ගෑස් සිලින්ඩර් සඟවා තබාගෙන සිටින ව්‍යාපාරික ස්ථාන ති‌බේ නම් ඒ පිළිබදව පාරිභෝගික අධිකාරියට දැනුම් ලෙසට මහජනතාවගෙන් ඉල්ලා සිටියි. ඒ සදහා පාරිභෝගික අධිකාරියේ 1977 හදිසි ඇමතුම් අංකයට දැනුම් දෙන ලෙස පාරිභෝගික අධිකාරියේ සභාපති විශ්‍රාමික මේජර් ජෙනරාල් ශාන්ත දිසානායක මහතා සදහන් කරයි.

ඉදිරියේදී ගෑස් මිල ඉහළ යනු ඇතැයි සිතා ගෑස් අලෙවිකරුවන් අලෙවි කිරීමට ඇති ගෑස් සිලින්ඩර සඟවා සිටින බවට තොරතුරු ලැබෙමින් පවතින බව පාරිභෝගික අධිකාරියේ සභාපතිවරයා වැඩිදුරටත් පැවසීය.

තොග වෙළදාම් කටයුතු සඳහා දිවයිනේ සියලුම ආර්ථික මධ්‍යස්ථාන අද (17) සහ හෙට (18) දෙදින තුළ විවෘත ව පවතී. ජංගම වෙළඳුන්ට එළවළු සහ පළතුරු තොග මිලදී ගැනීම සඳහා එලෙස ආර්ථික මධ්‍යස්ථාන විවෘතකර ඇත. පෑලියගොඩ මැනිං එළවළු වෙළෙඳපොළ සහ මත්ස්‍ය වෙළෙඳ පොළ ද අද (17) අලුයම සිට විවෘතව කර තිබුණි

සිංගප්පුරුවේ ආයතන කිහිපයක් මගින් වැඩි මිලට බොරතෙල් හා පිරිපහදු කරන ලද තෙල් ලබාගැනීම උදෙසා අල්ලස් ලබාගැනීමේ චෝදනාවක්  සම්බන්දව  විශේෂ විමර්ශණ ඒකකය වෙත ලැබී ඇති සාක්ෂි පදනම් කරගනිමින් අමාත්‍ය උදය ගම්මන් පිලට එරෙහිව විශ්වාසභංග යෝජනාවක් ගෙන එම සම්බන්දයෙන් පොහොට්ටු අභ්‍යන්තරයේ කතිකාවතක් ඇතිව ඇති බව වාර්තා වේ.

පොහොට්ටු නිවේදනය තුළ කරුණු දෙකක් අඩංගු වෙනවා.

අංක එක වන්නේ ඉන්ධන මිළ වැඩි කිරීමේ තැනට රජය තල්ලු වන තුරු විෂය භාර ඇමතිවරයා තම ධුර කාලය තුළ කිසිවක්ම නොකළ බවයි. එසේ නොකළ දේවල් ලෙස අප දකින්නේ ඔපෙක් රටවල්වලින් ⁣ඉන්ධන මිළට නොගෙන, විශාල කොමිස් මුදලක් ලැබෙන සිංගප්පූරු තැරැව්කරුවන්ගෙන් ම දිගින් දිගටම ඉන්ධන මිළට ගැනීමයි. ඔපෙක් රටක් සමග ගිවිසුම් ගත වී ඉන්ධන ලබා ගන්නා විට කොමිස් මුදල් නොලැබෙන අතර එය රජයන් දෙක අතර ගිවිසුමට අනුව සිදුවේ. එවිට විශාල ලෙස අඩු මිළකට ඉන්ධන ලබාගත හැකිය.

දෙවැනි කාරණය නම්, බොරතෙල් ආනයනය කර ලංකාවේ පිරිපහදු කිරීම සඳහා පසුගිය වසර දෙක තුළ අමාත්‍යාංශය කිසිදු නව පියවරක් ගෙන නැති බවයි. සිදුකර ඇත්තේ පසුගිය රනිල්-සිරිසේන පාලනය විසින් තෙල් මිළට ගත් තැරැව්කරුවන්ගෙන් හතර දෙනාගෙන් ම මාරුවෙන් මාරුවට පිරිපහදු කළ තෙල් ලබා ගැනීම පමණි.

ලෝක වෙළඳපොල තුළ තෙල් මිළ අඩු වූ අවස්ථාවල අමතර තෙල් ගබඩා කිරීම සඳහා පහසුකම් වැඩි කළ යුතු බව කැබිනට් රැස්වීම්වල කිහිප වරක්ම දැනුම් දී තිබුණ ද ඒ සඳහා අවශ්‍ය පියවර ගැනීමට ඇමතිවරයා කටයුතු කර නැතිවීම මීළඟ ප්‍රශ්නයයි. මුහුදේ සිට තෙල් පොම්ප කරන දෙවැනි නල පද්ධතියක් එලිය යුතු බව ද කර ඇති ඊළඟ යෝජනාවයි. ඒ සඳහා ද පියවර ගෙන නැත.

මේ මොහොතේ ඉන්ධන මිළ වැඩිකිරීමට සිදුවීම ගැන පොදුජන පෙරමුණ විෂයභාර අමාත්‍යවරයාට ඉල්ලා අස්වන ලෙස කියන්නේ නැත. ඇතැමුන් එය පටලාගෙන තිබේ. මිළ වැඩිකිරීම මේ අවස්ථාවේ ගතයුතු තීරණයක් බව එම පක්ෂය සිතන බව නිවේදනයෙන් පෙනේ. එහෙත් ඇමතිවරයාට ඉල්ලා අස්වන ලෙස කියන්නේ මේ තත්වය උදාවන තුරු අමාත්‍යාංශය විසින් ගත යුතු ක්‍රියාත්මත කිසිවක්ම නොගැනීම මතය.

මේ මොහොතේ ඉන්ධන මිළ වැඩිකිරීමට සිදුවීම ගැන පොදුජන පෙරමුණ විෂයභාර අමාත්‍යවරයාට ඉල්ලා අස්වන ලෙස කියන්නේ නැත. මිළ වැඩිකිරීම මේ අවස්ථාවේ ගතයුතු තීරණයක් නොවන බව එම පක්ෂය සිතන බව නිවේදනයෙන් පෙනේ. එහෙත් ඇමතිවරයාට ඉල්ලා අස්වන ලෙස කියන්නේ මේ තත්වය උදාවන තුරු අමාත්‍යාංශය විසින් ගත යුතු ක්‍රියාත්මත කිසිවක්ම නොගැනීම මතය.