්. එය කි‍්‍රයාත්මක කිරිමේ යම් යම් අඩුපාඩු තිබුණත් එවා නිවැරදි කර ගැනීමක් අවශ්‍ය වුවා මිසක් එය සම්පුර්ණයෙන්ම අහෝසි කිරීමේ අවශ්‍යතාවයක් තිබුණේ නැහැ.

19 වන ආණ්ඩුක‍්‍රම ව්‍යවස්ථාව අනුව පොලිස්පතිවරයා පවා ඉවත් කළ නොහැකි යැයි පවසන චෝදනාව අමුලික බොරුවක්. සරල බහුතරයකින් පාර්ලිමේන්තුවේ යෝජනාවක් සම්මත කර ගැනීමෙන් රටේ පොලිස්පතිවරයා ඉවත් කිරීමේ හැකියාව තිබෙනවා. වත්මන් ආණ්ඩුවට තුනෙන් දෙකක බලයක් තිබෙනවා. ඕනෑම අවස්ථාවක එවැනි දෙයක් කරන්න පුුලූවන්.
ඵැවති ආණ්ඩුව කාලයේදි මෙය කළ නොහැකි වුයේ රනිල් වික‍්‍රමසිංහ හිටපු අගමැතිවරයා හා මෛතී‍්‍රපාල සිරිසේන හිටපු ජනාධිපතිවරයා යන තනි පුද්ගලයන් අතර තිබුණු බල අරගලය නිසයි. එසේ නොමැතිව නිීතියේ තිබුණු වැරද්දක් නිසා එය සිදු නොවුණා නොවෙයි.

පුද්ගලයින් වෙනස් කිරීමේ හැකියාවක් ඇතත් නීතී වෙනස් කරන්න බැහැ. නීතී වඩාත් යහපත් ආකාරයෙන් සංශෝධනය කිරීමේ හා ශක්තිමත් කිරීමේ හැකියව තිබෙනවා.
වත්මන් ආණ්ඩුවේ වැඩපිළිවෙල අනුව පෙනී යන්නේ ජේ ආර් ජයවර්ධන හිටපු විධායක ජනාධිපතිවරයාගේ 78 ව්‍යවස්ථාවටත් වඩා විධායක බලතල සහිත විධායක ජනාධිපතිවරයෙක් 20 වන ආණ්ඩුක‍්‍රම ව්‍යවස්ථා සංශෝධනය මගින් නිර්මාණය කිරීමයි.

යහපාලන ආණ්ඩුව හොදයි කියල මම කියන්නේ නැහැ. එහි අඩුපාඩු ඕනතරම් තිබුණා. යහපාලන ආණ්ඩුවෙන් නව ආණ්ඩුක‍්‍රම ව්‍යවස්ථාවක් නිර්මාණය වෙන්නේ නැහැ කියල ආණ්ඩුවේම ඇමතිවරයෙක් වශයෙන් මම ප‍්‍රකාශ කළා. නමුත් විපක්ෂය නියෝජනය කළ සුමන්තිරන් මන්තී‍්‍රවරයා පැවසුවේ නව ආණ්ඩුක‍්‍රම ව්‍යවස්ථාවක් නිර්මාණය වන බවයි. එහෙත් මම දැන සිටියා රනිල් වික‍්‍රමසිංහ මහතා ඇතුලූ සිංහල දේශපාලඥයින්ට දෙමළ ජනතාවට විසදුමක් ලබාදීමේ මානසිකත්වයක් හෝ දේශපාලන දැක්මක් නොමැති බව.

නමුත් පැවති හා වර්තමාන රාජපක්ෂ ආණ්ඩු හා සන්සන්දන කරන විට යහපාලන ආණ්ඩුව කාලයේදි ජනතාවගේ ප‍්‍රජාතන්ත‍්‍රවාදි අයිතීන් ලබාදී තිබුණා.භාෂනයේ නිදහස අරගල කිරීමේ නිදහස ජනාධිපතිවරයා අගමැතිවරයා පවා විවේචනය කිරීමේ නිදහස තිබුණා. නමුත් වර්තමානයේ මේ නිදහස සීමා කර තිබෙනවා. යහපාලන කාලයේ ජනතාවට විරෝධතා දක්වන්න නිදහස තිබුණා. යුද්ධයෙන් මියගිය පිරිස් සිහිපත් කිරීමේ නිදහස තිබුණා. අද ඒ සියල්ල තහනම් කර තිබෙනවා. යහපාලන ආණ්ඩුව කාලයේදි ස්වාධින කොමිෂන් සභා ඇති කළා. එවායේ යම් අඩුපාඩුවක් තිබේ නම් හදුනා ගත හැක්කේ එවා කි‍්‍රයාත්මක කරන විටයි. පසුගිය කාලයේදි එවැනි අඩුපාඩු දුටුවා. නමුත් එයින් කියවෙන්නේ නැහැ එම කොමිෂන් සභා අසාර්ථකයි කියල. වත්මන් ආණ්ඩුව හදන්නේ මෙම ස්වාධීන කොමිෂන් සභාවල පවතින අඩුපාඩු සකස් කර එවා කි‍්‍රයාත්මක කිරීම වෙනුවට සම්පුරණයෙන්ම අහෝසි කර දැමිමටයි.

