MCC අත්සන් කරනවාද නැද්ද.. පොම්පියෝ මෙරට ඇවිත් විමසයි..

MCC ගිවිසුම සම්බන්ධයෙන් ශ්‍රී ලංකා ආණ්ඩුවේ ස්ථාවරය මක්දැයි මෙරටට පැමිණීමට නියමිත ඇමරිකානු රාජ්‍ය ලේකම් මයිකල් පොම්පියේ මහතා විසින් විමසනු ඇති බව රාජතාන්ත්‍රික ආරංචි මාර්ග සඳහන් කරයි.

එළඹෙන 28 වැනි දා මෙරටට පැමිණෙන ඇමෙරිකානු තානාපතිවරයා MCC පාලක මන්ඩලයේ සභාපතිවරයාගෙන් මෙම විමසීමට සිදුකිරීමට නියමිතව ඇත.

මෙම කෙටි සංචාරයේදී ඇමරිකානු රාජ්‍ය ලේකම්වරයා මෙරට ජනාධිපති අගමැති සමග සාකච්ඡා කිරීමට නියමිතය.

ඉන් අනතුරුව මාධ්‍ය හමුවකට සහභාගි වන ඔහු දිවයිනෙන් පිටත්ව යාමට නියමිතය.

වත්මන් ඇමරිකානු රාජ්‍ය ලේකම්වරයා මරිකානු සී අයි ඒ ආයතනයේ ප්‍රධානියා ලෙස දීර්ඝ කාලයක් කටයුතු කර කර ඇත.

28 වැනිදා ඔහු පැමිණීමට පෙර දැනටමත් ඔහුගේ ආරක්‍ෂකයින් පිරිසක් මෙරටට පැමිණ සිටී.

තවත් කොරෝනා මරණ 03ක්!

තවත් කොරෝනා ආසාදිත පුද්ගලයන් 03 දෙනෙකු මියගිය බව රජයේ ප්‍රවෘත්ති දෙපාර්තමේන්තුව නිවේදනය කරයි.

ඒ අනුව මෙරට පුද්ගලයන් 211 දෙනෙකු කොරෝනා ආසාදනය හේතුවෙන් මියගොස් තිබේ.

බැසිල් වැඩ සමග යලි ගමට.. මාතරින් අද වැඩ අරඹයි..

වැඩ සමග යළි ගමට දකුණු පලාත් සංවර්ධන වැඩපිළිවෙළ මාතර දිස්ත්‍රික්කයේ දී අද පෙරවරුවේ ආරම්භ කෙරිණ.

හිටපු අමාත්‍ය ජනාධිපති කාර්ය සාධක බලකා ප්‍රධානී බැසිල් රාජපක්ෂ මහතාගේ ප්‍රධානත්වයෙන් මාතර දී අද මෙම උත්සවය පැවැත්වින. ඒ සඳහා පළාත් වල සියලු මැති ඇමැතිවරුන් රාජ්‍ය නිලධාරීන් සහභාගී වූහ.

එම වැඩසටහන් මාලාවක් රට පුරා පළාත් මට්ටමෙන් මේ සතිය තුළ දිවයින පුරා ම ආවරණය කරමින් ආරම්භ කිරීමට නියමිතය.

ඒ අනුව හෙට දිනය වයඹ පළාතේද, අනිද්දා උතුරුමැද, ඊට පසු මධ්‍යම ඇතුළු සෙසු පළාත්වල ද මෙම කටයුත්ත සිදු කෙරේ.

2021 අයවැය මගින් මුළු දිවයිනම ආවරණය වන පරිදි ග්‍රාමීය ආර්ථිකය ශක්තිමත් කොට ජනතාවගේ දිරිද‍්‍රතාවය තුරන් කරමින් රටේ ආර්ථිකය ශක්තිමත් කිරීමට ජනාධිපති ගෝඨාභය රාජපක්ෂ මහතා ඉදිරිපත් කළ වැඩපිළිවෙළ අනුව මෙම කටයුත්ත ක්‍රියාත්මක වෙයි.