පරීක්‍ෂණ කට්ටල හිගයක්.. කොරෝනා පරීක්‍ෂණ නතර වීමේ තත්වයක්..

කොරෝනා පරීක්ෂණ සඳහා අවශ්‍ය කරන පරීක්ෂණ කට්ටලවල හිගයක් ඇතැයි රාජ්‍ය සේවා එක්සත් හෙද සංගමය සභාපති පූජ්‍ය මුරුත්තෙට්ටුවේ ආනන්ද හිමියෝ සඳහන් කරති.

එනිසා කොරෝනා පරීක්ෂණ නතර වීමේ දැඩි අවදානමක් මතුව ඇතැයි උන්වහන්සේ සඳහන් කරති.

එවන් තත්ත්වයක් යටතේ ඒ සඳහා සෞඛ්‍ය අමාත්‍යාංශයෙන් ලැබෙන ප්‍රතිචාරයන් ඉතා දුර්වල වීම හේතුවෙන් රෝගීන් වෛද්‍යවරුන් ඇතුළු හෙද කාර්ය මණ්ඩලය ද අනතුරුදායක පත්ව තත්ත්වයකට පත්ව ඇතැයි උන්වහන්සේ පෙන්වා දෙති.

ආනන්ද හිමියන් විසින් නිවේදනයක් නිකුත් කරමින් මේ බව සඳහන් කර තිබේ.

වෛරසය ව්‍යාප්තිය පාලනයට සිදු කළ යුතු උපදෙස් ආදිය අඛණ්ඩව ලැබුණේ නම් මෙය බොහෝදුරට තුරන් කිරීමට හැකි වනු ඇතැයි ද උන්වහන්සේ පෙන්වා දෙයි.

අද වන විට සෞඛ්‍ය අමාත්‍යාංශයටත් සෞඛ්‍ය දෙපාර්තමේන්තුවටත් මේ සම්බන්ධයෙන් උපදෙස් දීමට නිසි බලධාරීන් සොයා ගැනීමට නොමැතිවීමෙන් බලවත් තර්ජනයක් වී ඇතැයි ද උන්වහන්සේ කියා සිටී.

තවත් කොරෝනා මරණ 03ක්!

තවත් කොරෝනා ආසාදිත පුද්ගලයන් 03 දෙනෙකු මියගිය බව රජයේ ප්‍රවෘත්ති දෙපාර්තමේන්තුව නිවේදනය කරයි.

ඒ අනුව මෙරට පුද්ගලයන් 211 දෙනෙකු කොරෝනා ආසාදනය හේතුවෙන් මියගොස් තිබේ.

බැසිල් වැඩ සමග යලි ගමට.. මාතරින් අද වැඩ අරඹයි..

වැඩ සමග යළි ගමට දකුණු පලාත් සංවර්ධන වැඩපිළිවෙළ මාතර දිස්ත්‍රික්කයේ දී අද පෙරවරුවේ ආරම්භ කෙරිණ.

හිටපු අමාත්‍ය ජනාධිපති කාර්ය සාධක බලකා ප්‍රධානී බැසිල් රාජපක්ෂ මහතාගේ ප්‍රධානත්වයෙන් මාතර දී අද මෙම උත්සවය පැවැත්වින. ඒ සඳහා පළාත් වල සියලු මැති ඇමැතිවරුන් රාජ්‍ය නිලධාරීන් සහභාගී වූහ.

එම වැඩසටහන් මාලාවක් රට පුරා පළාත් මට්ටමෙන් මේ සතිය තුළ දිවයින පුරා ම ආවරණය කරමින් ආරම්භ කිරීමට නියමිතය.

ඒ අනුව හෙට දිනය වයඹ පළාතේද, අනිද්දා උතුරුමැද, ඊට පසු මධ්‍යම ඇතුළු සෙසු පළාත්වල ද මෙම කටයුත්ත සිදු කෙරේ.

2021 අයවැය මගින් මුළු දිවයිනම ආවරණය වන පරිදි ග්‍රාමීය ආර්ථිකය ශක්තිමත් කොට ජනතාවගේ දිරිද‍්‍රතාවය තුරන් කරමින් රටේ ආර්ථිකය ශක්තිමත් කිරීමට ජනාධිපති ගෝඨාභය රාජපක්ෂ මහතා ඉදිරිපත් කළ වැඩපිළිවෙළ අනුව මෙම කටයුත්ත ක්‍රියාත්මක වෙයි.