මේ වනවිට දෙමළ ජනතාවගේ අයිතින් උල්ලංඝනය කෙරෙන බවට චෝදනා ආණ්ඩුවට එල්ල වෙමින් පවතිනවා. දෙමළ ජනතාවගේ අයිතීන් දිනා ගත හැක්කේ ප‍්‍රජාතන්ත‍්‍රවාදීව අරගල කිරීමෙන් පමණක් බව තෙරුම් ගත යුතුයි. එසේ නොමැතිව ඉබේම අයිතීන් ලැබෙන අතැයි සිතා නිදා සිිටියහොත් කිසිවක්ම ලැබෙන්නේ නැහැ. දෙමළ දේශපාලන නායකයින් මෙය තේරුම් ගත යුතුයි.
දෙමළ පාර්ලිමේන්තු කණ්ඩායම් එකමුතුවක් අවශ්‍ය බව කියා සිටියේ පසුගිය පාර්ලිමේන්තුවෙදීයි. මගේ එම අදහස බොහෝ දෙනා අගය කළා. නමුත් ප‍්‍රායෝගිකව එය කි‍්‍රයාත්මක වුණේ නැහැ. නැවතත් එම අදහස කරළියට පැමිණ තිබෙනවා. මම එවැනි එකමුතුවක් අවශ්‍ය බව කීවේ දෙමළ ජනතාවගේ පොදු ගැටලූ පිළිබදව කතා කිරීමයි. සැබැවින්ම මෙය සිංහල ජනතාවට හෝ මුස්ලීම් ජනතාවට එරෙහි වුවක් නොවෙයි. එවැනි එකමුතුවක් ස්ථාපිත කිරීමට හැකියාවක් ලැබුණහොත් එහි උපදේශකියන් විමර්ශකයින් ලෙස ප‍්‍රගතිශීලි මුස්ලීම් සිංහල දේශපාලඥයින් එක් කර ගත යුතු වෙනවා. නැත්නම් එය සිංහල ජනතාවට හෝ මුස්ලීම් ජනතාවට එරෙහි එකමුතුවක් බවට චෝදනා කරන්න පුලූවන්. එස් ජේ වී වෙල්වනායගම් මහතා පැවසුවා දෙමළ ජනතාව බේරා ගත යුත්තේ දෙවියන්ම පමණක් බව . නමුත් එසේ කිය කියා සිටියහොත් දෙවියෝ එන්නේ නැහැ අපව බේරා ගන්න එන්නේ නැහැ. අපි අරගල කරන්න ඕන.

දකුණේ සිංහල ජනතාව වැරදි ආකාරයෙන් සිතිය හැකියැයි උපකල්පනය කරමින් දෙමළ නායකයින්ට එකමුතු නොවී සිටිය නොහැකියි. මිය ගිය ඥාතීන් සිහිපත් කිරීමට ඇති අයිතිය යනු අපගේ මුලික අයිතිවාසිකමක්.

රජයට එරෙහිව ආයුධ සන්නද්ධ අරගල සිදුකළ අය හදුන්වන්නේ ත‍්‍රස්ත‍්‍රවාදීන් ලෙසයි. එල්ටීටීඊ සංවිධානය , ඩග්ලස් දේවාන්නදා මහාතගේ සංවිධානය පවා ත‍්‍රස්ත‍්‍රවාදීන් යැයි හැදින්වුවා.

විමල් වීරවංශ අනුර කුමාර දිසානායක කියන්නේත් ජනතා විමුක්ති පෙරමුණේ සිටින හා සිටිය අයයි. ජනතා විමුක්ති පෙරමුණ 1989 කාලයේදි රජයට එරෙහිව ආයුධ අතට ගත්තා. සටන් කළා. ඔවුන් ලංකාවේ හමුදාව මැරුවා. පොලිස් නිළධාරීන් වගේම සාමන්‍ය ජනතාවත් ඝාතනය කළා . නමුත් ඔවුන් අද විවෘතව නිදහස්ව තමන්ගේ නායකයෝ විරයෝ සමරනවා. විශාල උත්සව ඒ වෙනුවෙන් පවත්වනවා. නමුත් උතුරේ ජනතාවට තමන්ගේ ඥතීන් සිහිපත් කරන්න බැහැ. මම අහන්නේ උතුරේ ජනතාවටයි දකුණේ ජනතාවටයි කියල වෙනම නීතියක් මේ රටේ තිබෙනවාද?

ආණ්ඩුව පත් වීමේදි පැවසුවේ එක රටක් එක නීතියක් කියල. නමුත් මම ප‍්‍රශ්න කරන්නේ කොහේද තිබෙන්නේ ඒ කියන එක නීතීය? එහෙම නම් මේ රටේ සිංහලයාට එක නිතියක් දෙමළාට එක නිතීයක් මුස්ලීම් මනුස්සයාට එක නීතියක් කි‍්‍රයාත්මක වෙනවාද?

මේ වනවිට දෙමළ දේශපාලන පක්ෂ එක්ව කටයුතු කරමින් සිටිනවා. එය ඉතාම හොද දෙයක්. ඉදිරියේදි අපටත් එයට එක් වීමේ හැකියාවක් තිබෙනවා. නමුත් යාපනයේ දේශපාලන හා කොළඹ දේශාපාලනය කියන්නේ දෙකක් . එය අවබොධ කරගනමින් අප දේශපාලනයේ නියැළිය යුතුව තිබෙනවා.

පසුගියදා ශී‍්‍ර ලංකා අගා‍්‍රමාත්‍යවරයා හා ඉන්දීය අග‍්‍රාමත්‍යවරයා අතර සාකච්ඡුා පැවැත්වුණා. එහිිදි ඉන්දීය අග‍්‍රමාත්‍යවරයා 13 වන ආණ්ඩුක‍්‍රම ව්‍යවස්ථා සංශෝධනය සම්පුර්ණයෙන් කි‍්‍රයාත්මක කළ යුතුව අවධාරණය කර තිබුණාත. නමුත් ශී‍්‍ර ලංකා රජයේ කවරෙකු හෝ එය මතක නැතැයි පවසනවා නම් එය ඉන්දීය රජයට කරන ආගෞරව කිරීමක් . එය ඉන්දිය රජය බලා ගනු ඇති.

– මාධ්‍ය ඒකකය

Click to comment

උණුසුම් පුවත්

අලුත් රටට-අලුත් බෙහෙත්.. රු. 130 බෙහෙත දැන් රු. 67 කට..

මීට පෙර ශ්‍රී ලංකාවේ නිෂ්පාදනය නොකළ ඖෂධ රාජ්‍ය ඖෂධ නිෂ්පාදන සංස්ථාව මගින් නිෂ්පාදනය කර එලිදැක්වීමේ වැඩසටහන යටතේ නිමොඩපීන් (Nimodipine) ඖෂධය එළිදැක්වීම රත්මලාන SPMC පරිශ්‍රයේදී සිදු කෙරිණි.

රාජ්‍ය ඖෂධ නිෂ්පාදන සංස්ථාවේ සභාපති වෛද්‍ය උත්පල ඉන්ද්‍රවංශ මහතා අතින් ඖෂධ නිෂ්පාදන සැපයීම හා නියාමන ගරු රාජ්‍ය අමාත්‍ය මහාචාර්ය වෛද්‍ය චන්න ජයසුමන මහතාටත් ඉන් අනතුරුව අමාත්‍යතුමා විසින් ස්නායු ශල්‍ය රෝග විශේෂඥ වෛද්‍ය සුනිල් පෙරේරා මැතිතුමාට ඖෂධය පිළිගැන්විණි. 

වෛද්‍ය සැපයුම් අංශය මෙම ඖෂධය මිලදී ගැනීමේදී එක් පෙත්තකට මීට පෙර රුපියල් 130 ක් වැය කර තිබූ අතර රාජ්‍ය ඖෂධ නිෂ්පාදන සංස්ථාව (SPMC) මෙම ඖෂධය සපයන්නේ රුපියල් 67ක මිලකට ය.

Continue Reading

උණුසුම් පුවත්

බ්‍රිතාන්‍ය ගුවන් තහනම ඉවත් කරයි

බ්‍රිතාන්‍ය තුළ පැතිර යමින් තිබෙන නව කොවිඩ් ප්‍රභේදය හේතුවෙන් පනවා තිබූ තාවකාලික ගුවන් ගමන් තහනම වහාම ක්‍රියාත්මක වන පරිදි අත්හිටුවීමට තීරණය කර තිබෙනවා. ජනාධිපති ගෝඨාභය රාජපක්ෂ මහතාගේ උපදෙස් මත මෙම තීරණය ගත් බවයි විදේශ කටයුතු අමාත්‍යංශය නිවේදනය කරන්නේ.

ඒ අනුව බ්‍රිතාන්‍ය සංචාරකයන් සඳහා රට විවෘත කිරීමට තීරණය කර තිබෙනවා. ජනාධිපතිවරයාගේ ප්‍රධානත්වයෙන් අද පැවති සෞඛ්‍ය බළධාරීන්ගේ රැස්වීමකදී තීරණය කර තිබෙන්නේ බ්‍රිතාන්‍ය සංචාරකයන් සඳහා දින 14 ක නිරෝධායන කාලසීමාවකට යටත්ව මෙරටට පැමිණීමට අවසර ලබාදිය යුතු බවටයි.

ශ්‍රී ලංකා සංචාරක ප්‍රවර්ධන කාර්යාංශය විසින් හඳුන්වා දී ඇති මාර්ගෝපදේශවලට යටත්ව බ්‍රිතාන්‍ය සංචාරකයන්ට මෙරටට සංචාරය කිරීමට අවස්ථාව හිමි වේ.

Continue Reading

උණුසුම් පුවත්

ඉන්දියාවට ත‍්‍රිකුණාමල තෙල් ටැංකි අහිමි වෙයි.. අයිතිය ලංකාවට..

කොළඹ වරායේ සිට කොලොන්නාව නිමාව ඛනිජ තෙල් තොග ගබඩා පර්යන්ත සමාගම වෙත දිවෙන ඉන්ධන නල පද්ධතිය පිහිටි භූමියේ අනවසරයෙන් වසර 35 කට වැඩි කාලයක් පදිංචිව සිටි පවුල් 112 ක් සදහා ඛණීජ තෙල් නීතිගත සංස්ථාවත් භාණ්ඩාගාරයත් ඒකාබද්ධව රුපියල් මිලියන 500ක වියදමින් මහල් නිවාස ලබාදීමේ වැඩසටහනක් බලශක්ති අමාත්‍ය නීතිඥ උදය ගම්මන්පිල මහතාගේ ආරාධනයෙන් අග්‍රාමාත්‍ය මහින්ද රාජපක්ෂ මැතිතුමාගේ ප්‍රධානත්වයෙන් .17 දින කොලොන්නාව ඛනිජ තෙල් තොග ගබඩා පර්යන්ත සමාගම් පරිශ්‍රයේදී පැවැත්විණි. බලශක්ති අමාත්‍යතුමන් එහිදී සිදු කළ කතාව.

ත්‍රිකුණාමලය තෙල් ටැංකි නොබෝ දිනකින් අප සතුයි

මහින්ද නම් යුග පුරුෂයා

මෙම උත්සවයේ ප්‍රධාන අමුත්තා විදිහට ඔබතුමාට ආරාධනා කළේ ඔබතුමන් මේ රටේ අග්‍රාමාත්‍යතුමන් නිසා නෙමේ, ඔබතුමා මේ නිවාස මිලදී ගැනීමට අරමුදල් වලින් කොටසක් සැපයූ මුදල් අමාත්‍යතුමා නිසාත් නොවේ, අපි ඔබතුමාට ඇරයුම් කළේ ඔබතුමන් මහින්ද රාජපක්ෂ මැතිතුමන් නිසයි. වරක් පාර්ලිමේන්තුවේ දී ඔබතුමා ප්‍රකාශ කළ ආකාරයෙන්ම, ඔබතුමා දැරූ ඔබතුමා දරණ සියලුම නාමයන්ට වඩා මහින්ද රාජපක්ෂ කියන නාමය දැවැන්ත කියන එකයි අපේ විශ්වාසය. මහින්ද රාජපක්ෂ මැතිතුමනි ඔබතුමා යුග පුරුෂයෙක්. මහින්ද රාජපක්ෂ කෙනෙක් ඉතිහාසයේ කවදාවත් සිටියෙත් නෑ. අනාගතයේ බිහි වෙන්නෙත් නෑ.

ඔබතුමා කොටි ත්‍රස්තවාදයට එරෙහිව කරපු අරගලය අපි ඇස් දෙකෙන් දැක්කා. ඒ යුද්ධය දුටුගැමුණු රජතුමා එළාර රජතුමාට එරෙහිව කරපු යුද්ධයටත් වඩා අභියෝගාත්මක යුද්ධයක් වුණා. දුටුගැමුණු රජතුමාට විරුද්ධව එතුමාගේ කකුළෙන් අදින්න ඒ කාලේ විපක්ෂයක් තිබුණේ නෑ. ඒ වගේම කරන වැඩේ ජනතාවගේ මනසේ ව්‍යාකූල කරන්න රාජ්‍ය නොවන සංවිධාන ජාලයක් තිබුණෙත් නෑ. බලපෑම් කරන්න විදේශීය ප්‍රජාවන් ජාත්‍යන්තර ප්‍රජාවන් සිටියේ නෑ. බල්ලුක කියන ඉන්දියානු සහෝදරයට හමුදාව ඇරගෙන එන ලෙස එලාර රජතුමා පණිවිඩයක් යැව්වත් පණිවිඩය ගිහිල්ලා හමුදාව එන විට යුද්ධය ඉවර වෙලාත් ඉවරයි. අද වගේ ක්ෂණිකව බලපෑම් කරන්න, සම්මන්ත්‍රණ තියන්න, හමුදා එවන්න හැකියාවක් එදා තිබුණේ නෑ. ඒ සියල්ලටම වඩා ජනතාවගේ මනස විකෘති කරන්න බොරු ප්‍රචාර කරන සමාජ ජාල මාධ්‍යන් එදා තිබුණෙත් නැහැ.

ඒ නිසා අතිගරු මහින්ද රාජපක්ෂ මැතිතුමනි ඔබ තුමා මේ රටට ගෙනාපු ජයග්‍රහනය, අතීතයේ අප ලද සියළුම ජයග්‍රහනයන් ට වඩා විශිෂ්ටයි අද්විතීය‍යි කියන එකයි අපේ විශ්වාසය. ඒ නිසයි ඔබතුමා අද අපේ ප්‍රධාන අමුත්තා වෙන්නේ.

ශ්‍රී ලංකාව ආසියාවේ බලශක්ති කේන්ද්‍රය බවට පත් කිරීම

ගරු මහින්ද රාජපක්ෂ මැතිතුමනි, 2010 ජනාධිපතිවරණයේ දී ඔබතුමා ජනවරම ඉල්ලූ ‍ප්‍රතිපත්ති ප්‍රකාශණයේ ඔබතුමා ජනවරම ඉල්ලනවා, ශ්‍රී ලංකාව ආසියාවේ බලශක්ති කේන්ද්‍රය බවට පත් කරන්න. එදා ඔබට දැවැන්ත ජනවරමක් ලැබුණත් එය මහ පොළොවේ ක්‍රියාත්මක වුණේ නෑ. ඒ නිසා තමයි මේ අමාත්‍යාංශය භාර ගැනීමෙන් අනතුරුව අද අමාත්‍යාංශයේ දැක්ම බවට ශ්‍රී ලංකාව ආසියාවේ බලශක්ති කේන්ද්‍රය බවට පත් කිරීම කියන තේමාව යොදාගෙන තියෙන්නේ . අපි ආසියාවේ බලශක්ති කේන්ද්‍රය කරා යන ගමනේදී, අපිට තෙල් ගබඩා කිරීමේ හැකියාව, අපේ ධාරිතාව අතිශයින්ම තීරණාත්මක වෙනවා. ඒ නිසා තෙල් තොග ගබඩා පර්යන්ත සමාගම අපේ ක්‍රියාවලිය තුළ ඉතා වැදගත් සමාගමක් බවට පත් වෙනවා. ඉතාම වැදගත් ආයතනයක් බවට පත්වෙනවා. මේ වන විට ගරු අග්‍රාමාත්‍යතුමනි මෙට්ට්‍රික් ටොන් දහදාහක ධාරිතාවෙන් යුත් ටැංකි නමයක් ඉදිකිරීම් කටයුතු අපි ආරම්භ කරල තියනවා.

ත්‍රිකුණාමලය තෙල් ටැංකි සංකීර්ණය නොබෝ දිනකින්ම අප සතු වන බව

මං විශේෂ දෙයක් කිව යුතුයි. ත්‍රිකුණාමලයේ තියෙන තෙල් ටැංකි ශ්‍රී ලංකාවට ලබා ගැනීම පිළිබඳ සාකච්ඡා පසුගිය ඉරිදා අවසන් කරන්න පුළුවන් වුණා. තාම මේක කොහෙවත් නිවේදනය කර නැහැ. ඉන්දියානු මහා කොමසාරිස් තුමාත් එක්ක තිබුණු අර්බුද සියල්ල කතා කරලා විසඳගන්න පුළුවන් වුණා. විශේෂයෙන් සිහිපත් කරන්න ඕන ඉන්දියානු මහා කොමසාරිස්තුමා ඉතාම නම්‍යශීලී වෙමින් 2017 අත්සන් කල ගිවිසුමේ තිබෙන විධිවිධාන අමතක කරමින්, කළමනාකාරීත්වය එක්ක සාකච්ඡා කරලා, වෘත්තීය සමිති එක්ක සාකච්ඡා කරලා අපි විසින් ඉදිරිපත් කරපු කොන්දේසි සියල්ලටම එකඟතාවය පළකලා. මම මේ අවස්ථාවේ එය කෘතඥ පූර්වකව සිහිපත් කරන්න ඕන.

දෙවන ලෝක යුද්ධයෙන් පස්සෙ මේ දක්වා නිසි ලෙස ප්‍රයෝජනයට ගත්තේ නැති , 2003 සිට අපට අහිමි වුණු අපේ මහා සම්පතක් වන ත්‍රිකුණාමලය තෙල් ටැංකි සංකීර්ණය නොබෝ දිනකින්ම අප සතු වන බව අපි බොහොම ආඩම්බරයෙන් ප්‍රකාශ කරනවා. ත්‍රිකුණාමලය ආසන්නයෙන් යන නැව් වලින් සාතිශය බහුතරය ඉන්දියාවට අයත් වෙන්නේ ඒ නිසා ඒ වෙළඳපොළ දිනාගැනීමට නම් ඉන්දියාවේ සහයෝගය අපට අත්‍යවශ්‍යයි . එම නිසා ලංකා අයිඕසි සමාගමත් සමග එකතුව ඉතාම සහයෝගයෙන් මේ තෙල් ටැංකි සංවර්ධනය කරල ලංකාවට දැවැන්ත විදේශ විනිමය උපයන තැනක් බවට, වසර අසූවක් පමණ නිදැල්ලේ ප්‍රයෝජනයක් නොගෙන තිබූ මෙම සම්පත භාවිතා කරන්නට නුදුරු අනාගතයේ දීම අපි කටයුතු කරනවා කියන එක අපි ජාතියට ප්‍රතිඥා දෙන්න කැමතියි.

තෙල් නල එලා තිබු භූමියේ අනවසර පදිංචිකරුවන්ට නව නිවාස

අද අපේ ගමනෙ ඉතාම වැදගත් දෙයක් තමයි .අපේ තෙල් නල පද්ධතිය. සමහර නල අවුරුදු හැත්තෑවක් පරණයි .හැබැයි මේකෙ ආයුකාලය අවුරුදු තිහයි. වරින් වර තෙල් කාන්දු වීම් නිසා අපටත් පාඩුවක් වෙනවා. පරිසරයට ඊටත් වඩා පාඩුවක් වෙනවා . තෙල් නල පද්ධතිය අලුතෙන් ඉදි කිරීමේදී අපට තිබුණ එක අභියෝගයක් තමයි වසර තිස් පහකට අධික කාලයක් මෙම තෙල් නල එලා තිබු භූමිය උඩින් නිවාස ඉදිවෙලා තියෙන එක . අපි නිවාස 112ක් අඳුනගත්ත. ඒ අනුව තමයි ඛණීජ තෙල් නීතිගත සංස්ථාවත් භාණ්ඩාගාරයක් ඒකාබද්ධව රුපියල් මිලියන 500ක් වෙන් කලේ, මේ නිවාස වල ඉන්න අයට මහල් නිවාස ලබා දීලා මේ නිවාස ඉවත් කිරීම සඳහා.

සමහරු අපෙන් අහනවා ඒ අය පදිංචි වෙලා ඉන්නේ රජයේ ඉඩමක නීතිවිරෝධීව නේද ? නීතිවිරෝධීව ඉන්න අය ඉවත් කරන්න වෙනම ගෙවල් දෙන්න ඕනද? කසිප්පු පෙරෙන කෙනෙක් අල්ලපුවම එයාට තැබෑරුමක් දීලද කසිප්පු පෙරන එක නතර කරන්නේ කියලා සමහරු අපෙන් ප්‍රශ්න කරා. නීතිය කෙසේ වෙතත් අපි මානුෂික වෙන්න ඕන. වසර 35 ක් නීතිවිරෝධීව ඔවුන් ගෙයක් හදාගෙන හිටියට පස්සේ එයාලව පාරට ඇදලා දාන්න තරම් අමානුෂික වෙන්න ජනතාව පිළිබඳ සංවේදී ජනාධිපති කෙනෙක් සහ අගමැති කෙනෙක් ඉන්න ආණ්ඩුවක් විදිහට අපට හැකියාවක් නෑ. ඒ නිසා තමයි ඒ ජනතාවට අලුත් නිවාස නොමිලේ ලබා දීලා, ඒ බිම් අපේ නල පද්ධතිය ප්‍රතිසංස්කරණය කර ගත හැකි ආකාරයට නැවත නිදහස් කරගන්න කටයුතු කළේ .

ඒ නිසා මේ නිවාසලාභීන් බොහොම සුහදශීලීව අපිත් එක්ක මේ ගනුදෙනුව කරන්න සම්බන්ධ වීම ගැන, ඔවුන් රටේ නීතියට එකඟව කටයුතු කරන්න අපිත් එක්ක එකඟ වීම ගැන ඒ අයටත් අපේ ප්‍රණාමය පුද කරනවා.

ශ්‍රී ලංකාව දුක්වින්ද යුගය නුදුරු අනාගතයේ දීම අවසන් කරනවා

ශ්‍රී ලංකාව ආසියාවේ බලශක්ති කේන්ද්‍රය බවට පත් කිරීම සම්බන්ධයෙන් තීරණාත්මක වසරක් බවට 2021 පත් වේවි කියලා අපි බලාපොරොත්තු වෙනවා. අපි බලාපොරොත්තු වෙනවා සපුගස්කන්දේ ත්‍රිකුණාමලයෙන් හම්බන්තොටත් තෙල් පිරිපහදු තුනක් ආරම්භ කරන්න වසර හැටකින් ලංකාවේ තෙල් පිරිපහදුව බිහිවෙලා නෑ. වසර හැත්තෑවක් පමණ පරණ තෙල් නල පද්ධතිය අලුත් කරන්න ඒ වගේම මේ වසර තුල මන්නාරම් ද්‍රෝණියේ තෙල් සහ ගෑස් ගොඩගැනීමේ කටයුත්තත් අලූත් ආයතන බිහි කරලා අලුත් නීති රීති පද්ධතියක් යටතේ ආරම්භ කරන්න බලාපොරොත්තු වෙනවා.

අපේ තියනවා ඩොරොඩා කියලා ළිදක්, දෙදහස් එකොළහේ දී කැනපු ඒහි ගෑස් තියනවා වසර 30කට මෙගාවොට් 1000 ක විදුලි බලාගාරයක් නඩත්තු කිරීම සඳහා ප්‍රමාණවත්. බැරකියුඩා කියන ළිඳේ වසර දහයක් මෙගාවොට් 300 ක ගෑස් විදුලි බලාගාරයක් නඩත්තු කරන්න ප්‍රමාණවත් ගෑස් තියෙනවා .මේ මහා සම්පත පොළොව යට තියාගෙන අපි ලෝකයට ණය වෙමින් දුක් විඳිමින් සිටිනවා. ඒ නිසා ශ්‍රී ලංකාව දුක්වින්ද යුගය නුදුරු අනාගතයේ දීම අවසන් කරනවා කියන ප්‍රතිඥාව ජාතියට ලබාදෙනවා.

සීමාසහිත ලංකා ඛනිජ තෙල් ගබඩා පර්යන්ත සමාගමේ සභාපති මොහොමඩ් උවයිස් මහතාද මෙහිදී අදහස් දැක්වූ අතර බලශක්ති අමාත්‍යාංශයේ ලේකම් කේ.ඩී.ආර්.ඔල්ගා, ලංකා ඛනිජ තෙල් නීතිගත සංස්ථාවේ සභාපති නීතිඥ සුමිත් විජේසිංහ, අයි ඕ සී සමාගමේ කලමණකාර අධ්‍යක්ෂ මනෝජ් ගුප්තා, ඇමතිතුමන්ගේ පුද්ගලික ලේකම් උපුල් විජේසේකර යන මහත්වරුන් සහ සීමාසහිත ලංකා ඛනිජ තෙල් ගබඩා පර්යන්ත සමාගමේ නිලධාරීන් වෘතීය සමිති නායකයින් ඇතුළු පිරිසක් මේ සඳහා සහභාගී විය.

– media unit

Continue Reading

Facebook

Advertisement

Updates

උණුසුම් පුවත්2 days ago

අලුත් රටට-අලුත් බෙහෙත්.. රු. 130 බෙහෙත දැන් රු. 67 කට..

මීට පෙර ශ්‍රී ලංකාවේ නිෂ්පාදනය නොකළ ඖෂධ රාජ්‍ය ඖෂධ නිෂ්පාදන සංස්ථාව මගින් නිෂ්පාදනය කර එලිදැක්වීමේ වැඩසටහන යටතේ නිමොඩපීන් (Nimodipine) ඖෂධය...

උණුසුම් පුවත්4 days ago

බ්‍රිතාන්‍ය ගුවන් තහනම ඉවත් කරයි

බ්‍රිතාන්‍ය තුළ පැතිර යමින් තිබෙන නව කොවිඩ් ප්‍රභේදය හේතුවෙන් පනවා තිබූ තාවකාලික ගුවන් ගමන් තහනම වහාම ක්‍රියාත්මක වන පරිදි අත්හිටුවීමට...

උණුසුම් පුවත්4 days ago

ඉන්දියාවට ත‍්‍රිකුණාමල තෙල් ටැංකි අහිමි වෙයි.. අයිතිය ලංකාවට..

කොළඹ වරායේ සිට කොලොන්නාව නිමාව ඛනිජ තෙල් තොග ගබඩා පර්යන්ත සමාගම වෙත දිවෙන ඉන්ධන නල පද්ධතිය පිහිටි භූමියේ අනවසරයෙන් වසර...

උණුසුම් පුවත්4 days ago

එක් දිනෙක වැඩිම කොරෝනා මරණ වාර්තා වේ.. 13ක් මිය යයි..

කොරොනා වෛරසය ආසාදනය වූ තවත් පුද්ගලය 13 දෙනෙකු මරණයට පත් වී තිබේ. ඒ අනුව මෙරට කොරෝනා මරණ සංඛ්‍යාව 422 දක්වා...

උණුසුම් පුවත්5 days ago

ඉන්දියාවට බදුදී තිබු ත්‍රිකුණාමලයේ ඉන්ධන ටැංකි නුදුරේදීම ශ්‍රී ලංකාව සතුවනවා

ත්‍රිකුණාමලයේ පිහිටි ඉන්ධන ටැංකි නුදුරු දිනකදීම ශ්‍රී ලංකාව සතුවන බව බලශක්ති අමාත්‍ය උදය ගම්මන්පිල ප්‍රකාශ කර සිටිනවා. කොලොන්නාවේ අද පැවති...

උණුසුම් පුවත්5 days ago

මේක ඉන්දියාවේ ප්‍රාන්තයක් නෙමෙයි!

ඉන්දියාවට ශ්‍රී  ලංකාවේ දේශපාලන පක්ෂ පිහිටුවීමේ කිසිදු බලයක් නොමැති බවත් ශ්‍රී  ලංකාව යනු ඉන්දියාවේ තවත් ප්‍රාන්තයක් නොවන බවත් මහාචාර්ය මැදගොඩ...

උණුසුම් පුවත්5 days ago

වසර 4කින් කිරිපිටි ආනයනය නවත්වනවා – නවසීලන්ත අගමැති ආවත් ආයේ හැරෙන්නේ නෑ!

දිනකට ඇමරිකානු ඩොලර් මිලියනයක කිරි පිටි ආනයනය කෙරෙන බවත් ඉදිරි වසර හතර ඇතුළත මෙරට කිරිවලින් ස්වයංපෝෂිත කිරීමෙන් අනතුරුව කිරි පිටි...

උණුසුම් පුවත්7 days ago

නව ප්‍රභේදය නිසා රට ලොක් ඩවුන් කිරීමේ කිසිම අවශ්‍යතාවයක් නැහැ – කොවිඩ් රාජ්‍ය ඇමති

කොවිඩ් නව ප්‍රභේදය සහිත ආසාදිතයින් හඳුනාගෙන තිබුණද රට ලෝක් ඩවුන් කිරීමේ කිසිම අවශ්‍යතාවක් මතු වී නැති බව ප්‍රාථමික සෞඛ්‍ය සේවා,...

උණුසුම් පුවත්7 days ago

විමල් වීරවංශලා සමග ප‍්‍රබල දේශපේ‍්‍රමී විපක්‍ෂයක් හදන්න සූදානම්..

මෙරට විශාල ප්‍රබල විපක්ෂයක් නිර්මාණය වීමේ සූදානමක් ඇතැයි සමගි ජන බලවේග පාර්ලිමේන්තු මන්ත‍්‍රී හේෂා විතානගේ මහතා පවසයි. විමල් වීරවංශ ඇමතිවරයා...

උණුසුම් පුවත්1 week ago

ප්‍රජා අයිතිය රැකගන්න හිටපු ජනපති මෛත්‍රී අනුරාධපුරේ ඥානක්කා හමුවීමට යයි..

හිටපු ජනාධිපති මෛත්‍රීපාල සිරිසේන මහතාගේ ප්‍රජා අයිතිය වසර 07කට අහෝසි කිරීමට පාස්කු ඉරිදා බෝම්බ ප්‍රහාරය පිළිබඳ විමර්ශනය කළ ජනාධිපති කොමිසම...

Advertisement
Advertisement

Trending

Copyright © 2020 Lanka C News